1 Pedro 3:12 - Chayahuita (Shahui)

¹² Noya nipatamaꞌ, Sinioro aꞌpaiarinquëmaꞌ. Ina nontohuatamaꞌ, natanarinquëmaꞌ. Nipirinhuëꞌ, co noyahuëꞌ nipatamaꞌ, co Sinioro tahuërëtarinquëmahuëꞌ,” tënin.

1 Pedro 3:12 ပူးပေါင်းရင်းမြစ်များ

Salmos 33:18

Sinioro chinotopisopitaso nipirinhuëꞌ, inari aꞌpaimiatarin. Noya nicatona natëpisopitasoꞌ, inapotarin.

Salmos 80:16

Iporaso nipirinhuëꞌ, inimicoroꞌsa minsërincoi. Ninanonëhuëipitantaꞌ, pënquë ahuiquitëraꞌpiapi. Ina marëꞌ quëmarintaꞌ, inapita noꞌhuiton ataꞌhuantëquëꞌ.

Proverbios 15:3

Siniorosoꞌ yaꞌipi parti yaꞌhuëarin. Noya nipisopita, co noyahuëꞌ nipisopitanta yaꞌipi niꞌsárin.

Proverbios 15:8

Co noyahuëꞌ nipisopita Yosë marëꞌ maꞌsha acopisoꞌ, Yosëri co noyahuëꞌ niꞌsarin. Noya nipisopitari nontohuachinasoꞌ, noya natanaton catahuarin.

Juan 9:31

Oshahuanoꞌsari Yosë nontohuachina, co natanatonhuëꞌ, co catahuarinhuëꞌ. Nipirinhuëꞌ, Yosë chinotohuatëhuaꞌ, noya natëhuatëhuaꞌ, natanarinpoaꞌ. Ina nitotërëhuaꞌ.

Santiago 5:16

Napoaton maꞌsona tërantaꞌ co noyahuëꞌ nipatëhuaꞌ, imarëhuasopita capini nishaꞌhuitahuaꞌ. “Ina marëꞌ casoꞌ oshahuanahuë,” nitahuaꞌ. Itohuaran capini Yosë nontahuaꞌ anoyachinpoaꞌ. Yaꞌipi co noyahuëꞌ yonquirëhuasopita naniantohuatëhuaꞌ, chiníquën ina nontohuatëhuaꞌ, naꞌcon catahuarinpoaꞌ.