1 Pedro 2:23 - Chayahuita (Shahui)

²³ Inimiconënpitari pinopachinara, co yaiꞌhuërëtërinhuëꞌ. Aparisitopirinahuëꞌ, co noꞌhuirinhuëꞌ. “Aꞌna tahuëri Yosëri noꞌtëquën anaꞌintarin,” taꞌton, Yosëíchin natërin.

1 Pedro 2:23 ပူးပေါင်းရင်းမြစ်များ

Génesis 18:25

¡Ama Sinioro napoquësohuëꞌ! ¡Tëhuëpisopita, co tëhuëpisopitahuëꞌ co napopináchin oshahuanpiso pochin anaꞌintamaso yaꞌhuërinhuëꞌ! ¡Ama napoquësohuëꞌ! ¡Quëmasoꞌ, noya noya coisë yaꞌipi isoroꞌpaꞌ marëꞌ ninan niꞌton, noꞌtëquënáchin anaꞌintamaso yaꞌhuërin! itërin.

Salmos 37:5

Nani tahuëri Yosë nontatomaꞌ: “Nohuantëransoꞌ Sinioro anitotoco natëinquën,” itocoꞌ. Inasáchin chinotohuatamaꞌ, catahuararinquëmaꞌ.

Salmos 96:13

¡Sinioro oꞌmaton huaꞌanëntarinpoa niꞌton, napoapi! ¡Yaꞌipi piyapiroꞌsa noꞌtëquën huaꞌanëntarin! Noya coisë pochin nicaton, huaꞌanëntarinpoaꞌ.

Isaías 53:7

Inimiconënpitari aparisitohuachina, co manta tosarinhuëꞌ. Co piꞌpian tëranta nonsarinhuëꞌ. Carniroaꞌhua tëpacaso marëꞌ quëpapiso pochin nitapi. Oꞌhuica yaꞌicaso marëꞌ quëpahuachinara, co manta tëninsohuë pochin inantaꞌ, co manta tosarinhuëꞌ.

Lucas 23:41

Canposoꞌ co noyahuëꞌ ninëꞌ. Napoaton noꞌtëquën coisë anaꞌintarinpoꞌ. Iso quëmapiso nipirinhuëꞌ nóya. Co mantaꞌ onporinhuëꞌ, itërin.

Lucas 23:46

Napohuachina, Quisoso chiníquën nonin. —Apira Tata chiminarahuë. Huaꞌyanëhuë quëpaquëꞌ, itahuaton, chiminin.

Lucas 23:9

Napoaton Quisoso canquihuachina, huaꞌquiꞌ nontopirinhuëꞌ, co aꞌpanitërinhuëꞌ. Naꞌcon natanpirinhuëꞌ, taꞌtárin.

Hechos 17:31

Aꞌna tahuëri co noyahuëꞌ nipisopita noꞌtëquën anaꞌintarin. Nani Quisoso acorin coisë pochin nicaton, yaꞌipi piyapiꞌsaꞌ noꞌtëquën shaꞌhuitacaso marëꞌ. Inasoꞌ piyapi chachin niꞌton, chiminpirinhuëꞌ, Yosëri ananpitaantarin. Napoaton inasoꞌ, Yosëri acorinsoꞌ, tënëhuaꞌ,” tënin Paono.

Hechos 4:29

Iporasoꞌ Sinioro, quiyantaꞌ noꞌhuirinacoisoꞌ, nitotëran. Quëmasáchin yanatërainquën niꞌton, catahuacoi chiníquën cancantatoi, quëma nanamën shaꞌhuii.

Hechos 7:59

Tëꞌyarasoiꞌ, Istipansoꞌ chiníquën parisitaponahuëꞌ, Quisoso nontërin: “Huaꞌyanëhuë Sinioro matahuatonco, quëpaquëꞌ,” itërin.

Hechos 9:1

Saonoso nipirinhuëꞌ noꞌhuitárin. Quisoso imapisopita noꞌhuiton, yatëparin. Napoaton corto huaꞌan chini chiníquën nanantërinsoꞌ nontonin.

Romanos 2:5

Canpitaso nipirinhuëꞌ, co natantochináchinhuëꞌ cancantëramaꞌ. Co oshanëmaꞌ yaaꞌporamahuëꞌ. Napoaton ayaroꞌ tahuëri chini chiníquën anaꞌintarinquëmaꞌ. Naporoꞌ yaꞌipi piyapiꞌsaꞌ noꞌtëquën anaꞌintarin.

Efesios 6:9

Patronoꞌsaquëmantaꞌ, piyapinëmapita noya nontocoꞌ. Ama noꞌhuiana quëran camaitocosohuëꞌ. Yosë niꞌsarinquëmaꞌ canpitantaꞌ. Inasoꞌ inápaquë yaꞌhuaton, huaꞌanëntërinpoaꞌ. Napopianáchin niꞌninpoaꞌ. Co maꞌhuanoꞌsaꞌ noya noya niꞌninhuëꞌ.

2 Tesalonicenses 1:5

Imaramaso marëꞌ parisitapomarahuëꞌ, noya ahuantëramaꞌ niꞌton: “Tëhuënchachin Yosë catahuarinquëmaꞌ,” tënai. Inasoꞌ noꞌtëquën yonquirin. Yosë nohuanton, ipora parisitaramaꞌ noya noya cancantacaso marëꞌ. Ina quëran noya niꞌsarinquëmaꞌ. Aꞌna tahuëri huaꞌanëntërinquë quëpantarinquëmaꞌ.

2 Timoteo 1:12

Ina marëꞌ aparisitopirinacohuëꞌ, co tapanato yaaꞌporahuëꞌ. Quisocristo imamiatarahuë. Ina nohuitato, inasáchin natërahuë. Yaꞌipi nanitaparin. Nani shaꞌhuitërinco nanamën aꞌchinaꞌhuasoꞌ niꞌton, noya aꞌpaiarinco. Oꞌmantaquë huarëꞌ nanamën yaꞌhuëmiatarin, tënahuë.

2 Timoteo 4:8

Napoaton Yosëꞌpaꞌ acanaarinco. Quisocristo oꞌmantahuachin, coisë pochin nicaton, noꞌtëquën shaꞌhuitarinpoaꞌ. Naporoꞌ noya ninahuëso marëꞌ acanaarinco. Co casáchin acanaarincohuëꞌ. Aꞌnapitantaꞌ Quisocristo nosoroatonaꞌ, “Manóton oꞌmantaꞌin,” topisopitantaꞌ Yosëꞌpaꞌ canaapi.

Hebreos 12:3

Isoroꞌpaquë yaꞌhuapon, oshahuanoꞌsari chiníquën noꞌhuipirinahuëꞌ, ahuantërin. Ina yonquiatëhuaꞌ, ama yaaꞌpoaꞌhuasohuëꞌ. Chiníquën cancantocoꞌ.

1 Pedro 3:9

Piyapiꞌsaꞌ maꞌsha onpotohuachinënquëmaꞌ, ama iꞌhuërëtacamasoꞌ yonquicosohuëꞌ. Pinopachinënquëmaꞌ, ama canpitarisoꞌ pinocosohuëꞌ. Noya nontocoꞌ. Naporahuaton, Yosë nontocoꞌ inapitantaꞌ catahuain. Imapatëhuaꞌ, ina shaꞌhuitërinpoaꞌ aꞌnapitantaꞌ nosorocasoꞌ. Napohuatëhuaꞌ, Yosë noya catahuarinpoaꞌ.

1 Pedro 4:19

Napoaton Yosë nohuanton parisitohuatamaꞌ, noya nicoꞌ. “Catahuaco Sinioro chiníquën cancanchi,” itocoꞌ. Yosë chachin nininpoaꞌ. Inasoꞌ co onporontaꞌ naniantarinpoahuëꞌ.

Apocalipsis 19:11

Ina quëran Yosë nohuanton, huaꞌnarëso pochin niantarahuë. Piꞌiroꞌtëꞌ niꞌsoatohuachina, huiri cahuario quënantarahuë. Ina aipi quëmapi huënsëarin. Noꞌtëquën nonaꞌpi itërëhuasoꞌ. Maꞌsona tërantaꞌ shaꞌhuitohuachinpoaꞌ, co onporontaꞌ nonpintarinpoahuëꞌ. Noꞌtëquën huaꞌanëntarin. Quira nicaton, inimicoroꞌsaꞌ minsëarin.