1 Pedro 2:20 - Chayahuita (Shahui)

²⁰ Co noyahuëꞌ nipatamaꞌ, anaꞌintarinquëmaꞌ. Ahuantohuatamaꞌ, co ina marëꞌ noya niꞌninquëmahuëꞌ: “Noꞌtëquën anaꞌintohuachinquëmaꞌ, ahuantacasoꞌ yaꞌhuërin,” topi yaꞌipiya. Aꞌna tahuëriso nipirinhuëꞌ noya nipiramahuëꞌ, aparisitarinënquëmaꞌ. Co noꞌhuitatomahuëꞌ, ahuantohuatamaꞌ, Yosë noya niꞌsarinquëmaꞌ.

1 Pedro 2:20 ပူးပေါင်းရင်းမြစ်များ

Mateo 26:67

Ina quëran ipirayatahuatonaꞌ, ahuëpi. Aꞌnaquënintaꞌ tonporayatahuatonaꞌ, chiníquën panpirayapi.

Mateo 5:47

Iyamaráchin noya nontohuatamaꞌ, co noya noya ninamahuëꞌ. Co Yosë nohuitopisopitahuëntaꞌ inahua capini noya ninontopi. Napoaton canpitasoꞌ nisha piyapiroꞌsantaꞌ noya nontocoꞌ.

Marcos 14:65

Naporahuatonaꞌ, Quisoso ipitopi. Tonporayatahuatonaꞌ, chiníquën panpirayapi. —Quëmasoꞌ Cristonquën nipatan, ninoton noꞌtëquën shaꞌhuitocoi. ¿Intaꞌ ahuërinquën? itoonpi. Ponisiaroꞌsarintaꞌ chiníquën ahuërayapi.

Lucas 6:32

Amiconëmapitaráchin nosorohuatamaꞌ, co noya noya nisaramahuëꞌ. Oshahuanoꞌsa tërantaꞌ inahua capini ninosoropi.

1 Corintios 4:11

Iporahuantaꞌ parisitarai. Aꞌna tahuëri tana natanai. Yamororai. Aꞌmocaꞌhuaisontaꞌ pahuantërincoi. Ahuërinacoi. Paꞌsápatoi, co huachi yaꞌhuëmiatëraihuëꞌ.

Gálatas 4:18

Noyasha yonquiatonaꞌ, aꞌchinpachinaꞌ, aꞌchinaꞌpi paꞌyatacasoꞌ yaꞌhuërin. Nipirinhuëꞌ, co noyahuëꞌ yonquiatonaꞌ, aꞌchinpachinaꞌ, co paꞌyatacasoꞌ yaꞌhuërinhuëꞌ. Canpitataquë yaꞌhuasoco, nóya nontëramaco. Iporantaꞌ co yaꞌhuëpirahuëꞌ, noya yonquirapico, topirahuëꞌ.

Efesios 5:10

Noya yonquiatomaꞌ, Yosë nohuantërinsoꞌ nitotocoꞌ. Ina nitotohuatamaꞌ, yaꞌipiya natëcoꞌ.

Filipenses 4:18

Iporasoꞌ nóya iꞌhuërëtëramaco huachi. Napoaton noya yaꞌhuarahuë. Co mantaꞌ pahuantërincohuëꞌ. Iꞌhua Ipapërotito huëꞌpachina, coriqui aꞌpatëramaco niꞌton, maꞌsha yaꞌhuëtërinco. Ina marëꞌ “Yosparinquëmaꞌ,” itëranquëmaꞌ. Yosë nosoroatomaꞌ, aꞌpatiramaco. Yosë chinotacaiso marëꞌ pimóchin nininsoꞌ aꞌpëhuachinara, Yosëri noya niꞌnin. Inapochachin canpitantaꞌ coriqui aꞌpatëramaco niꞌton, Yosë noya niꞌninquëmaꞌ.

1 Pedro 2:19

Topinan quëran anaꞌintohuachinquëmaꞌ, ama noꞌhuicosohuëꞌ. Yosë yonquiatomaꞌ, ahuantocoꞌ. Ina marëꞌ Yosë noya niꞌsarinquëmaꞌ.

1 Pedro 3:14

Aꞌna tahuëriso nipirinhuëꞌ imaramaso marëꞌ aparisitohuachinënquëmaꞌ, ama tëꞌhuatocosohuëꞌ. “Quisocristo marëꞌ parisitarëhuaꞌ,” taꞌtomaꞌ, noya cancantocoꞌ. Yosë noya catahuarinquëmaꞌ niꞌton, ama paꞌyancosohuëꞌ.

1 Pedro 3:17

Co noyahuëꞌ nipatëra, parisitacasoꞌ yaꞌhuërin. Aꞌna tahuëriso nipirinhuëꞌ Yosë nohuanton, imarëhuasopitantaꞌ parisitarëhuaꞌ. Noya nipirëhuahuëntaꞌ, piyapi aparisitarinënpoaꞌ. Ina pochin parisitacasoꞌ Yosë nohuantërin.