1 Pedro 1:21 - Chayahuita (Shahui)

²¹ Quisocristo anoyacancantërinquëmaꞌ niꞌton, Yosë nohuitatomaꞌ, natëramaꞌ: “Tëhuënchachin catahuarinpoaꞌ,” tënamaꞌ. Quisocristo chiminaponahuëꞌ, Yosëri ananpitaantarin. Inápaquë quëpantarahuaton, chiníquën nanan quëtërin. Napoaton Yosëíchin imaramaꞌ. “Canpoantaꞌ ananpitaantarinpoaꞌ,” taꞌtomaꞌ, ninaramaꞌ.

1 Pedro 1:21 ပူးပေါင်းရင်းမြစ်များ

Salmos 42:5

Parisitapirahuëꞌ, ¡ama huachi sëchisohuëꞌ! ¡Ama huachi napoin ancanchisohuëꞌ! “Sinioro catahuaantaponco,” tënahuë. Ina nohuanton noya chinotaantapo. Inasáchin Yosënëhuë niꞌton, nichaꞌësarinco.

Mateo 28:18

Quisosori yaꞌcarirahuaton, itapon: —Tata Yosë nohuanton, chini chiníquën nanantërahuë. Inápaquë yaꞌhuërinsopita, isoroꞌpaquë yaꞌhuërinsopita, yaꞌipiya huaꞌanëntarahuë.

Juan 12:44

Ina quëran Quisosori chiníquën nonaton, aꞌchintantarin yaꞌipiya natanacaiso marëꞌ. “Noꞌtëquën aꞌchintëranquëmaꞌ. Natëhuatamaco, co casáchin natëaramacohuëꞌ. Tata Yosëntaꞌ natëarama antaꞌ. Ina aꞌpaimarinco.

Juan 14:1

Ina quëran aꞌchintaantarin: “Ama paꞌyancosohuëꞌ. Ama sëtocosohuëꞌ. Yosë natëcoꞌ. Cantaꞌ natëco. ‘Co naniantarincoihuëꞌ,’ taꞌtomaꞌ, nani tahuëri natëco.

Juan 14:6

—Ca ira pochinco. Yaꞌipiya noꞌtëquën aꞌchintëranquëmaꞌ. Casáchin nanpicasoꞌ quëtëranquëmaꞌ. Imaramacosopitarachin Yosëꞌpaꞌ cancontaramaꞌ.

Juan 17:1

Ina tosahuaton, inápaquë nëꞌpëtërin Yosë nontacaso marëꞌ: “Nani Tata ora naniarin chiminaꞌhuasoꞌ. Aparisitohuachinaco, catahuaco quëma pochachin cancantato, noya natëinquën. Ina quëran aꞌnapita nicatonaco, noya noya yonquiarinënquën. Quëma huiꞌnanco niꞌto, napotaranquën.

Juan 17:24

Quëma nohuanton Tata, isopitasoꞌ imasarinaco. Inapita nohuantërahuë carëꞌ yaꞌhuëcaisoꞌ. Iráca quëran huarëꞌ quëma nosororanco. Coꞌhuara isoroꞌpaꞌ yaꞌhuëyátërasohuëꞌ, nosoroatonco, nóya acoranco. Inatohuaꞌ inapitantaꞌ pantahuachinaꞌ, noya noya niꞌsarinaco. Ina naꞌcon nohuantërahuë.

Juan 17:5

Iráca coꞌhuara isoroꞌpaꞌ yaꞌhuëyátërasohuëꞌ, quëmaroꞌco noya noya yaꞌhuëpirahuëꞌ, aꞌpaimaranco. Iporasoꞌ, Tata, quëmataquë naquëranchin acoantaco quëmaroꞌco chachin yaꞌhuantaꞌi.

Juan 3:34

Quisososoꞌ Yosë nanamën chachin nonin. Ispirito Santori noyá yaꞌcoancantërin niꞌton, noꞌtëquënáchin nonin.

Hechos 2:24

Yosëri ananpitaantarin. Chimirin quëran nichaꞌërin. Co chimirini minsërinhuëꞌ.

Hechos 3:13

Iráca shimashonënpoapita Apraan, Isaco, Cacopo, inapita Yosë chinotopi. Ina Yosëri chachin Quisoso noya noya acorin. Nichaꞌëinpoaso marëꞌ aꞌpaimapirinhuëꞌ, canpitari masahuatomaꞌ, huaꞌanoꞌsaquë yoꞌconamaꞌ. Piratori yaocoipirinhuëꞌ, co canpita nohuantëramahuëꞌ.

Hechos 3:15

Quisoso mini ananpirinpoaso nipirinhuëꞌ, atëpatëramaꞌ. Tëpapirinahuëꞌ, Yosëri ananpitaantarin. Quiyasoꞌ niꞌnai.

Hechos 4:10

noꞌtëquën shaꞌhuitaranquëmaꞌ, nitotocoꞌ. Yaꞌipi israiroꞌsaꞌ nitochinaꞌ. Quisocristo Nasaritoquë yaꞌhuërinsoꞌ nanan quëtërincoi anoyataꞌhuaisoꞌ. Ina catahuarincoi niꞌton, anoyatërai. Yosëri aꞌpaimapirinhuëꞌ, canpitarisoꞌ corosëquë apatanantëramaꞌ. Tëpapiramahuëꞌ, Yosëri ananpitaantarin. Ina nohuanton iso quëmapi nani noyataton, isëquë huanirarin.

Romanos 10:9

Tata Yosë nohuanton, Quisocristo tëhuënchachin nanpiantarin. Ina cancanënpoa quëran natëhuatëhuaꞌ, “Quisocristoíchin imarahuë,” topatëhuaꞌ, Yosë anoyacancantarinpoaꞌ.

Romanos 4:24

Ina pochin cancantohuatëhuaꞌ, Yosë noya niꞌsarinpoaꞌ. Quisocristo chiminpirinhuëꞌ, Yosëri ananpitaantarin. Ina huaꞌanëntërinpoaꞌ, tënëhuaꞌ. Ina marëꞌ Yosë noya niꞌsarinpoaꞌ canpoantaꞌ.

2 Corintios 6:15

Quisocristo sopairëꞌ co napopináchin yonquipihuëꞌ. Naporahuaton, canpoasoꞌ Quisocristo imarëhuaꞌ niꞌton, co oshahuanoꞌsa pochin cancantërëhuahuëꞌ.

Efesios 1:15

“Quisocristo anoyacancantërinpoaꞌ,” taꞌtomaꞌ, inasáchin imaramaꞌ. Ina imatomaꞌ, yaꞌipi imaramasopita capini noya ninosoroaramaꞌ, natantërahuë. Ina natantato, nóya cancantërahuë.

Colosenses 1:27

“Quisocristo chachin ayaꞌcoancantaranquëmaꞌ,” itërinpoaꞌ. Canpitantaꞌ nisha piyapinquëmaꞌ nipiramahuëꞌ, yaꞌcoancantërinquëmaꞌ. Yaꞌipinpoaꞌ yaꞌcoancantërinpoaꞌ niꞌton, aꞌna tahuëri Yosëꞌpaꞌ noya noya yaꞌhuëcontarihuaꞌ. Iráca co mantaꞌ ina nitotopirinahuëꞌ, nani anitotërinpoa huachi. Quisocristo nohuitatëhuaꞌ, ina ninarëhuaꞌ. Ma noyacha Tata Yosësoꞌ yonquirinpoa paya, tënëhuaꞌ.

1 Timoteo 1:1

Ca Paonoco ninshitaranquën, niꞌquëꞌ. ¿Noya, yaꞌhuaran? Noya cantaꞌ yaꞌhuarahuë. Yosë nohuanton, Quisocristo acorinco nanamën aꞌchinaꞌhuaso marëꞌ. Yosë chachin anoyacancantërinpoaꞌ. Oshanënpoaꞌ inquitatonpoaꞌ, nichaꞌërinpoaꞌ. Quisocristo imatëhuaꞌ, ina ninarëhuaꞌ. Aꞌna tahuëri inápaquë quëpantarinpoaꞌ.

1 Timoteo 3:16

Iráca co Yosë nohuitopirëhuahuëꞌ, iporasoꞌ Quisocristo anohuitërinpoaꞌ: “Ma noyacha inaso paya,” tënëhuaꞌ. Yosë huiꞌnin isoroꞌpaquë oꞌmaton, piyapi chachin nasitimarin. Ispirito Santo chachin anitotërinpoaꞌ Yosë huiꞌnin nininsoꞌ. Nanpiantahuachina, anquëniroꞌsarintaꞌ quënanpi. Imapisopitari yaꞌipi parti paatonaꞌ, nanamën shaꞌhuiraꞌpiapi. Naꞌa piyapiꞌsaꞌ natëpi. Iporasoꞌ Yosëꞌpaꞌ noya yaꞌhuërin. Inatohuaꞌ Yosëri quëpantarin.

Hebreos 2:9

Quisososo nipirinhuëꞌ yonquiaꞌahuaꞌ. Inasoꞌ isoroꞌpaquë oꞌmaton, piyapi chachin nasitimarin. Parisitaton, canpoa marëꞌ chiminin. Napoaton Yosëri chiníquën nanan quëtërin yaꞌipi huaꞌanëntacaso marëꞌ. Inaora nohuanton, Yosë nosoroatonpoaꞌ, huiꞌnin aꞌpatimarinpoaꞌ yaꞌhuërëtinpoaso marëꞌ. Yaꞌipi piyapinpoa marëꞌ chiminin.

Hebreos 6:1

Napoaton noya soꞌsorinso pochin noya noya imahuaꞌ. Yaꞌipi Quisocristo nanamën yonquiaꞌahuaꞌ. Yaꞌnan aꞌchintohuatëinquëmara, co sacaihuëꞌ nininsopitaꞌton aꞌchintërainquëmaꞌ. “Co noyahuëꞌ nipatamaꞌ, parisitopiquë pacacasoꞌ yaꞌhuërin niꞌton, yaꞌipi co noyahuëꞌ yonquiramasopita naniantocoꞌ. Naporahuaton, Yosëíchin natëcoꞌ,” itërainquëmaꞌ.

Hebreos 7:25

Napoaton nanitërin noyá nichaꞌëinpoasoꞌ. “Quisocristoíchin anoyacancantërinpoaꞌ,” taꞌtëhuaꞌ, Yosë imarëhuaꞌ. Iporahuantaꞌ Quisocristo nanpiárin catahuainpoaso marëꞌ. Nani tahuëri canpoa marëꞌ Yosë nontárin.

1 Pedro 1:11

Ispirito Santo nohuanton, iráca Cristo ninopi. “Parisitapon. Ina quëran nanpiantarahuaton, noya noya yaꞌhuapon,” topi ninotonaꞌ. Napoatonaꞌ, yonquiapi. “¿Ma quëmapitaꞌ oꞌmaton, parisitapon? ¿Onporotaꞌ parisitaponsoꞌ?” topi.

1 Pedro 1:3

Ma noyacha Tata Yosëso paya. Quisocristo paꞌpin inasoꞌ. Naꞌcon nosoroatonpoaꞌ, nasitantarëso pochin nasha cancan quëtërinpoaꞌ ina nohuitacaso marëꞌ. Quisocristo huaꞌanëntërinpoaꞌ. “Chiminaponahuëꞌ, nanpiantarin niꞌton, canpoantaꞌ nanpiantarihuaꞌ,” taꞌtëhuaꞌ, noya ninarëhuaꞌ. Natëtomiatërëhuaꞌ.

1 Pedro 3:22

Nanpiantarahuaton, Yosëꞌpaꞌ pantarin. Yosë inchinan quëran huënsëaton, chini chiníquën nanantarin. Yaꞌipi anquëniroꞌsaꞌ, huaꞌanoꞌsaꞌ, chiníquën nanantërinsopita inapitari natëpi huachi.