1 Juan 5:7 - Chayahuita (Shahui)

^7-8 Tata Yosë noya anitotërinpoaꞌ huiꞌnin natëcasoꞌ. Niꞌcoꞌ. “Carayaꞌpi inachachin shaꞌhuihuachina, naporo huarëꞌ natëtërëꞌ,” topi. Inapochachin cancanënpoaquë Ispirito Santo shaꞌhuitërinpoaꞌ. Quisocristontaꞌ iꞌquë aporihuanpachina, yaꞌipiya Yosë natërin. Naporahuaton, canpoa marëꞌ chiminpachina, huënainën paꞌnin. Cara chachin napopináchin anitotërinpoaꞌ.

1 Juan 5:7 ပူးပေါင်းရင်းမြစ်များ

Salmos 33:6

Sinioro camaitohuachina, piꞌiroꞌtë yaꞌnorin. Inaquë yaꞌhuërinsopitantaꞌ, nonin quëran chachin acorin.

Isaías 61:1

Sinioro piyapinën naporin: “Sinioro ispiritonën yaꞌcoancantërinco niꞌton, noya catahuarinco. Ina chachin acorinco popriyaroꞌsa noya nanan shaꞌhuitaꞌhuaso marëꞌ. Aparisitopisopita catahuacaꞌhuaso marëꞌ acorinco. Yaꞌhuëpi quëran quëparahuatona huaꞌanëntapirinahuëꞌ, yaꞌhuëpiquë chachin paantacaiso shaꞌhuitarahuë. Tashinan pëiquë pochin yaꞌhuëapisopitantaꞌ, ina quëran pipicaisoꞌ shaꞌhuitarahuë.

Mateo 17:5

Nonaquëyaꞌ, chitorori imotërin. Huënaráchin huënaráchin ninin. Chitoroꞌ huáncana quëran Yosëri shaꞌhuitërin: “Isosoꞌ ca huiꞌnahuë, naꞌcon nosororahuësoꞌ. Nóya niꞌnahuë. Ina noya natancoꞌ,” itërin.

Mateo 18:16

Nipirinhuëꞌ, co yanatëhuachinquënhuëꞌ, aꞌna yaꞌpihuë nipon, catohuë nipon pënënanso natanacaiso marëꞌ quëparahuaton, nontoantaquëꞌ. Iyaroꞌsaꞌ quëparansopitantaꞌ noya natainaꞌ ama piꞌpian tërantaꞌ nonpinacaso marëhuëꞌ. Inapitarintaꞌ pënëinaꞌ.

Mateo 28:19

Napoaton canpita paatomaꞌ, yaꞌipi piyapiꞌsaꞌ aꞌchintocoꞌ. Nisha nisha nananquë nonpisopita aꞌchintocoꞌ imainaco. Insosona natëhuachinaco, iꞌquë aporintocoꞌ. “Tata Yosë, Huiꞌnin, Ispirito Santo inapita nanan quëtërincoi niꞌton, aporintaranquën,” itahuatomaꞌ, aporintocoꞌ.

Juan 1:1

Iráca quëran huarëꞌ Yosë noninsoꞌ yaꞌhuërin, Quisocristo itërëhuasoꞌ. Tata Yosërëꞌ yaꞌhuërin. Yosë pochachin ninin antaꞌ.

Juan 10:30

Caso Tatahuëroꞌco napopináchin cancantërahuë, itërin Quisosori.

Juan 12:28

“Catahuaco Tata nohuantëranso nii. Ina quëran piyapiꞌsaꞌ nóya niꞌsarinënquën,” itërin, Yosë nontaton. Itohuachina, inápa quëran Yosëri itërin: “Nani catahuaranquën. Nohuantërahuëso ninan niꞌton, piyapiꞌsaꞌ nóya niꞌninaco. Iporasoꞌ catahuaantaranquën nohuantërahuëso nicacaso marëꞌ. Napoaton noya noya niꞌsarinaco,” itërin Yosëri.

Juan 14:17

Ispirito Santosoꞌ noꞌtëquënáchin nonin niꞌton, Yosë nanamën noꞌtëquën anitotarinquëmaꞌ. Co imarinacosopitasohuëꞌ nipirinhuëꞌ co ina natëpihuëꞌ. Napoaton co nohuitapihuëꞌ. Canpitaso nipirinhuëꞌ nohuitaramaꞌ. Nani tahuëri catahuarinquëmaꞌ. Yaꞌcoancantarinquëmaꞌ.

Juan 15:26

Yosëꞌpaꞌ pantahuato, Ispirito Santo aꞌpatimaranquëmaꞌ. Inasoꞌ achinicancanarinquëmaꞌ. Noꞌtëquënáchin nonin. Yosë quëran oꞌmarahuaton, piyapiꞌsaꞌ ayonquiarin. Nonahuëso chachin noꞌtëquën ayonquiarinquëmaꞌ.

Juan 5:26

Tata Yosë inaora nohuanton, nanpirin. Inari piyapiꞌsaꞌ nanpicasoꞌ quëtërin. Inapochachin cantaꞌ ina nohuanton, nanpirahuë. Naporahuaton, aꞌnapitantaꞌ ananpitaꞌhuasoꞌ nanitaparahuë.

Juan 8:18

Carinquëmaꞌ nani shaꞌhuitaranquëmaꞌ. Tatahuëntaꞌ inachachin anitotarinquëmaꞌ. Ina aꞌpaimarinco, itërin Quisosori.

Juan 8:54

—Casáchin “Noyaco,” tënahuë naporini, topinan quëran napoꞌitohuëꞌ. Nipirinhuëꞌ, Tata Yosë noya niꞌninco. Canpitantaꞌ: “Ina chinotërai,” tënamasoꞌ.

Hechos 2:33

Ina quëran Yosëri inápaquë quëpantarin. Chiníquën nanantërin niꞌton, inchinanën quëran ahuënsërin. Inapotahuaton, shaꞌhuitërin: ‘Ispirito Santo aꞌpamaquëꞌ piyapiꞌsaꞌ yaꞌcoancanchin. Iꞌhua shaꞌhuitëranquënsoꞌ,’ itërin. Ina quëran Quisosori Ispirito Santo aꞌpaimarin, yaꞌcoancantërincoi, niꞌnamaꞌ. Napoaton nisha nisha nananquë nonai, natanamaꞌ.

Hechos 5:32

Ina nitotatoi shaꞌhuirárai. Ispirito Santorintaꞌ inachachin anitotarin. Yosë natëhuatëhuaꞌ, Ispirito Santo ayaꞌcoancantarinpoaꞌ, itërin Pitrori.

2 Corintios 13:14

Inaora nohuanton, Sinioro Quisocristo catahuainquëmaꞌ. Tata Yosë nosoroꞌinquëmaꞌ. Ispirito Santo chachin nani tahuëri noya ayonquiinquëmaꞌ. Nani huachi. Paono

Deuteronomio 6:4

Iporasoꞌ, yaꞌipi israiroꞌsanquëma natancoꞌ. Yosëíchin huaꞌanëntërinpoaꞌ. Inasáchin natërëhuaꞌ. Inasoꞌ Sinioro niꞌton, ina naꞌcon naꞌcon nosorocaso yaꞌhuërin. Yaꞌipi cancanëma quëran, huaꞌyanëma quëran, chinirama quëran, yaꞌipi inaquëranpita nosoromiatocoꞌ.

1 Juan 1:1

Iso quirica aꞌpataranquëmaꞌ, niꞌcoꞌ. ¿Noyanquëmaꞌ canpitantaꞌ? Quiyantaꞌ isëquë noya yaꞌhuarai. Quisocristo noya noya nohuitacamaso marëꞌ ninshitaranquëmaꞌ. Iráca coꞌhuara isoroꞌpaꞌ yaꞌhuëyátërasohuëꞌ, inápaquë yaꞌhuërin. Ina quëran oꞌmarahuaton, aꞌchintërincoi, natanai. Quiyasoꞌ niꞌnai. Nirayarai. Nonën chachin yaꞌhuëtërin, sëꞌhuarai. Inasáchin Yosë yonquirinsoꞌ anitotërinpoaꞌ. Ina nohuitohuatëhuaꞌ, nóya nanpimiatarihuaꞌ.

1 Juan 5:6

Quisocristo isoroꞌpaquë chachin oꞌmarin. Oꞌmahuachina, Yosë nohuanton, iꞌquë aporihuanin. Nani yaꞌipi shaꞌhuitërinsoꞌ tiquiaton, corosëquë chiminpachina, huënainën paꞌnin. Co topinan aporihuaninhuëꞌ. Oshanënpoaꞌ inquitinpoaso marëꞌ chiminin. Naporahuaton, Ispirito Santontaꞌ cancanënpoa quëran anitotërinpoaꞌ. Inasoꞌ noꞌtëquën shaꞌhuitërinpoaꞌ. “Quisososoꞌ Yosë huiꞌnin chachin,” itërinpoaꞌ.

Apocalipsis 19:13

Aꞌmorinsoꞌ huënaiquë aꞌshitërin. Inasoꞌ Yosë nanamën chachin ninin.