1 Juan 5:14 - Chayahuita (Shahui)

¹⁴ Yosë nontohuatëhuaꞌ, natanarinpoaꞌ. Ina nohuantërinso chachin natanpatëhuaꞌ, noya nataninpoaꞌ.

1 Juan 5:14 ပူးပေါင်းရင်းမြစ်များ

1 Reyes 3:12

Napoaton natanancosoꞌ, carinquën quëtaranquën. Ca nohuanton aꞌnapita quëran yonqui yonquínahuan nisaran. Iráca quëran huarëꞌ co insonta quëma pochin nininhuëꞌ. Aꞌna tahuërinta yaꞌhuëpirinahuëꞌ co quëma pochin nisapihuëꞌ.

Salmos 145:19

Noya nicatona natëpisopitasoꞌ, Siniorori nohuantopisoꞌ acotërin. Catahuacaso marëꞌ nontohuachinara, natanaton nichaꞌësarin.

Salmos 34:17

Noya nipisopita maꞌsha onpoatona Sinioro nontohuachinara, noya natanin. Inapoaton nani maꞌsha onpopi quëran nichaꞌësarin.

Salmos 69:33

Nosorotopisopitari nontohuachinara, Siniororisoꞌ natanin. Piyapinënpita áquë quëpapirinahuëꞌ, co nocaninhuëꞌ.

Mateo 21:22

Yosë nontohuatamaꞌ, noya natëcoꞌ. “Tëhuënchachin Yosë catahuarinco,” topatamaꞌ, naꞌcon catahuarinquëmaꞌ. Maꞌsona tërantaꞌ nipatamaꞌ, acotarinquëmaꞌ, tënin.

Juan 11:42

Nani tahuëri natanatonco, catahuaranco noya nicaꞌhuaso marëꞌ. Quëma chachin isoroꞌpaquë aꞌpaimaranco. Casoꞌ nitotopirahuëꞌ, isopitasoꞌ co nitotopihuëꞌ. Inapita natëinacoso marëꞌ aꞌninquëchin nontaranquën, tënin.

Juan 14:13

Ca pochin yonquihuatamaꞌ, nanan quëchinquëmaꞌ Tatahuë nontacamaso marëꞌ. “Huiꞌnan chachin nanan quëtërinco,” taꞌtomaꞌ, ina nontocoꞌ. Ca pochin cancantatomaꞌ, maꞌsona nipatamaco acotaranquëmaꞌ. Aꞌnapitantaꞌ Tata Yosë noya noya nicacaiso marëꞌ inapoarahuë. Ina naꞌcon nohuantërahuë.

Juan 15:7

Casáchin yonquihuatamaco, naꞌcon catahuaaranquëmaꞌ. Aꞌchintëranquëmasontaꞌ ama naniantocosohuëꞌ. Ina yonquiatomaꞌ, Yosë nontocoꞌ. Tëhuënchachin imamiatohuatamaco, maꞌsona nohuantohuatamaꞌ, shaꞌhuitoco acochinquëmaꞌ.

Juan 16:24

Ipora huantaꞌ co ina pochin Yosë nonchátëraramahuëꞌ. Iporaso nipirinhuëꞌ ca pochin yonquiatomaꞌ, maꞌsha nico quëchinquëmaꞌ. ‘Quisoso nanan quëtërincoi,’ taꞌtomaꞌ, nani tahuëri nontácoꞌ nóya cancantacamaso marëꞌ,” itërincoi.

Juan 9:31

Oshahuanoꞌsari Yosë nontohuachina, co natanatonhuëꞌ, co catahuarinhuëꞌ. Nipirinhuëꞌ, Yosë chinotohuatëhuaꞌ, noya natëhuatëhuaꞌ, natanarinpoaꞌ. Ina nitotërëhuaꞌ.

Efesios 3:12

Ina imarëhua niꞌton, natëtëhuaꞌ, Yosë nontarihuaꞌ. “Anoyacancantërinpoaꞌ niꞌton, noya natanarinpoaꞌ,” taꞌtëhuaꞌ, co tëꞌhuatarihuahuëꞌ. Noya cancantatëhuaꞌ, ina nontarëhuaꞌ.

Hebreos 10:35

Yaꞌnan imapomaꞌ, noya imaramaꞌ. Ama iporasoꞌ yaaꞌpocosohuëꞌ. “Yosë naniantërinco,” ama tocosohuëꞌ. Chiníquën cancantocoꞌ Yosë nóya acanainquëmaꞌ.

Hebreos 3:14

Iráca Quisocristo natërëhuaꞌ. Chiminaquë huarëꞌ noya imahuaꞌ. Co aꞌpohuatëhuahuëꞌ, Quisocristorëꞌquënpoaꞌ yaꞌhuëcontarihuaꞌ.

Hebreos 3:6

Quisocristoso nipirinhuëꞌ co inpriatohuëꞌ. Yosë huiꞌnin chachin niꞌton, chini chiníquën nanantërin. Paꞌpin natëton, nóya huaꞌanëntarinpoa huachi. Napoaton chiníquën cancantatëhuaꞌ, chiminaquë huarëꞌ Quisocristo natëahuaꞌ. “Co naniantarinpoahuëꞌ,” taꞌtëhuaꞌ, noya cancantahuaꞌ. Imamiatohuatëhuaꞌ, piyapinënpita chachin nisarihuaꞌ.

Santiago 4:3

Aꞌnaquëmaꞌ Yosë nontohuatamara, maꞌsha nipiramahuëꞌ, co quëtërinquëmahuëꞌ. Canpitaora nipaꞌyatacamaso marëꞌ maꞌsha nohuantëramaꞌ niꞌton, co quëtërinquëmahuëꞌ.

Santiago 5:16

Napoaton maꞌsona tërantaꞌ co noyahuëꞌ nipatëhuaꞌ, imarëhuasopita capini nishaꞌhuitahuaꞌ. “Ina marëꞌ casoꞌ oshahuanahuë,” nitahuaꞌ. Itohuaran capini Yosë nontahuaꞌ anoyachinpoaꞌ. Yaꞌipi co noyahuëꞌ yonquirëhuasopita naniantohuatëhuaꞌ, chiníquën ina nontohuatëhuaꞌ, naꞌcon catahuarinpoaꞌ.

1 Juan 2:28

Ipora quëran huarëꞌ, apiaꞌhuaroꞌsaꞌ, Quisocristo imamiatocoꞌ. Inapohuatamaꞌ, oꞌmantahuachin, co tapan yaꞌhuëtarinquëmahuëꞌ. Co paꞌyanaramahuëꞌ.