1 Juan 4:5 - Chayahuita (Shahui)

⁵ Inapitaso nipirinhuëꞌ, co Yosë nohuitatonahuëꞌ, co nanamën chachin aꞌchinpihuëꞌ. Isoroꞌpaquë yaꞌhuërinsopitaráchin yonquiatonaꞌ, inahuara yonquinëna quëran aꞌchinpi. Napoaton co imapisopitasohuëꞌ nonpin nanan natëpi.

1 Juan 4:5 ပူးပေါင်းရင်းမြစ်များ

Miqueas 2:11

Nonpi nanan shaꞌhuitonaꞌ: ‘Naꞌcon huino yaꞌhuëapon. Nisha nisha oꞌoi yaꞌhuëhuachin, oꞌotoma noꞌpirápomaꞌ,’ topisopita tëhuënchinsoꞌ, canpitaso paꞌyatëramaꞌ,” itërin.

Lucas 16:8

Huaꞌani natantahuaton, amataantarin. ‘Naquëranchin nonpintantaranco. Nipirinhuëꞌ, “ma noyacha yonquiran paya,” tënahuë,’ itërin huaꞌanëni. Niꞌcoꞌ iyaroꞌsaꞌ. Naꞌa piyapiꞌsaꞌ co noyahuëꞌ nipisopita noya yonquipi inaora canacaiso marëꞌ. Aꞌnaquëmaso nipirinhuëꞌ, imapiramacohuëꞌ, co onpopinchin yonquiramahuëꞌ noya nicacamaso marëꞌ.

Juan 17:14

Quëma nanamën chachin nani aꞌchintërahuë. Co imarinacosopitarihuëꞌ noꞌhuipi. Co inapita pochin cancantopihuëꞌ niꞌton, noꞌhuipi. Cantaꞌ co inapita pochin cancantërahuëꞌ.

Juan 17:16

Naꞌa piyapiꞌsaꞌ co noyahuëꞌ nipirinahuëꞌ, co casoꞌ inapita pochin cancantërahuëꞌ. Imarinacosopitantaꞌ co inapita pochin cancantopihuëꞌ.

Juan 3:31

Cristo inápa quëran oꞌmaton, chini chiníquën nanantërin. Noya noya ninin. Piyapinpoaso nipirinhuëꞌ isoroꞌparáchin nohuitërëhuaꞌ. Inasáchin nohuitatëhuaꞌ, nishaꞌhuitërëhuaꞌ. Cristoso nipirinhuëꞌ inápa quëran oꞌmaton, chini chiníquën nanantërin.

Juan 8:23

—Canpitasoꞌ isoroꞌpaquë yaꞌhuatomaꞌ, aꞌnapita piyapiꞌsa pochin yonquiramaꞌ. Caso nipirinhuëꞌ inápa quëran oꞌmarahuë niꞌto, Yosë pochin yonquirahuë.

2 Timoteo 4:3

Aꞌna tahuëri piyapiꞌsaꞌ co nohuantapihuëꞌ Yosë nanamën natanacaisoꞌ. Nonpin nananoꞌsaꞌ nisha nisha aꞌchinpachinaꞌ, paꞌyatapi. Inahuara costapisorachin yanatanapi.

Apocalipsis 12:9

Inapotatonaꞌ, panca yaꞌhuan pochin nininsoꞌ inápa quëran tëꞌyatopi. Inasoꞌ sopai chachin, Satanasë itopisoꞌ. Yaꞌipi piyapiꞌsaꞌ yanonpintërin. Ina minsërahuatonaꞌ, anquëninënpitarë chachin isoroꞌpaquë tëꞌyatopi.