1 Juan 4:12 - Chayahuita (Shahui)

¹² Co inquënpoa tërantaꞌ Yosë quënanpirëhuahuëꞌ, noya ninosorohuatëhuaꞌ, Yosë nohuitarihuaꞌ, yaꞌcoancantomiatërinpoaꞌ. “Yosë naꞌcon nosororinpoaꞌ,” taꞌtëhuaꞌ, canpoantaꞌ noya noya ninosoroarihuaꞌ.

1 Juan 4:12 ပူးပေါင်းရင်းမြစ်များ

Génesis 32:30

Napoaton Cacoposoꞌ ina roꞌtë aninihuanin: “Pinoiro,” itërin. “Isëquë chachin, Yosë nirayarahuë. Ina niponahuëꞌ co chiminahuëꞌ,” taꞌton, ina pochin ina roꞌtë nohuitërin.

Éxodo 33:20

Napoaponahuëꞌ, yaꞌpirahuëso co niꞌsaranhuëꞌ. Inso tëranta niꞌpachinco chiminapon, itërin Yosëri.

Números 12:8

Napoaton inarëꞌcosoꞌ, aꞌninquëchin nonai. Ina pochin inarëꞌco nonahuë niꞌton, co onporonta canpitaso ina pinocamaso yaꞌhuërinhuëꞌ,” itërin.

Juan 1:18

Co inquënpoa tërantaꞌ Yosë quënanëhuahuëꞌ. Huiꞌniniso nipirinhuëꞌ noyá nohuitërin. Yosë pochachin niꞌton, napopianachin yonquipi. Inasáchin Tata Yosë anohuitërinpoaꞌ.

1 Corintios 13:13

Cancanënpoa quëran huarëꞌ Yosë natëcasoꞌ yaꞌhuërin. “Co onporontaꞌ nonpintarinpoahuëꞌ,” taꞌtëhuaꞌ, inasáchin ninacasoꞌ yaꞌhuërin. Ninosorocasontaꞌ yaꞌhuërin. Yosësoꞌ naꞌcon naꞌcon nohuantërin ninosorocasoꞌ.

1 Timoteo 1:17

Napoaton Yosëíchin natëahuaꞌ. Nani tahuëriya: “¡Ma noyacha Yosëso paya!” itahuaꞌ. Inasoꞌ co onporontaꞌ taꞌhuantaponhuëꞌ. Co quënanpirëhuahuëꞌ, huaꞌanëntomiatërinpoaꞌ. Inaíchin chinotacasoꞌ yaꞌhuërin. Ama onporontaꞌ ina naniantahuasohuëꞌ. Amen.

1 Timoteo 6:16

Inasáchin co taꞌhuantarinhuëꞌ. Nanpirápon inasoꞌ. Noya noya niꞌton, huënaráchin pochin yaꞌnorin. Co yaꞌcarichinachinhuëꞌ. Iráca quëran huarëꞌ co insontaꞌ Yosë quënaninhuëꞌ. Ipora huantaꞌ co quënanarihuarahuëꞌ, yaꞌipi piyapiꞌsari chinochinaꞌ. Yaꞌipiya nanitaparin. Amen.

Hebreos 11:27

Yosë natëton, Moisësë Iquipito quëran pipirin. Copirnori noꞌhuipirinhuëꞌ, co tëꞌhuatërinhuëꞌ. “Yosë co quënanaporahuëꞌ, niꞌsárinco,” taꞌton, chiníquën cancantërin. Chiníquën cancantaton, Yosë piyapinënpita catahuarin.

1 Juan 2:5

Yosë nanamën natëhuatëhuaꞌ, noya noya Yosë nosoroarihuaꞌ. Ina pochin cancantohuatëhuaꞌ, tëhuënchachin ina nohuitarihuaꞌ.

1 Juan 3:24

Yosë natëhuatëhuaꞌ, yonquirinsoráchin imasarihuaꞌ. Imapatëhuaꞌ, yaꞌcoancantomiatërinpoaꞌ. Ispirito Santo quëtërinpoaꞌ yaꞌcoancantinpoaso marëꞌ. Ina catahuahuachinpoaꞌ, noya nisarëhuaꞌ. Ina quëran Yosë nohuitërëhuasoꞌ nitotërëhuaꞌ.

1 Juan 4:16

Yosë nohuitatëhuaꞌ, natërëhua. “Ma noyacha Yosë nosororinpoa paya,” tënëhuaꞌ. Inasoꞌ nosoromiatochinarinpoaꞌ. Canpoantaꞌ nosorohuatëhuaꞌ, Yosë nohuitarihuaꞌ. Yonquirinsoráchin imasarëhuaꞌ. Imapatëhuaꞌ, yaꞌcoancantomiatërinpoaꞌ.

1 Juan 4:20

Aꞌnaquënsoꞌ “Yosë nosororahuë,” taponahuëꞌ, iin noꞌhuirin. Co inasoꞌ noꞌtëquën noninhuëꞌ, nonpiánin. Piyapi quënanëhuaꞌ. Yosëso nipirinhuëꞌ co quënanëhuahuëꞌ. Piyapi quënanarihuarahuëꞌ, co nosorohuatëhuahuëꞌ, aquëtë huarëꞌ Yosësoꞌ co nanitarëhuahuëꞌ nosorocasoꞌ.

1 Juan 4:6

Quiyaso nipirinhuëꞌ Yosë nohuitatoi, noꞌtëquën aꞌchinai. Yosë imapisopita noya nataninacoi. Inasoꞌ noꞌtën nanan, topi. Co imapisopitasohuëꞌ nipirinhuëꞌ, co yanatërinacoihuëꞌ. Ispirito Santosoꞌ noꞌtëquënáchin nonin. Napoaton nonpin nanan paꞌyatopisopitasoꞌ co Ispirito Santo yanatëpihuëꞌ. Ina quëran nonpin nananoꞌsaꞌ nohuitërëhuaꞌ.