1 Juan 4:11 - Chayahuita (Shahui)

¹¹ Yosë naꞌcon nosororinpoaꞌ niꞌton, canpoantaꞌ, iyaroꞌsaꞌ, inapochachin ninosoroaꞌahuaꞌ. Ina pochin cancantacasoꞌ yaꞌhuërin.

1 Juan 4:11 ပူးပေါင်းရင်းမြစ်များ

Lucas 10:37

—Nisha piyapiri nosororinsoꞌ, tënin. —Ina mini. Paaton, quëmarintaꞌ inapochachin nosoroquëꞌ, itërin.

Juan 13:34

Iporasoꞌ nasha pochin pënënaranquëmaꞌ noya ninosorocamaso marëꞌ. Carinquëma nosororanquëmaso pochachin, imaramacosopita capinintaꞌ ninosorocoꞌ.

Efesios 4:31

Ama aꞌnapita noꞌhuitomaꞌ, yonquirácosohuëꞌ. Aꞌnaroáchin nanan anoyatocoꞌ. Ama noꞌhuitacamasoꞌ nohuantocosohuëꞌ. Ama noꞌhuito canainquëmasohuëꞌ. Ama iquianan quëran ninontocosohuëꞌ. Nipinocasontaꞌ co noyahuëꞌ. Ama piꞌpian tërantaꞌ co noyahuëꞌ nicosohuëꞌ.

Colosenses 3:13

Ama yaiꞌhuërëtocosohuëꞌ. Aꞌnapita noꞌhuihuachinquëmaꞌ, nanan anoyatocoꞌ. Maꞌsha onpotopirinquëmaontaꞌ, naniantocoꞌ. Sinioro oshanëmaꞌ nani inquitërinquëmaꞌ. Ina nonanatomaꞌ, canpitantaꞌ nanan anoyatocoꞌ.

1 Juan 2:7

Co iyaroꞌsaꞌ nasha camaitërinsoꞌ ninshitaranquëmahuëꞌ. Iráca quëran huarëꞌ Yosë nanamën natanamaꞌ. “Yaꞌipinquëmaꞌ noya ninosorocoꞌ,” itërinpoaꞌ. Inachachin iporantaꞌ pënënaranquëmaꞌ.

1 Juan 3:11

Yaꞌnan imapoma quëran huarëꞌ Yosë nanamën natanamaꞌ. “Noya ninosorocoꞌ,” itërainquëmaꞌ.

1 Juan 3:23

Yosë nani pënëninpoaꞌ huiꞌnin imacaso marëꞌ. Naporahuaton, ninosorocasontaꞌ shaꞌhuitërinpoaꞌ. “Quisocristontaꞌ inachachin shaꞌhuitërinpoaꞌ,” taꞌtëhuaꞌ, cancanënpoa quëran natëahuaꞌ.

1 Juan 4:7

Yosë paꞌpi nosororinpoaꞌ. Napoaton iyaroꞌsaꞌ, canpoantaꞌ noya ninosoroaꞌahuaꞌ. Huëntonënquë ayaꞌconpachinpoaꞌ, catahuarinpoaꞌ aꞌnapita nosorocasoꞌ. Nosorohuatëhuaꞌ, Yosë nohuitarihuaꞌ. Huiꞌninpita pochin niꞌninpoaꞌ.

2 Juan 1:5

Iporasoꞌ yaꞌipinpoaꞌ noya ninosoroaꞌahuaꞌ, tënahuë. Co nasha nanan ninshitaranquëmahuëꞌ. Iráca quëra huarëꞌ Yosë shaꞌhuitërinpoaꞌ ninosorocasoꞌ.