1 Juan 3:6 - Chayahuita (Shahui)

⁶ Tëhuënchachin imapatëhuaꞌ, nóya nisarëhuaꞌ. Co paꞌyatarihuahuëꞌ oshahuanacasoꞌ. Nani tahuëri co noyahuëꞌ nipatëhuaꞌ, co Yosë nohuitërëhuahuëꞌ. Co yaꞌcoancantërinpoahuëꞌ.

1 Juan 3:6 ပူးပေါင်းရင်းမြစ်များ

2 Corintios 3:18

Sinioro imapatëhuaꞌ, co huachi nipaꞌcopirayatërëso pochin cancantarihuahuëꞌ. Isihuicoquë maꞌsha aꞌnotërëso pochin ninëhuaꞌ. Yosë nóya nininsoꞌ piyapiꞌsaꞌ anitotërëhuaꞌ. Apira apira ina yonquihuatëhuaꞌ, oshaquëran Yosë pochachin cancantarihuaꞌ. Ina nohuanton, Ispirito Santo catahuarinpoaꞌ noya noya cancantacaso marëꞌ.

2 Corintios 4:6

Yaꞌnan isoroꞌpaꞌ acoapon yaꞌipi parti tashipirinhuëꞌ: “Niiꞌsohuanchin huachi,” tënin Yosë. Napohuachina, tahuëri yaꞌhuërin. Inapochachin iporasoꞌ cancanënpoaquë aꞌpintërinpoaꞌ ina nohuitacaso marëꞌ. Inasoꞌ noya noya. Quisocristo yaꞌpirin quëran aꞌpintërinpoaso pochin ninin. Ina yonquihuatëhuaꞌ, Yosë chachin anohuitarinpoa huachi.

1 Juan 2:28

Ipora quëran huarëꞌ, apiaꞌhuaroꞌsaꞌ, Quisocristo imamiatocoꞌ. Inapohuatamaꞌ, oꞌmantahuachin, co tapan yaꞌhuëtarinquëmahuëꞌ. Co paꞌyanaramahuëꞌ.

1 Juan 2:3

Yosë nohuitohuatëhuaꞌ, pënëninpoasoꞌ natëarëhuaꞌ. Noꞌtëquën natëcasoꞌ nohuantarihuaꞌ. Ina natëhuatëhuaꞌ, tëhuënchachin Yosë nohuitërëhuaꞌ.

1 Juan 2:4

Aꞌnaquënso nipirinhuëꞌ “Nani Yosë nohuitërahuë,” topirinahuëꞌ, pënëninpoasoꞌ co natëtonahuëꞌ, nonpiánpi. Co noꞌtëquën yonquipihuëꞌ.

1 Juan 3:2

Naꞌcon, iyaroꞌsaꞌ, nosororanquëmaꞌ. Iporasoꞌ Yosë huiꞌninpita pochin niꞌninpoaꞌ. Aꞌna tahuëri noya noya acoarinpoaꞌ. Onpopinsona nicarihuaꞌ nimara. Co yaꞌipi nitochatërarëhuahuëꞌ. Nipirinhuëꞌ, Quisocristo oꞌmantahuachin, nirayarihuaꞌ. Ina niꞌpatëhuaꞌ, ina pochachin nicarihuaꞌ.

1 Juan 3:9

Huëntonënquë chachin Yosë ayaꞌconinpoaꞌ niꞌton, co iporasoꞌ paꞌyatarëhuahuëꞌ oshahuanacasoꞌ. Huiꞌnin pochachin cancantatonpoaꞌ, yonquinën chachin quëtërinpoaꞌ. Nasitantarëhuaso pochin ninëhuaꞌ. Napoaton co huachi nohuantarihuahuëꞌ oshahuanacasoꞌ.

1 Juan 4:8

Inasoꞌ nosoromiatochinarinpoaꞌ. Napoaton canpoantaꞌ co aꞌnapita nosorohuatëhuahuëꞌ, co piꞌpisha tërantaꞌ ina nohuitarihuahuëꞌ.

1 Juan 5:18

Yosëri imarinsopita huëntonënquë ayaꞌconin. Noyasáchin nicacasoꞌ yaꞌhuërin. Yosë huiꞌnini chachin aꞌpaiarin. Sopairi yanonpintopirinhuëꞌ, Quisocristori catahuarin niꞌton, co sopairi minsëarinhuëꞌ.

3 Juan 1:11

Ama iya co noyahuëꞌ nipisopita nonanquësohuëꞌ. Noya nipisopita nonanquëꞌ. Noya nipatëhuaꞌ, tëhuënchachin Yosë imarihuaꞌ. Co noyahuëꞌ nipatëhuaꞌ, co Yosë nohuitarihuahuëꞌ.