1 Juan 3:23 - Chayahuita (Shahui)

²³ Yosë nani pënëninpoaꞌ huiꞌnin imacaso marëꞌ. Naporahuaton, ninosorocasontaꞌ shaꞌhuitërinpoaꞌ. “Quisocristontaꞌ inachachin shaꞌhuitërinpoaꞌ,” taꞌtëhuaꞌ, cancanënpoa quëran natëahuaꞌ.

1 Juan 3:23 ပူးပေါင်းရင်းမြစ်များ

Salmos 2:12

Isonama quëran huiꞌnin chinotocoꞌ. Inapotatomaꞌ, apinorantëcoꞌ. Coꞌhuara noꞌhuiyátërasënquëmahuëꞌ, inapocoꞌ. Noꞌhuihuachinquëmasoꞌ, pahuayanpiramahuëꞌ chiminaramaꞌ. Coꞌsoꞌ chinotohuatamahuëꞌ, aꞌnanaya inaso noꞌhuiarinquëmaꞌ. Ina natëtoma chinotohuatamaso nipirinhuëꞌ, tëhuënchachin noya cancantaramaꞌ.

Mateo 22:39

Isontaꞌ Yosë nohuantërin: “Quëmaora ninosororanso pochachin aꞌnapitantaꞌ nosorocoꞌ,” tënin.

Marcos 9:7

Naporoꞌ chitorori imotërin. Chitoroꞌ huáncana quëran Yosëri shaꞌhuitërinsoꞌ natanpi. “Isosoꞌ ca huiꞌnahuë, naꞌcon nosororahuësoꞌ. Ina natancoꞌ,” itërin.

Juan 1:12

Quisocristo cancanën mapatëhuaꞌ, huiꞌnin pochin Yosë niꞌninpoaꞌ. Natërëhuasopitarachin huëntonënquë ayaꞌconinpoaꞌ.

Juan 13:34

Iporasoꞌ nasha pochin pënënaranquëmaꞌ noya ninosorocamaso marëꞌ. Carinquëma nosororanquëmaso pochachin, imaramacosopita capinintaꞌ ninosorocoꞌ.

Juan 14:1

Ina quëran aꞌchintaantarin: “Ama paꞌyancosohuëꞌ. Ama sëtocosohuëꞌ. Yosë natëcoꞌ. Cantaꞌ natëco. ‘Co naniantarincoihuëꞌ,’ taꞌtomaꞌ, nani tahuëri natëco.

Juan 15:12

Nani pënënanquëmaꞌ noya ninosorocamaso marëꞌ. Carinquëmaꞌ nosororanquëmaso pochachin canpitantaꞌ ninosorocoꞌ. Ina paꞌpi nohuantërahuë nicacamasoꞌ.

Juan 17:3

Quëmasáchin Yosënquën. Isoroꞌpaquë aꞌpaimaranco. Piyapiꞌsaꞌ nohuitahuatënënquën, cantaꞌ nohuitohuachinaco, nanpimiatapi.

Juan 2:23

Pascoa tahuëri inaquë yaꞌhuasocoi, Quisoso Yosë pochachin ninin. Piyapiꞌsaꞌ aꞌnaroáchin anoyatërin. “Yosëri catahuarin,” taꞌtonaꞌ, aꞌnaquën natëpi.

Juan 3:18

Huiꞌnin natëhuatëhuaꞌ, co Yosë anaꞌintarinpoahuëꞌ. Co natëpisopitahuëꞌ nani Yosëri yonquirin anaꞌintacasoꞌ. Inaíchin huiꞌnin nipirinhuëꞌ, co natëpihuëꞌ. Napoaton anaꞌintarin.

Juan 6:29

—Tëhuënchachin Yosë yanatëhuatamaꞌ, ca imaco. Ina aꞌpaimarinco niꞌton, cancanëma quëran huarëꞌ imaco. Ina Yosë nohuantërin, itërin Quisosori.

Hechos 16:31

—Quisocristoíchin nichaꞌërinpoaꞌ. Ina natëhuatan, chaꞌësaran. Saꞌan, huiꞌnanpita inapitarëꞌquën chachin chaꞌësaran.

Efesios 5:2

Quisocristo nosoroatonpoaꞌ, canpoa marëꞌ chiminin. Oshanënpoa marëꞌ chiminpachina, Yosëri noya niꞌnin. Napoaton canpoantaꞌ nani tahuëriya inapochachin ninosoroaꞌahuaꞌ Yosë noya niꞌinpoaꞌ.

1 Tesalonicenses 4:9

Imaramasopita capini noya ninosorocoꞌ. Nani nitotëramaꞌ niꞌton, co aquëtëꞌ shaꞌhuitaꞌhuanquëmasoꞌ yaꞌhuërinhuëꞌ. Yosë chachin cancanëmaquë anitotërinquëmaꞌ ninosorocamasoꞌ.

1 Timoteo 1:15

Noꞌtëquën shaꞌhuitaranquëmaꞌ. Yaꞌipi piyapiꞌsaꞌ natëinaꞌ. Quisocristo isoroꞌpaquë oꞌmarin oshahuanoꞌsaꞌ anoyacancantacaso marëꞌ. Casoꞌ naꞌcon naꞌcon oshahuanpirahuëꞌ, anoyacancantërinco.

1 Pedro 1:22

Yosë nanamënsoꞌ noꞌtën nanan. Ina natëhuatamaꞌ, yaꞌipi co noyahuëꞌ yonquiramasopita naniantaramaꞌ. Noyápiachin cancantaramaꞌ. Yosë anoyacancantërinquëmaꞌ ninosorocamaso marëꞌ. Napoaton imaramasopita capini noya ninosorocoꞌ. Tëhuënchachin cancanëma quëran huarëꞌ ninosorocoꞌ.

1 Pedro 4:8

Yaꞌipi cancanëma quëran noya ninosorocoꞌ. Ina naꞌcon naꞌcon Yosë nohuantërin. Piyapi nosorohuatamaꞌ, co noyahuëꞌ nipirinahuëntaꞌ, aꞌnaroáchin nanan anoyataramaꞌ. Co noyahuëꞌ nipisopita naniantatomaꞌ, co huachi yonquiaramahuëꞌ.

1 Juan 2:7

Co iyaroꞌsaꞌ nasha camaitërinsoꞌ ninshitaranquëmahuëꞌ. Iráca quëran huarëꞌ Yosë nanamën natanamaꞌ. “Yaꞌipinquëmaꞌ noya ninosorocoꞌ,” itërinpoaꞌ. Inachachin iporantaꞌ pënënaranquëmaꞌ.

1 Juan 3:11

Yaꞌnan imapoma quëran huarëꞌ Yosë nanamën natanamaꞌ. “Noya ninosorocoꞌ,” itërainquëmaꞌ.

1 Juan 4:15

“Quisocristosoꞌ Yosë huiꞌnin. Ina natërahuë,” topatëhuaꞌ, Yosë pochin cancantatëhuaꞌ, imamiatarihuaꞌ. Inantaꞌ yaꞌcoancantërinpoaꞌ.

1 Juan 4:21

Quisocristo pënëninpoaꞌ. “Nosorohuatamaco, piyapintaꞌ nosorocoꞌ,” itërinpoaꞌ.

1 Juan 5:13

Canpitasoꞌ Quisocristo natëramaꞌ. “Inasoꞌ Yosë huiꞌnin niꞌton, imasarahuë,” topatamaꞌ, huëntonënquë nani ayaꞌconinquëmaꞌ. Ina nohuitatomaꞌ, nanpimiatarama. Ina nitotacamaso marëꞌ ninshitaranquëmaꞌ.