1 Juan 2:9 - Chayahuita (Shahui)

⁹ Aꞌna piyapi noꞌhuihuatamaꞌ, co Yosë imaramahuëꞌ. “Imarahuë,” tapomarahuëꞌ, co tahuëri pochin cancantëramahuëꞌ. Ipora huantaꞌ tashi pochin cancantaramaꞌ.

1 Juan 2:9 ပူးပေါင်းရင်းမြစ်များ

Levítico 19:17

Aꞌna piyapi tëhuëtohuachinquën, ama cancanën quëran noꞌhuiráquësohuëꞌ. Aꞌna piyapi tëhuëhuachin, noꞌtëquën pënënamaso yaꞌhuërin. Co pënënpatanhuëꞌ, quëmarinta catahuaran oshahuanacasoꞌ.

Juan 9:41

—Somarayanquëma naporini, co oshahuaintomahuëꞌ. Nipirinhuëꞌ, “co quiyaso somarayacoihuëꞌ,” tënamaso marëꞌ oshahuanamaꞌ. Ina marëꞌ Yosë anaꞌintarinquëmaꞌ, itërin.

Hechos 1:15

Ina quëran naꞌa Quisoso imapisopita niyontonpi. Pasa cato shonca piyapiꞌsa pochin yaꞌhuëpi. Pitrori huancánachin huanirahuaton, itërin:

2 Pedro 1:9

Aꞌnaquënso nipirinhuëꞌ co yaꞌipi cancanëna quëran Yosë imapihuëꞌ. Co noyahuëꞌ nipi. Co aꞌnapita nosoropihuëꞌ. Ina pochin cancantohuachinara, pëtorayatërëso pochin cancantopi. Pëtorayatohuatëra, co aquë quënantërëhuëꞌ. Inapochachin inapitanta co yaꞌipi cancanëna quëran imatonahuëꞌ, isoroꞌpaquë yaꞌhuërinsopitaráchin yonquipi. Nóya cancantacaso marëꞌ oshanënpoaꞌ inquitopirinpoahuëꞌ, ina naniantopi. Oshaquëran somaraya pochin cancantatonaꞌ co huachi nanitapihuëꞌ Yosë nanamën natanacaisoꞌ.

1 Juan 1:6

Tashi pochin cancantohuatëhuaꞌ, co Yosë nohuitarihuahuëꞌ. “Yosë nohuitërahuë,” tapomarahuëꞌ, co noyahuëꞌ cancantohuatamaꞌ, nonpinamaꞌ. Co noꞌtën nanan imaramahuëꞌ.

1 Juan 2:11

Nipirinhuëꞌ ninoꞌhuihuatamaꞌ, tashi pochin cancantaramaꞌ. Co noyahuëꞌ cancantatomaꞌ, co mantaꞌ yonquiaramahuëꞌ. Co nanitaramahuëꞌ noꞌtëquën yonquicamasoꞌ. Sopai nohuanton, somaraya pochin cancantaramaꞌ. Napoaton iyaroꞌsaꞌ, cancanëma quëran huarëꞌ ninosorocoꞌ.

1 Juan 2:4

Aꞌnaquënso nipirinhuëꞌ “Nani Yosë nohuitërahuë,” topirinahuëꞌ, pënëninpoasoꞌ co natëtonahuëꞌ, nonpiánpi. Co noꞌtëquën yonquipihuëꞌ.

1 Juan 3:10

Co sacaihuëꞌ Yosë huiꞌninpita nohuitacasoꞌ. Noyasáchin nipatëhuaꞌ, Yosë huiꞌninpita pochin nisarëhuaꞌ. Nipirinhuëꞌ, co noyahuëꞌ nipachinaꞌ, co Yosë huëntonënquë yaꞌconpihuëꞌ. Co imapisopita nosorohuachinahuëꞌ, co Yosë huiꞌninpita pochin nisapihuëꞌ. Sopai huiꞌninpita pochin nisapi. Co noyahuëꞌ cancantopi quëran sopai huiꞌninpita nohuitarëhuaꞌ.

1 Juan 4:20

Aꞌnaquënsoꞌ “Yosë nosororahuë,” taponahuëꞌ, iin noꞌhuirin. Co inasoꞌ noꞌtëquën noninhuëꞌ, nonpiánin. Piyapi quënanëhuaꞌ. Yosëso nipirinhuëꞌ co quënanëhuahuëꞌ. Piyapi quënanarihuarahuëꞌ, co nosorohuatëhuahuëꞌ, aquëtë huarëꞌ Yosësoꞌ co nanitarëhuahuëꞌ nosorocasoꞌ.