1 Juan 2:21 - Chayahuita (Shahui)

²¹ Nitotopiramahuëꞌ, naquëranchin pënëantaranquëmaꞌ yonquicamaso marëꞌ. Noꞌtën nanan imapatëhuaꞌ, co nonpin nanan natëarihuahuëꞌ.

1 Juan 2:21 ပူးပေါင်းရင်းမြစ်များ

Proverbios 1:5

Yonquínahuan nipisopitasoꞌ, pënëinpoaso marëꞌ ninshitopisoꞌ, paꞌyatapona natanacaisoꞌ. Inapoatonaꞌ, yonqui yonquínahuanoꞌsa nicaponaꞌ.

Juan 18:37

—Napoahuarëꞌ ¿quëmasoꞌ copirnonquën? itërin Piratori. —Inaco mini. Ina marëꞌ nasitimarahuë. Oꞌmarahuë noꞌtën nanan pënëntaꞌhuaso marëꞌ. Noꞌtëquën yonquipisopita natëarinaco, itërin.

Juan 8:44

Sopai huaꞌan mini tataparinquëmasoꞌ. Ina pochin cancantatomaꞌ, inasáchin natëaramaꞌ. Iráca quëran huarëꞌ piyapiꞌsaꞌ tëpanaꞌpi inasoꞌ. Co noꞌtëquën nitononinhuëꞌ niꞌton, co piꞌpisha tërantaꞌ natëcasoꞌ yaꞌhuërinhuëꞌ. Paꞌpi nonpintëꞌ inasoꞌ. Inachin, nonpinacasoráchin cancantërin. Ina nohuanton, nonpinëꞌ.

Santiago 1:19

Napoaton iyaroꞌsaꞌ, ama topinan nonacamasoáchin yonquicosohuëꞌ. Yosë nanamën naꞌcon naꞌcon natancoꞌ. Naporahuaton, ama yanoꞌhuitocosohuëꞌ.

2 Pedro 1:12

Ina yonquiato, co amirahuëꞌ pënëntaꞌhuasoꞌ. Noꞌtën nanan nani nitotëramaꞌ. Noya nitotopiramahuëꞌ, naquëranchin shaꞌhuitantaranquëmaꞌ noya noya yonquicamaso marëꞌ.

1 Juan 3:19

Tëhuënchachin aꞌnapita nosorohuatëhuaꞌ, noꞌtëquën Yosë nanamën imasarëhuaꞌ. Ina quëran co huachi tëꞌhuatacasoꞌ yaꞌhuëtarinpoahuëꞌ. “Tatanpoa pochin niꞌton, noya niꞌninpoaꞌ,” taꞌtëhuaꞌ, noya cancantarihuaꞌ.

Judas 1:5

Nani nitotopiramahuëꞌ, naquëranchin shaꞌhuitantaranquëmaꞌ yonquicamaso marëꞌ. Iráca Yosë piyapinënpita Iquipito parti parisitopirinahuëꞌ, Yosëri nichaꞌërin. Yaꞌipiya noya pipiponaraihuëꞌ, ina quëran aꞌnaquën co yanatëhuachinahuëꞌ, Yosëri chiníquën anaꞌintaton, ataꞌhuantërin. Inapochachin iporantaꞌ imaponaraihuëꞌ nisha cancantohuachinaꞌ, chiníquën anaꞌintarin.