1 Juan 1:4 - Chayahuita (Shahui)

⁴ Ina pochin cancantohuatamaꞌ, nóya cancantarihuaꞌ. Ina marëꞌ ninshitaranquëmaꞌ.

1 Juan 1:4 ပူးပေါင်းရင်းမြစ်များ

Isaías 61:10

¡Sinioro yonquiato, capa cancantërahuë! Inasoꞌ Yosënëhuë niꞌton, acapacancaninco. Nichaꞌërinco niꞌton, naporahuë. Noꞌtëquën yonquinaꞌpi pochin acorinco. Saꞌanaꞌpi yancotë ayancotopiso pochin ninahuë. Nanonta soꞌyacaso marëꞌ nisha nishaquë nitaparinso pochin ninahuë.

Juan 15:11

Yaꞌipi cancanëhuë quëran Tatahuë natërahuë niꞌton, nóya cancantërahuë. Natëhuatamaco, ca pochachin noya cancantaramaꞌ. Co sëtaramahuëꞌ. Ina marëꞌ aꞌchintëranquëmaꞌ.

Juan 16:24

Ipora huantaꞌ co ina pochin Yosë nonchátëraramahuëꞌ. Iporaso nipirinhuëꞌ ca pochin yonquiatomaꞌ, maꞌsha nico quëchinquëmaꞌ. ‘Quisoso nanan quëtërincoi,’ taꞌtomaꞌ, nani tahuëri nontácoꞌ nóya cancantacamaso marëꞌ,” itërincoi.

Juan 3:29

Niꞌcoꞌ. Quëmapi saꞌapachina, amiconëontaꞌ noya cancantërin. Noya nipayapi niꞌton, naporinsoꞌ natantaton, nóya cancantërin. Inapochachin cantaꞌ ninahuë. Naꞌcon piyapiꞌsaꞌ Quisoso imasapi niꞌton, nóya cancantërahuë.

2 Corintios 1:24

Co quiyasoꞌ huaꞌan pochin chiníquën pënëntëraihuëꞌ. Sanoanan quëran pënënainquëmaꞌ. Yosë nanamën noya natëramaꞌ. Yacatahuarainquëmaꞌ noya cancantacamaso marëꞌ.

1 Juan 2:1

Quisocristo imaramaꞌ niꞌton, huiꞌnahuëpita pochin niꞌnanquëmaꞌ. Ninshitaranquëmaꞌ noyasáchin nicacamaso marëꞌ. Nipirinhuëꞌ, co noyahuëꞌ nipatëhuaꞌ, Quisocristo catahuarinpoaꞌ. Oshahuanëhuaꞌ niꞌton, anaꞌintinpoasoꞌ yaꞌhuëpirinhuëꞌ. Canpoa marëꞌ Yosë nontaton, nanan anoyatarinpoaꞌ. Inasoꞌ noꞌtëquënáchin yonquirin.

2 Juan 1:12

Naꞌcon naꞌcon yashaꞌhuitopiranquëmahuëꞌ, co aquëtëꞌ yaninshitëranquëmahuëꞌ. Co huaꞌquiya quëranhuëꞌ nicaponquëmaꞌ paꞌsarahuë topirahuëꞌ. Canconpato, ninontohuatëhuaꞌ, noya noya cancantarihuaꞌ.