1 Juan 1:1 - Chayahuita (Shahui)

¹ Iso quirica aꞌpataranquëmaꞌ, niꞌcoꞌ. ¿Noyanquëmaꞌ canpitantaꞌ? Quiyantaꞌ isëquë noya yaꞌhuarai. Quisocristo noya noya nohuitacamaso marëꞌ ninshitaranquëmaꞌ. Iráca coꞌhuara isoroꞌpaꞌ yaꞌhuëyátërasohuëꞌ, inápaquë yaꞌhuërin. Ina quëran oꞌmarahuaton, aꞌchintërincoi, natanai. Quiyasoꞌ niꞌnai. Nirayarai. Nonën chachin yaꞌhuëtërin, sëꞌhuarai. Inasáchin Yosë yonquirinsoꞌ anitotërinpoaꞌ. Ina nohuitohuatëhuaꞌ, nóya nanpimiatarihuaꞌ.

1 Juan 1:1 ပူးပေါင်းရင်းမြစ်များ

Isaías 41:4

Casáchin Yosëco niꞌto, inapita acorahuë. Ca nohuanton nani maꞌsha isoroꞌpaquë onpopi. Ca Sinioroco naporahuë. Coꞌhuara isoroꞌpaꞌ yaꞌhuëyátërasohuëꞌ, caꞌton yaꞌhuërahuë. Nani maꞌsha yaꞌhuërinsopita taꞌhuantopiriontaꞌ, caso yaꞌhuëápo.

Miqueas 5:2

Naquëranchin Sinioro taantarin: “Pirin ninanosoꞌ, Iporata itopi antaꞌ. Inasoꞌ ninanoꞌ, aꞌnapita ninanoroꞌsa Cota huëntonquë yaꞌhuërin quëran nani naniaꞌhuaya. Ina niponahuëꞌ, yaꞌipi israiroꞌsa huaꞌanëntacaso marëꞌ inaquë aꞌnara copirno nasitapon. Ina shimashonënpitasoꞌ, iráca quëran huarëꞌ yaꞌhuëpi,” tënin.

Lucas 1:2

Caꞌtanoꞌsanënpitasoꞌ iráca quëran huarëꞌ imatonaꞌ, naporinsoꞌ niꞌpi. Nani yaꞌipi noꞌtëquën shaꞌhuitërinacoi.

Lucas 24:39

Ca mini. Imirahuë niꞌcoꞌ. Nantëhuëntaꞌ niꞌcoꞌ. Ohuaninacosoꞌ nicatomaꞌ, nohuitoco huachi. Co huaꞌyancohuëꞌ. Sëꞌhuaco. Huaꞌyansoꞌ co nonën yaꞌhuëtërinhuëꞌ. Casoꞌ yaꞌhuëtërinco, itërin.

Juan 19:35

Cari chachin niꞌnahuë. Noꞌtëquën shaꞌhuitaranquëmaꞌ canpitantaꞌ nitotatomaꞌ natëcamaso marëꞌ.

Juan 20:27

Ina quëran anquirahuaton, Tomasë itërin: —Imirahuë iyasha nicaton, sëꞌhuaquëꞌ. Nininpitëhuëntaꞌ sëꞌhuatoco. Ama huachi nisha nisha yonquiquësohuëꞌ. Natëco huachi, itërin.

Juan 5:26

Tata Yosë inaora nohuanton, nanpirin. Inari piyapiꞌsaꞌ nanpicasoꞌ quëtërin. Inapochachin cantaꞌ ina nohuanton, nanpirahuë. Naporahuaton, aꞌnapitantaꞌ ananpitaꞌhuasoꞌ nanitaparahuë.

Juan 8:58

—Noꞌtëquën shaꞌhuitëranquëmaꞌ. Coꞌhuara Apraan nasichatërasohuëꞌ, casoꞌ yaꞌhuárahuë, itërin.

Hechos 1:3

Quisososoꞌ tëhuënchachin chiminpirinhuëꞌ, nanpiantarin. Ina piquëran catapini shonca tahuëri isoroꞌpaquë yaꞌhuëantarin. Caꞌtanoꞌsanënpita yaꞌnotëraꞌpiarin nanpiantarinsoꞌ natëcaiso marëꞌ. Yosë huaꞌanëntërinsoꞌ aꞌchintaantarin.

Hebreos 2:3

Iporaso nipirinhuëꞌ, Quisocristo aꞌpaimarin noya nanan shaꞌhuitiinpoaso marëꞌ. Naꞌcon nosoroatonpoaꞌ, yanichaꞌërinpoaꞌ. Huiꞌnin chachin niꞌton, co ina natëhuatëhuahuëꞌ, naꞌcon naꞌcon anaꞌintinpoasoꞌ yaꞌhuërin. Quisocristo chachin noya nanan shaꞌhuirin. Ina quëran caꞌtanoꞌsanënpitari natanahuatonaꞌ, inachachin shaꞌhuitaantarinënpoaꞌ.

1 Juan 4:14

Tata Yosëri huiꞌnin isoroꞌpaquë aꞌpaimarin nichaꞌëinpoaso marëꞌ. Quiyarisoꞌ niꞌnai. Nani tahuëri piyapiꞌsaꞌ shaꞌhuitárai.

1 Juan 5:7

Tata Yosë noya anitotërinpoaꞌ huiꞌnin natëcasoꞌ. Niꞌcoꞌ. “Carayaꞌpi inachachin shaꞌhuihuachina, naporo huarëꞌ natëtërëꞌ,” topi. Inapochachin cancanënpoaquë Ispirito Santo shaꞌhuitërinpoaꞌ. Quisocristontaꞌ iꞌquë aporihuanpachina, yaꞌipiya Yosë natërin. Naporahuaton, canpoa marëꞌ chiminpachina, huënainën paꞌnin. Cara chachin napopináchin anitotërinpoaꞌ.

Apocalipsis 1:11

Nontatonco, shaꞌhuitërinco: —Apira nani maꞌsha aꞌnotaranquën, quiricaquë ninshitëquëꞌ. Ina quëran canchisë ninanoroꞌsaquë aꞌpatëquëꞌ imarinacosopita nonchinaꞌ. Ipisoquë, Ismirinaquë, Pircamoquë, Tiatiraquë, Sartisiquë, Piratiripiaquë, Naotisiaquë inaquëpita yaꞌhuëpisopita aꞌpatëquëꞌ nitochinaꞌ, itërinco.

Apocalipsis 1:8

Yosë chachin shaꞌhuitërinpoaꞌ: “Caꞌton yaꞌhuërahuë. Coꞌhuara isoroꞌpaꞌ yaꞌhuëyátërasohuëꞌ, yaꞌhuárahuë. Aꞌna tahuërintaꞌ yaꞌipi maꞌsharoꞌsaꞌ taꞌhuantopirinahuëꞌ, casoꞌ yaꞌhuápo. Iráca quëran huarëꞌ yaꞌhuërahuë. Ipora huantaꞌ nanpiárahuë. Co onporontaꞌ taꞌhuantapohuëꞌ, yaꞌhuërápo. Chini chiníquën nanantërahuë,” tënin.

Apocalipsis 19:13

Aꞌmorinsoꞌ huënaiquë aꞌshitërin. Inasoꞌ Yosë nanamën chachin ninin.

Apocalipsis 2:8

Ina quëran shaꞌhuitaantarinco: —Ansiano Ismirinaquë yaꞌhuërinsontaꞌ ninshitëquëꞌ nonchin imapisopita natainaꞌ. “Ca Quisosoco quirica aꞌpataranquëmaꞌ, niꞌcoꞌ. Iráca quëran huarëꞌ yaꞌhuërahuë. Co onporontaꞌ taꞌhuantarahuëꞌ. Chiminaporahuëꞌ, nanpiantarahuë.