1 Corintios 9:14 - Chayahuita (Shahui)

¹⁴ Inapochachin Quisocristontaꞌ shaꞌhuitërinpoaꞌ. “Nani tahuëri nani tahuëri Yosë nanamën aꞌchinpachinaꞌ, natanpisopitari maꞌsha quëchinaꞌ nanpicaiso marëꞌ,” tënin.

1 Corintios 9:14 ပူးပေါင်းရင်းမြစ်များ

Mateo 10:10

Ama pëꞌpëto, pitana, sapatëꞌ, inapita quëpacosohuëꞌ. Ama aꞌmoramaso tërantaꞌ catoꞌ quëpacosohuëꞌ. ‘Asacatohuatëra, aꞌcacasoꞌ yaꞌhuërin,’ topi. Napoaton aꞌchintohuatamaꞌ, aꞌcaarinënquëmaꞌ, catahuaarinënquëmaꞌ ama maꞌsha pahuantinquëmaso marëhuëꞌ.

Lucas 10:7

Nohuantohuachinënquëmaꞌ, ina pëinënquë yacahuacoꞌ. Aꞌcahuachinënquëmaꞌ, caꞌcoꞌ. Oꞌshitohuachinënquëmaꞌ, oꞌocoꞌ. Aꞌchintaramaꞌ niꞌton, topinan caꞌcoꞌ. Ama nisha nisha pëiquë yaca yacapatë́rantacosohuëꞌ.

Lucas 10:8

Aꞌna ninanoquë paꞌpatamaꞌ, noya nontohuachinënquëmaꞌ, inaquë aꞌchintocoꞌ. Maꞌsona aꞌcahuachinënquëmaꞌ, caꞌcoꞌ.

Hechos 18:3

Paonosoꞌ nëꞌmëtëꞌ pëiroꞌsaꞌ ninaꞌpi. Aquirontaꞌ inaquë chachin sacatërin niꞌton, inaquë yacapatërin nicatahuacaiso marëꞌ.

1 Corintios 4:15

Notohuaroꞌ piyapiꞌsaꞌ Quisocristo nanamën aꞌchintopirinënquëmahuëꞌ, carimaꞌton pënënanquëmaꞌ niꞌton, imaramaꞌ. Quisocristo nanamën shaꞌhuitohuatënquëmara, natëramaꞌ. Napoaton tataparima pochin niꞌco.

1 Corintios 9:11

Inapochachin quiyantaꞌ Yosë nanamën aꞌchintërainquëmaꞌ noya noya cancantacamaso marëꞌ. Ina marëꞌ maꞌsha pahuantohuachincoi, topinan quëtëramacoi naporini, noya niitonhuëꞌ.

1 Corintios 9:12

Aꞌnapitasoꞌ aꞌchintohuachinquëmara, maꞌsha topinan quëtëramaꞌ. Quiyasoꞌ naꞌcon naꞌcon aꞌchintërainquëmaꞌ niꞌton, naꞌcon naꞌcon quëtamacoisoꞌ yaꞌhuëpirinhuëꞌ. Napoaponahuëꞌ, co mantaꞌ topinan maꞌparainquëmahuëꞌ. Maꞌsha pahuantopirincoihuëntaꞌ, ahuantërai. Piyapiꞌsaꞌ noya noya Quisocristo nanamën natanacaiso marëꞌ co mantaꞌ maꞌpatëraihuëꞌ. Aꞌchinahuë quëran canarahuë naporini, co onpopinchin noya niꞌitonacoihuëꞌ nimara, tënahuë.

1 Corintios 9:16

Aꞌnaquën: “Yosë nanamën aꞌchinahuëso marëꞌ casoꞌ noya noyaco,” topi. Caso nipirinhuëꞌ co caora nohuanto aꞌchinahuëꞌ. Co ina marëꞌ noya noyacohuëꞌ. Quisocristo acorinco nanamën aꞌchinaꞌhuaso marëꞌ. Coꞌsoꞌ aꞌchinpatohuëꞌ, ¡maꞌhuantacha nisarahuë paya!

1 Corintios 9:4

Aꞌchintohuatëinquëmara, aꞌcamacoisoꞌ yaꞌhuërin. Yamorohuatoi, oꞌshitamacoisontaꞌ yaꞌhuërin. Nohuantërai naporini, noya maꞌpaitëinquëmahuëꞌ.

2 Corintios 2:12

Iꞌhua Troasëquë paꞌnahuë Quisocristo nanamën aꞌchinaꞌhuaso marëꞌ. Yosë nohuanton, naꞌa piyapiꞌsaꞌ nohuantopi niꞌton, aꞌchintërahuë.

Gálatas 6:6

Aꞌnaquën paatonaꞌ, nani tahuëri Yosë nanamën aꞌchinápi. Aꞌchintohuachinquëmaꞌ, maꞌsha quëtocoꞌ ama pahuanchinasohuëꞌ.

1 Tesalonicenses 1:5

Quisocristo nanamën aꞌchintohuatëinquëmara, co topinan quëran aꞌchintërainquëmahuëꞌ. Ispirito Santo chachin catahuarincoi aꞌchinaꞌhuaisoꞌ. Canpitantaꞌ catahuarinquëmaꞌ noya natanacamaso marëꞌ. “Noꞌtëquën nontërinpoaꞌ,” taꞌtomaꞌ, yaꞌipi cancanëma quëran natëramaꞌ. Ina nicatoi: “Tëhuënchachin Yosëri huëntonënquë ayaꞌconin,” tënai. Canpitataquë yaꞌhuapoi, noya imarai canpitantaꞌ noya imacamaso marëꞌ.