1 Corintios 9:12 - Chayahuita (Shahui)

¹² Aꞌnapitasoꞌ aꞌchintohuachinquëmara, maꞌsha topinan quëtëramaꞌ. Quiyasoꞌ naꞌcon naꞌcon aꞌchintërainquëmaꞌ niꞌton, naꞌcon naꞌcon quëtamacoisoꞌ yaꞌhuëpirinhuëꞌ. Napoaponahuëꞌ, co mantaꞌ topinan maꞌparainquëmahuëꞌ. Maꞌsha pahuantopirincoihuëntaꞌ, ahuantërai. Piyapiꞌsaꞌ noya noya Quisocristo nanamën natanacaiso marëꞌ co mantaꞌ maꞌpatëraihuëꞌ. Aꞌchinahuë quëran canarahuë naporini, co onpopinchin noya niꞌitonacoihuëꞌ nimara, tënahuë.

1 Corintios 9:12 ပူးပေါင်းရင်းမြစ်များ

Génesis 24:56

Itopirinahuëꞌ, Apraan piyapinënso napoantarin: —Ama aquëtë huarëꞌ ahuaꞌquicosohuëꞌ. Yosë nohuanton, noya huëcato, co topinan iratërahuëꞌ. Napoaton huaꞌanëhuë yaꞌhuërinquë panantaꞌhuaso yaꞌhuërin tënahuë, itërin.

Nehemías 4:8

Napopináchin yonquiatona ahuëinacoiso marëꞌ yahuëcapairinacoi. Inapoatona sacatëraisoꞌ, yatapiantapi.

Lucas 11:52

¡Maꞌhuantacha cotio maistroꞌsanquëmaꞌ nisarama paya! Niahui osërëtërëso pochin co Yosë nanamën noꞌtëquën aꞌchintëramahuëꞌ niꞌton, piyapiꞌsaꞌ co Yosë nohuitopihuëꞌ. Co canpita tërantaꞌ Yosë huëntonënquë yaꞌconamahuëꞌ. Aꞌnapitantaꞌ yayaꞌconpirinahuëꞌ, co nohuantëramahuëꞌ. Ina marëꞌ Yosë anaꞌintarinquëmaꞌ,” itërin Quisosori.

Hechos 18:3

Paonosoꞌ nëꞌmëtëꞌ pëiroꞌsaꞌ ninaꞌpi. Aquirontaꞌ inaquë chachin sacatërin niꞌton, inaquë yacapatërin nicatahuacaiso marëꞌ.

Romanos 15:22

Napoaton huaꞌquiꞌ nicapënquëmaꞌ yapaꞌpirahuëꞌ, paꞌsápato, co nanitërahuëꞌ.

1 Corintios 13:7

Co noyahuëꞌ nanan natantohuatëhuaꞌ, co aꞌnaroáchin natëtarihuahuëꞌ. Noya yonquiatëhuaꞌ, natëarihuaꞌ. “Yosë nohuanton, oshaquëran noya cancantapon,” taꞌtëhuaꞌ, ninarëhuaꞌ. Maꞌsha onpotopirinënpoahuëntaꞌ, yaꞌipi ahuantarihuaꞌ.

1 Corintios 6:7

Nishaꞌhuirapihuatamara, co imapisopitahuë pochin niconamaꞌ. Maꞌsha onpotohuachinënquëmaꞌ, ¿onpoatontaꞌ co ahuantëramahuëꞌ? Maꞌshanëmaꞌ matohuachinënquëmaꞌ, tananpitëramaꞌ naporini, noya noya niitomahuëꞌ.

1 Corintios 9:14

Inapochachin Quisocristontaꞌ shaꞌhuitërinpoaꞌ. “Nani tahuëri nani tahuëri Yosë nanamën aꞌchinpachinaꞌ, natanpisopitari maꞌsha quëchinaꞌ nanpicaiso marëꞌ,” tënin.

1 Corintios 9:15

Ina nipirinhuëꞌ, co mantaꞌ maꞌparanquëmahuëꞌ. Co ina marëꞌ ninshitëranquëmahuëꞌ. Co mantaꞌ nohuantërahuëꞌ. Caora sacatato, aꞌchinarahuë. Ina marëꞌ noya cancantërahuë. Aꞌchintëranquëmaso marëꞌ pahuërëamacosoꞌ yaꞌhuërin naporini, chiminaꞌhuasoꞌ noya noya niitonhuëꞌ. Topinan nohuantato, aꞌchintaranquëmaꞌ, tënahuë.

1 Corintios 9:16

Aꞌnaquën: “Yosë nanamën aꞌchinahuëso marëꞌ casoꞌ noya noyaco,” topi. Caso nipirinhuëꞌ co caora nohuanto aꞌchinahuëꞌ. Co ina marëꞌ noya noyacohuëꞌ. Quisocristo acorinco nanamën aꞌchinaꞌhuaso marëꞌ. Coꞌsoꞌ aꞌchinpatohuëꞌ, ¡maꞌhuantacha nisarahuë paya!

1 Corintios 9:18

Napoaton nanamën aꞌchinpatëra, co mantaꞌ ina marëꞌ maꞌpatërahuëꞌ. Cosharoꞌ, maꞌsha, inapita quëtinacosoꞌ yaꞌhuëpirinhuëꞌ, co mantaꞌ maꞌpatërahuëꞌ. Topinan aꞌchinahuë. Ina marëꞌ nóya cancantërahuë.

1 Corintios 9:2

“Co Quisocristo chachin acorinquënhuëꞌ,” itërinaco aꞌnaquën. Canpitaso nipirinhuëꞌ co napotaramacohuëꞌ. Aꞌchintohuatënquëmara, Quisocristo imaramaꞌ niꞌton, acorincosoꞌ nitotëramaꞌ.

2 Corintios 11:12

Nisha aꞌchinaꞌpiroꞌsaꞌ aꞌchintohuachinënquëmara, coriqui maꞌparinënquëmaꞌ. Caso nipirinhuëꞌ aꞌchinahuëso marëꞌ co coriqui maꞌpatërahuëꞌ. Ipora huantaꞌ topinan aꞌchinárahuë ama pinoinacoso marëhuëꞌ. Inapita pochin cantaꞌ maꞌparanquëmaꞌ naporini, “Paono pochachin aꞌchintërainquëmaꞌ. Yosë aꞌparincoi quiyantaꞌ,” ichitënënquëmahuëꞌ.

2 Corintios 11:20

Inapitasoꞌ chiníquën camairinënquëmaꞌ. Maꞌshanëmaꞌ topinan mapi. Nocaninënquëmaꞌ, yaahuërinënquëmaꞌ. Inapotopirinënquëmahuëꞌ, ¿maꞌmarëcha noya natanama nicaya? tënahuë, yonquiato.

2 Corintios 2:12

Iꞌhua Troasëquë paꞌnahuë Quisocristo nanamën aꞌchinaꞌhuaso marëꞌ. Yosë nohuanton, naꞌa piyapiꞌsaꞌ nohuantopi niꞌton, aꞌchintërahuë.

2 Corintios 6:3

Napoaton noyasáchin ninai ama aꞌna piyapi tërantaꞌ nisha cancantacaso marëhuëꞌ. Co noyahuëꞌ ninai naporini, aꞌnapitantaꞌ nicatonacoi, co Yosë imaitonahuëꞌ.