1 Corintios 9:10 - Chayahuita (Shahui)

¹⁰ Canpoantaꞌ yonquiatonpoaꞌ, quiricanënquë aninshitërin. Quëmapi iminpachina, co topinan shaꞌninhuëꞌ. “Nitohuachin, masarahuë,” taꞌton, shaꞌnin. Ina quëran shaꞌninsoꞌ cayahuachina, manin.

1 Corintios 9:10 ပူးပေါင်းရင်းမြစ်များ

Mateo 24:22

Yosë nohuanton, co huaꞌquiꞌ aparisitapihuëꞌ. Huaꞌquiꞌ aparisitapi naporini, yaꞌipi piyapiꞌsaꞌ taquiꞌitonahuëꞌ. Nipirinhuëꞌ, piyapinënpita nosoroaton, co nohuantërinhuëꞌ huaꞌquiꞌ aparisitacaisoꞌ. Huayoninsopita nichaꞌësarin huachi.

Romanos 15:4

Iráca Yosë quiricanënquë naꞌcon ninshitopi. Canpoantaꞌ yonquicaso marëꞌ napopi. “Iráca imapisopitantaꞌ maꞌsha onpoaponaraihuëꞌ, Yosë yonquiatonaꞌ, ahuantopi. Yosëri noya catahuahuachina, imamiatopi. Inapochachin Yosë noya catahuarinpoaꞌ canpoantaꞌ,” taꞌcaso marëꞌ ninshitopi.

1 Corintios 3:9

Quiyasoꞌ Yosë aꞌparincoi ina marëꞌ sacataꞌhuaisoꞌ. Canpitaso nipirinhuëꞌ Yosë shaꞌtërinso pochin ninamaꞌ. Naporahuaton, Quisocristo imaramaꞌ niꞌton, Yosë pëinën pochin ninamaꞌ.

2 Corintios 4:15

Canpitantaꞌ imacamaso marëꞌ parisitërai. Inaora nohuanton, Yosë naꞌcon nosororincoi. Naꞌcon naꞌcon piyapiꞌsaꞌ ina nohuitohuachinaꞌ, noya cancantatonaꞌ, Yosë nontapi. “Ma noyanquëncha, Sinioro, paya. Nosoroatoncoi, nichaꞌësarancoi niꞌton, ‘Yosparinquën,’ Sinioro,” itapi.

2 Timoteo 2:6

Iminquë chiníquën sacatërinso pochin Yosë marëꞌ chiníquën sacatacasoꞌ yaꞌhuërin. Shaꞌtonaꞌpi noya sacatohuachina, cosharoꞌ yaꞌhuëtërin. Cayahuachina, inariꞌton manin.