1 Corintios 8:8 - Chayahuita (Shahui)

⁸ Tëhuënchachin caꞌpatëhuaꞌ, co ina marëꞌ oshahuanëhuahuëꞌ. Aꞌpohuatëhuaꞌ, co ina marëꞌ Yosë noya noya niꞌninpoahuëꞌ. Co inasoꞌ cosharoꞌ yonquirinhuëꞌ. Cancanënpoa quëran noya yonquicasoꞌ naꞌcon naꞌcon nohuantërin.

1 Corintios 8:8 ပူးပေါင်းရင်းမြစ်များ

Mateo 25:15

Itahuaton, aꞌnaya aꞌnaya quëtëraꞌpiarin. Co napopianachin quëtërinhuëꞌ. Nanitinpichin tantiaton, nisha nisha quëtërin. Aꞌnasoꞌ aꞌnatërápo huaranca coriqui oro quëran nininsoꞌ quëtërin. Aꞌnasoꞌ cato huaranca quëtërin. Aꞌnantaꞌ huaranca quëtërin. Nani inpriatonënpita quëtahuaton, paꞌnin huachi.

Romanos 14:17

Yosë noya huaꞌanëntërinpoaꞌ. Ina imapatëhuaꞌ, noya nisarëhuaꞌ. Asanocancanarinpoaꞌ niꞌton, co ninoꞌhuicasoꞌ yaꞌhuërinhuëꞌ. Yosësoꞌ, caꞌnëhuasoꞌ, oꞌorëhuasoꞌ, inapita co onpopinchin yonquirinhuëꞌ. Ispirito Santo catahuarinpoaꞌ noya cancantahuasoꞌ. Catahuahuachinpoaꞌ, capa cancantarihuaꞌ.

1 Corintios 6:13

Aꞌnaquën napopi: “Cosharoꞌ yaꞌhuërin anpopitë marëꞌ. Anpopitëntaꞌ yaꞌhuërin cosharo marëꞌ,” topi. Inaso nipirinhuëꞌ, aꞌna tahuëri Yosë nohuanton, cosharoꞌ, anpopitëꞌ, inapita taꞌhuantarin. Niꞌton, co coshatërëhuaso marëꞌ oshahuanëhuahuëꞌ. Napoaponahuëꞌ, monshihuanacasoꞌ paꞌpi co noyahuëꞌ. Co Yosë nohuantërinhuëꞌ monshihuanacasoꞌ. Co ina marëꞌ nonënpoaꞌ acotërinpoahuëꞌ. Sinioro natëcaso marëꞌ acotërinpoaꞌ. Nonënpoantaꞌ nichaꞌërin.

Hebreos 13:9

Aꞌnaquën nisha aꞌchintohuachinënquëmaꞌ, ama natancosohuëꞌ, nonpintochinënquëmaꞌ. Noꞌtëquën yonquicoꞌ. Nisha nisha nicacasoꞌ pënënpirinënpoahuëꞌ, co ina quëran noya cancantërëhuahuëꞌ. Naꞌa piyapiꞌsaꞌ nisha nisha cosharoꞌ aꞌpoaponaraihuëꞌ, co noya cancantopihuëꞌ. Quisocristoíchin nanitërin anoyacancantinpoasoꞌ. Inaora nohuanton, nosoroatonpoaꞌ, catahuarinpoaꞌ imamiatacasoꞌ.