1 Corintios 7:7 - Chayahuita (Shahui)

⁷ Caso nipirinhuëꞌ co saꞌahuancohuëꞌ. Co mantaꞌ sanapi sëꞌhuarahuëꞌ. Yosë catahuarinco ahuantaꞌhuasoꞌ. Paꞌsápato, aꞌchinárahuë. Naꞌa quëmapiꞌsaꞌ ca pochin nipi naporini, noya niitonahuëꞌ, topirahuëꞌ. Co yaꞌipi nanitopihuëꞌ ca pochin nicacaisoꞌ. Yosë catahuarinpoaꞌ nisha nisha nicacasoꞌ. Aꞌnaquën ina nohuanton, saꞌarin. Aꞌnaquënso nipirinhuëꞌ ina nohuanton, noya inaora yaꞌhuërin.

1 Corintios 7:7 ပူးပေါင်းရင်းမြစ်များ

Génesis 30:34

—Noyapaꞌ. Inapoaꞌa nipachin, tënin Napano.

Hechos 26:29

—Paꞌpi nohuantërahuë ca pochachin nicamasoꞌ. Yaꞌipinquëmaꞌ natanamacosopita ca pochachin nicacamasoꞌ nohuantopirahuëꞌ. Catinaquëachin tonpoinëmasoꞌ co nohuantërahuëꞌ. Aꞌnaroáchin imarama naporini, noya niitonhuëꞌ. Huaꞌqui quëran imapatamantaꞌ, noya chachin niitonhuëꞌ, itërin Paonori.

Romanos 12:6

Yosë nosoroatonpoaꞌ, acorinpoaꞌ nisha nisha nicacasoꞌ. Maꞌmarësona acohuachinpoaꞌ, noya niahuaꞌ. Aꞌnaquën, yonquirinso chachin anitotërin shaꞌhuicaiso marëꞌ. Anitotohuachinquëmaꞌ, yaꞌipiya noꞌtëquën shaꞌhuicoꞌ.

1 Corintios 12:11

Yaꞌipi imarëhuasopita catahuarinpoaꞌ. Aꞌnaíchin Ispirito Santo niponahuëꞌ, catahuarinpoaꞌ nisha nisha nitotacasoꞌ. Inaora nohuantërinsoꞌ ananitërinpoaꞌ.

1 Corintios 12:4

Yosë acorinpoaꞌ nisha nisha nitotacaso marëꞌ. Ispirito Santo chachin catahuarinpoaꞌ noya nicacasoꞌ.

1 Corintios 7:8

Co yasaꞌapatamahuëꞌ, noya nisaramaꞌ. Inapochachin quëyoronoꞌsaꞌ co yasoꞌyantahuachinahuëꞌ, noya nisapi. Cantaꞌ caora yaꞌhuarahuë.

1 Corintios 9:15

Ina nipirinhuëꞌ, co mantaꞌ maꞌparanquëmahuëꞌ. Co ina marëꞌ ninshitëranquëmahuëꞌ. Co mantaꞌ nohuantërahuëꞌ. Caora sacatato, aꞌchinarahuë. Ina marëꞌ noya cancantërahuë. Aꞌchintëranquëmaso marëꞌ pahuërëamacosoꞌ yaꞌhuërin naporini, chiminaꞌhuasoꞌ noya noya niitonhuëꞌ. Topinan nohuantato, aꞌchintaranquëmaꞌ, tënahuë.

1 Corintios 9:5

Aꞌnapita Quisocristori acorinsopitasoꞌ, saꞌatonaꞌ saꞌinarëꞌ iratopi. Nanamën aꞌchinacaiso marëꞌ paꞌpachinara, saꞌinë chachin paꞌpi. Quisocristo iinpita, Pitro, inapitantaꞌ inapopi. Nohuantërai naporini, quiyantaꞌ Quisocristo imarinsoꞌ macatoi, inaroꞌcoi chachin irachitoihuëꞌ.