1 Corintios 7:34 - Chayahuita (Shahui)

³⁴ Co nanitopihuëꞌ Yosëáchin yonquicaisoꞌ. Inapochachin sanapiꞌsantaꞌ co soꞌyahuachinahuëꞌ, nanitopi yaꞌipi cancanëna quëran Yosëíchin yonquicaisoꞌ. Inasáchin yonquihuachinaꞌ, naꞌcon Yosë marëꞌ sacatapi. Soꞌyahuanoꞌsaso nipirinhuëꞌ, naꞌcon maꞌsha yonquicaisoꞌ yaꞌhuërin. Soꞌinaꞌ, huaꞌhuinpita, inapita noya nocomacaisoꞌ yaꞌhuërin.

1 Corintios 7:34 ပူးပေါင်းရင်းမြစ်များ

Juan 10:13

Canacaso marëáchin sacatërin niꞌton, co inapita yonquiatonhuëꞌ, taꞌananpirin.

Romanos 6:13

Niꞌcoꞌ. Imiramaꞌ, nantëmaꞌ, yaꞌpiramaꞌ, huëratëmaꞌ, nanamëmaꞌ, inapita yaꞌhuëtërinquëmaꞌ. Inapita quëran co noyahuë nicacaso yaꞌhuëpirinhuëꞌ. Ama nohuantocosohuëꞌ. Yosë natëcamasoáchin yonquicoꞌ. Chiminama quëran nanpiantëramaso pochin cancantatomaꞌ, yaꞌipi nonëma quëran huarëꞌ noyasáchin nicoꞌ.

1 Corintios 6:20

Quisocristo chiníquën parisitaton, chiminin nichaꞌëinpoaso marëꞌ. Nichaꞌërinpoaꞌ niꞌton, yaꞌipi nonënpoa quëran huarëꞌ huaꞌanëntinpoasoꞌ yaꞌhuërin. Napoaton noyasáchin nicoꞌ aꞌnapitantaꞌ nicatënënquëmaꞌ Yosë chinochinaꞌ.

1 Corintios 7:33

Saꞌahuanoꞌsaso nipirinhuëꞌ nani maꞌsha yonquicaisoꞌ yaꞌhuërin. Saꞌinaꞌ noya yaꞌhuëcaiso marëꞌ naꞌcon yonquiapi.

1 Corintios 7:35

Ina pochin aꞌchintëranquëmaꞌ yonquicamaso marëꞌ. Co casoꞌ camairanquëmahuëꞌ. Noya yonquicoꞌ Yosë nohuantërinsoꞌ ayonquiꞌinquëmaꞌ. Noyasáchin nicacasoꞌ yaꞌhuërin. Yosë naꞌcon naꞌcon yonquiatomaꞌ, ina marëꞌ sacatocoꞌ.

2 Corintios 11:28

Yosë nohuanton, ina pochin parisitárahuë. Naporahuaton, yaꞌipi imaramasopita nosoroatënquëmaꞌ, yonquiáranquëmaꞌ. Noya noya imacamasoꞌ naꞌcon nohuantërahuë. Nani tahuëri yonquiatënquëmaꞌ napion cancantërahuë.

2 Corintios 8:16

Titontaꞌ naꞌcon yonquirinquëmaꞌ. Ina marëꞌ noya cancantato, “Yosparinquën, Sinioro,” itërahuë.

Filipenses 1:20

Co nohuantërahuëꞌ piꞌpian tërantaꞌ Yosë naniantaꞌhuasoꞌ. Inasoꞌ noyasáchin yonquirinpoaꞌ niꞌton, co atapanarincohuëꞌ, tënahuë. Coisë ocoiaponco nimara. Tëpaponco nimara. Co ina nitotërahuëꞌ. Co ina yonquirahuëꞌ. Ocoihuachinco, chiníquën cancantato, aꞌchiantarahuë aꞌnapitantaꞌ imacaiso marëꞌ. Tëpahuachinaco, piyapiꞌsaꞌ nicatonaco, naꞌcon naꞌcon Quisocristo yonquiaponaꞌ, tënahuë. Quisocristo natëcaꞌhuasoráchin yonquirahuë.

1 Tesalonicenses 5:23

Yosëíchin asanocancaninpoaꞌ. Canpita marëꞌ ina nontarahuë noyásha anoyacancanchinquëmaꞌ. “Catahuaquëꞌ Sinioro, yaꞌipi cancanëna quëran noyápiachin yonquiꞌinaꞌ. Naporahuaton, yaꞌipi yonquinëna quëran noya nininsopitaráchin nohuanchinaꞌ. Quëma nohuanton, yaꞌipi nonëna quëran huarë noyasáchin niinaꞌ,” itërahuë. Ina quëran Sinioro Quisocristo oꞌmantahuachin, nóya niꞌsarinquëmaꞌ.

1 Timoteo 3:5

Co huiꞌninpita tërantaꞌ pënënpachinhuëꞌ, aꞌnapitarinta co yanatëponhuëꞌ. Napoaton co nanitërinhuë Yosë imapisopita noya catahuacasoꞌ.

1 Timoteo 5:5

Aꞌnaquën quëyoronoꞌsaso nipirinhuëꞌ, co huaꞌhuinpita yaꞌhuëtërinhuëꞌ. Yosëíchin yonquiarin. “Ina catahuarinco,” taꞌton, nani tahuëri Yosë nontarin. Tashirë chachin nontarin. Inapitasoꞌ catahuahuaꞌ.

Tito 3:8

Noꞌtëquën shaꞌhuitëranquën. Quëmantaꞌ inachachin aꞌchintëquëꞌ, tënahuë. Pënënáquëꞌ yaꞌipi imapisopita noya nicacaiso marëꞌ. Aꞌchintëranquënsosoꞌ nóya imacasoꞌ. Natëhuatëhuaꞌ, noya noya yaꞌhuarihuaꞌ.