1 Corintios 7:31 - Chayahuita (Shahui)

³¹ Yaꞌipi maꞌsha isoroꞌpaquë yaꞌhuërinsopita aꞌna tahuëri taꞌhuantarin. Napoaton maꞌsha yaꞌhuëtopirinquëmahuëꞌ, ama inapita naꞌcon naꞌcon yonquicosohuëꞌ.

1 Corintios 7:31 ပူးပေါင်းရင်းမြစ်များ

Salmos 73:20

Quëmari Sinioro capayatërëso pochin nicaton anaꞌintaran. Noya yaꞌhuëpirinahuëꞌ, anaꞌintaran huachi.

Eclesiastés 11:2

Maꞌsha yaꞌhuëtohuachinquën, ama apiraquësohuëꞌ. Pahuantiinquë huarënta yoꞌquëꞌ. Co nitotërëhuahuëꞌ tashiraya maꞌsha onpocaso niꞌton, inapoquëꞌ.

Lucas 21:34

Niꞌcona naniantotamaco. Ama pita paꞌyatacasoachin cancantocosohuëꞌ. Ama noꞌpicosohuëꞌ. Ama maꞌsharáchin yonquicosohuëꞌ. Ina pochin cancantohuatamaꞌ, co aquëtëꞌ yonquiaramacohuëꞌ. Co noya ninahuatamacohuëꞌ,

1 Corintios 7:29

Niꞌcoꞌ, iyaroꞌsaꞌ. Yosë nohuanton, co huaꞌquiꞌ isoroꞌpaquë yaꞌhuarihuahuëꞌ. Napoaton saꞌahuanpatamaꞌ, ama saꞌamachin yonquicosohuëꞌ. Yosë naꞌcon naꞌcon yonquicoꞌ.

1 Corintios 7:30

Aꞌna tahuëri sëtapomarahuëꞌ, ama sëtacamasorachin yonquicosohuëꞌ. Yosë yonquiatomaꞌ, noya cancantocoꞌ. Aꞌna tahuërintaꞌ capa cancantapomarahuëꞌ, ama inasáchin yonquicosohuëꞌ. Maꞌsha paꞌanacasontaꞌ yaꞌhuëtopirinquëmahuëꞌ, ama inasáchin yonquicosohuëꞌ.

1 Corintios 9:18

Napoaton nanamën aꞌchinpatëra, co mantaꞌ ina marëꞌ maꞌpatërahuëꞌ. Cosharoꞌ, maꞌsha, inapita quëtinacosoꞌ yaꞌhuëpirinhuëꞌ, co mantaꞌ maꞌpatërahuëꞌ. Topinan aꞌchinahuë. Ina marëꞌ nóya cancantërahuë.

Hebreos 12:27

Aꞌna tahuëri mini yaꞌipi maꞌsha isoroꞌpaquë yaꞌhuërinsopita taꞌhuantarin. Maꞌsha yaꞌhuëmiatërinsoꞌ acohuachinasoꞌ, yaꞌhuëmiatarin.

Santiago 4:14

Co tashiraya tërantaꞌ nanitaramahuëꞌ ninocamasoꞌ. Maꞌsona onpocamasoꞌ co nitotëramahuëꞌ. Co canpitaora nohuanton nanpiramahuëꞌ. Chitoroꞌ aꞌnaroáchin sacorinso pochachin aꞌnanaya aꞌnaquën chiminin.

1 Pedro 1:24

“Panpatëroꞌ aꞌnaroáchin ahuirin. Inapochachin canpoantaꞌ chiminarihuaꞌ. Yancoroꞌsantaꞌ noyápiachin nipirinhuëꞌ, aꞌnaroáchin ahuihuachina, nohuatërin. Inapochachin nani maꞌsha niꞌnëhuasopita taꞌhuantarin antaꞌ.

1 Pedro 4:7

Ayaroꞌ tahuëri nani yaꞌcariarinpoaꞌ. Napoaton ama nisha nisha yonquicosohuëꞌ. Noya yonquiatomaꞌ, Yosë nontácoꞌ.

1 Juan 2:17

Isoroꞌpaꞌ taꞌhuantarin. Yaꞌipi maꞌshantaꞌ taꞌhuantarin. Inasáchin paꞌyatohuatëhuaꞌ, topinan quëran nanpiarihuaꞌ. Nipirinhuëꞌ, Yosë noya imapatëhuaꞌ, co onporontaꞌ taꞌhuantarihuahuëꞌ. Yaꞌhuëmiatarihuaꞌ.