1 Corintios 7:29 - Chayahuita (Shahui)

²⁹ Niꞌcoꞌ, iyaroꞌsaꞌ. Yosë nohuanton, co huaꞌquiꞌ isoroꞌpaquë yaꞌhuarihuahuëꞌ. Napoaton saꞌahuanpatamaꞌ, ama saꞌamachin yonquicosohuëꞌ. Yosë naꞌcon naꞌcon yonquicoꞌ.

1 Corintios 7:29 ပူးပေါင်းရင်းမြစ်များ

2 Samuel 19:34

Inariso napoaponahuëꞌ, itapon: —Caso co huachi huaꞌqui tahuëri nicapohuëꞌ. Napoaton ¿Maꞌmarëta inatohua imacontaꞌinquën?

Eclesiastés 9:10

Maꞌsona tëranta nicacasoꞌ yonquihuatan, yaꞌipi cancanën quëran niquëꞌ. Aꞌna tahuëri chiminpatan, co huachi manta nisaranhuëꞌ. Co manta yonquiaranhuëꞌ. Co inaquëso maꞌsha nitotërëhuëꞌ. Co inaquësoꞌ yonquínahuan ninëhuëꞌ.

Lucas 14:20

“Iꞌhuara saꞌarahuë. Napoaton co cantaꞌ nanitërahuëꞌ,” tënin aꞌnantaꞌ.

1 Corintios 7:28

Napoaponahuëꞌ, sanapi nohuantohuatamaꞌ, macoꞌ. Noya saꞌacasoꞌ. Inapochachin nanoꞌsantaꞌ yasoꞌyahuachinaꞌ, noya nisapi. Co ina marëꞌ oshahuanapihuëꞌ. Nipirinhuëꞌ, saꞌahuanoꞌsaꞌ, soꞌyahuanoꞌsaꞌ inapitasoꞌ saca sacaiꞌ yaꞌhuaponaꞌ. Co nohuantërahuëꞌ canpitasoꞌ ina pochin nicacamasoꞌ.

1 Corintios 7:30

Aꞌna tahuëri sëtapomarahuëꞌ, ama sëtacamasorachin yonquicosohuëꞌ. Yosë yonquiatomaꞌ, noya cancantocoꞌ. Aꞌna tahuërintaꞌ capa cancantapomarahuëꞌ, ama inasáchin yonquicosohuëꞌ. Maꞌsha paꞌanacasontaꞌ yaꞌhuëtopirinquëmahuëꞌ, ama inasáchin yonquicosohuëꞌ.

1 Corintios 7:31

Yaꞌipi maꞌsha isoroꞌpaquë yaꞌhuërinsopita aꞌna tahuëri taꞌhuantarin. Napoaton maꞌsha yaꞌhuëtopirinquëmahuëꞌ, ama inapita naꞌcon naꞌcon yonquicosohuëꞌ.

1 Pedro 1:24

“Panpatëroꞌ aꞌnaroáchin ahuirin. Inapochachin canpoantaꞌ chiminarihuaꞌ. Yancoroꞌsantaꞌ noyápiachin nipirinhuëꞌ, aꞌnaroáchin ahuihuachina, nohuatërin. Inapochachin nani maꞌsha niꞌnëhuasopita taꞌhuantarin antaꞌ.

1 Pedro 4:7

Ayaroꞌ tahuëri nani yaꞌcariarinpoaꞌ. Napoaton ama nisha nisha yonquicosohuëꞌ. Noya yonquiatomaꞌ, Yosë nontácoꞌ.

1 Juan 2:17

Isoroꞌpaꞌ taꞌhuantarin. Yaꞌipi maꞌshantaꞌ taꞌhuantarin. Inasáchin paꞌyatohuatëhuaꞌ, topinan quëran nanpiarihuaꞌ. Nipirinhuëꞌ, Yosë noya imapatëhuaꞌ, co onporontaꞌ taꞌhuantarihuahuëꞌ. Yaꞌhuëmiatarihuaꞌ.