1 Corintios 7:28 - Chayahuita (Shahui)

²⁸ Napoaponahuëꞌ, sanapi nohuantohuatamaꞌ, macoꞌ. Noya saꞌacasoꞌ. Inapochachin nanoꞌsantaꞌ yasoꞌyahuachinaꞌ, noya nisapi. Co ina marëꞌ oshahuanapihuëꞌ. Nipirinhuëꞌ, saꞌahuanoꞌsaꞌ, soꞌyahuanoꞌsaꞌ inapitasoꞌ saca sacaiꞌ yaꞌhuaponaꞌ. Co nohuantërahuëꞌ canpitasoꞌ ina pochin nicacamasoꞌ.

1 Corintios 7:28 ပူးပေါင်းရင်းမြစ်များ

Mateo 5:32

Caso nipirinhuëꞌ nisha pënënanquëmaꞌ. Co saꞌama monshihuanpachinahuëꞌ, co onporontaꞌ tëꞌyatamasoꞌ yaꞌhuërinhuëꞌ, tënahuë. Topinan tëꞌyatohuatamaꞌ, oshahuanaramaꞌ. Ina sanapintaꞌ soꞌyantahuachin, monshihuaninso pochin nisarin. Nasha soꞌiontaꞌ, monshin pochin nisarin. Co onporontaꞌ tëꞌyatacasoꞌ yaꞌhuërinhuëꞌ, tënahuë,” tënin.

1 Corintios 7:26

Ipora tahuëriꞌsaꞌ sacaiꞌ imacasoꞌ, naꞌcon aparisitarinënpoaꞌ. Napoaton onporamasona yaꞌhuapomaꞌ, inachachin yaꞌhuëcoꞌ.

1 Corintios 7:27

Saꞌahuanpatamaꞌ, ama tëꞌyatocosohuëꞌ. Co saꞌahuanpatamahuëꞌ, noya canpitaora yaꞌhuëcoꞌ.

1 Corintios 7:29

Niꞌcoꞌ, iyaroꞌsaꞌ. Yosë nohuanton, co huaꞌquiꞌ isoroꞌpaquë yaꞌhuarihuahuëꞌ. Napoaton saꞌahuanpatamaꞌ, ama saꞌamachin yonquicosohuëꞌ. Yosë naꞌcon naꞌcon yonquicoꞌ.

2 Corintios 1:23

Yaꞌipi yonquirahuësoꞌ Yosë nitotërin. Ina niꞌsárinco niꞌton, noꞌtëquën nontaranquëmaꞌ. Co nohuantërahuëꞌ canpitataquë chiníquën pënënaꞌhuanquëmasoꞌ. Napoaton co iꞌhua niꞌconanquëmahuëꞌ. Naporoꞌ paꞌnahuë naporini, co noyahuëꞌ ninamaso marëꞌ chiníquën pënënaꞌhuanquëmasoꞌ yaꞌhuëꞌitonhuëꞌ.

Hebreos 13:4

Quëmapiꞌsaꞌ saꞌapachinaꞌ, ama aꞌna sanapi yonquiꞌinasohuëꞌ. Sanapiꞌsantaꞌ soꞌyahuachinaꞌ, ama soꞌinaꞌ tëhuananpichinasohuëꞌ. Ama mantaꞌ monshihuainasohuëꞌ. Monshihuanpatamaꞌ, Yosë chiníquën anaꞌintarinquëmaꞌ.