1 Corintios 7:11 - Chayahuita (Shahui)

¹¹ Nipirinhuëꞌ, co chinpitohuachinhuëꞌ, ama huachi aꞌna quëmapi soꞌyachinsohuëꞌ. Soꞌin chachin chinpitantahuachin, noya nisarin. Quëmapiꞌsantaꞌ saꞌapachinaꞌ, ama saꞌinaꞌ tëꞌyachinasohuëꞌ.

1 Corintios 7:11 ပူးပေါင်းရင်းမြစ်များ

Isaías 50:1

Ina quëran Sinioro napoantarin: “Israiroꞌsanquëmaꞌ. Carimaso naꞌcon yaaꞌchintatënquëma yonípiranquëmahuëꞌ, co quënananquëmahuëꞌ. Përápiranquëmahuëꞌ, co aꞌpaniramacohuëꞌ. ‘Nihuitërinsoꞌ pahuërëtacaso marëꞌ paꞌanatë pochin nitërinpoaꞌ,’ topiramahuëꞌ. Oshahuanama niꞌton, paꞌanatë pochin nitëranquëmaꞌ. Co natantochináchinhuëꞌ cancantëramaso marëꞌ aꞌpoatë pochin nitëranquëmaꞌ. ¡Natëramaco naporini, carima nichaꞌëitënquëmahuëꞌ! Marënta camaihuatora, aꞌnaroáchin yanirin. Iꞌrosanta yanitonaꞌ, inotëro taranapi. Napohuachina, samiroꞌsanta yamorori tëpapon. Inapoatona chiminpachinaꞌ, chanataponaꞌ.

Mateo 5:32

Caso nipirinhuëꞌ nisha pënënanquëmaꞌ. Co saꞌama monshihuanpachinahuëꞌ, co onporontaꞌ tëꞌyatamasoꞌ yaꞌhuërinhuëꞌ, tënahuë. Topinan tëꞌyatohuatamaꞌ, oshahuanaramaꞌ. Ina sanapintaꞌ soꞌyantahuachin, monshihuaninso pochin nisarin. Nasha soꞌiontaꞌ, monshin pochin nisarin. Co onporontaꞌ tëꞌyatacasoꞌ yaꞌhuërinhuëꞌ, tënahuë,” tënin.

Marcos 10:12

Inapochachin sanapiꞌsantaꞌ, soꞌin taꞌananpirahuaton, aꞌna quëmapi soꞌyatohuachin, inasoꞌ co soꞌinhuëꞌ. Monshin pochin Yosëri niꞌsarin. Ina marëꞌ oshahuanarin, itërin.

Marcos 10:2

Parisioroꞌsantaꞌ Quisoso yaꞌcarirahuatonaꞌ, atëhuëcaiso marëꞌ natanquipi: —¿Noya ipora saꞌanpoꞌ tëꞌyatacasoꞌ ti? itiipi.

Lucas 16:18

Ina quëran Quisosori pënëantarin: “Co saꞌamaꞌ tëꞌyatamasoꞌ yaꞌhuërinhuëꞌ. Noya nichinpitacasoꞌ yaꞌhuërin. Napoaton saꞌamaꞌ tëꞌyatatomaꞌ, aꞌna sanapi maantahuatamaꞌ, oshahuanaramaꞌ. Monshihuaninso pochin Yosë niꞌsarinquëmaꞌ. Insosona ina sanapi soꞌini tëꞌyatërinso chachin maantahuachina, inantaꞌ monshihuaninso pochin Yosëri niꞌsarin,” itërin.

1 Corintios 7:10

Nani sanapi mapatamaꞌ, inarëꞌquëmáchin yaꞌhuëcoꞌ, tënahuë. Co casáchin naporahuëꞌ. Quisocristo shaꞌhuitërinpoaꞌ niꞌton, natëcasoꞌ yaꞌhuërin. Sanapiꞌsantaꞌ soꞌyahuachinaꞌ, soꞌinaꞌ chinpitomiatacasoꞌ yaꞌhuërin.

1 Corintios 7:12

Isontaꞌ pënëantaranquëmaꞌ. Quisocristo isoroꞌpaquë nipon, co napopirinhuëꞌ, noya pënënaranquëmaꞌ, tënahuë. Aꞌnaquëmaꞌ coꞌhuara Quisocristo imashatërapomahuëꞌ, saꞌaramaꞌ. Iporasoꞌ imapiramahuëꞌ, saꞌamasoꞌ co yaimarinhuëꞌ. Noya yacapahuachinquëmaꞌ, ama tëꞌyatocosohuëꞌ.