1 Corintios 6:5 - Chayahuita (Shahui)

⁵ Tapanacamaso marëꞌ pënënaranquëmaꞌ. ¿Co aꞌnaya tërantaꞌ niyontonamaquë noya yonquinaꞌpi yaꞌhuërinhuëꞌ ti? ¡Yaꞌhuërin mini, tënahuë! Nanan yaꞌhuëhuachin, inari anoyachin.

1 Corintios 6:5 ပူးပေါင်းရင်းမြစ်များ

Hechos 1:15

Ina quëran naꞌa Quisoso imapisopita niyontonpi. Pasa cato shonca piyapiꞌsa pochin yaꞌhuëpi. Pitrori huancánachin huanirahuaton, itërin:

Hechos 9:13

Ananiasëso nipirinhuëꞌ co yapaꞌninhuëꞌ. “Ina quëmapisoꞌ Sinioro, paꞌpi co noyahuëꞌ, topi natantërahuë. Quirosarinquë quëma imarinënquënsopita chiníquën aparisitërin.

1 Corintios 11:14

Niꞌcoꞌ. Quëmapinpoaꞌ niyaꞌitërëhuaꞌ. Co ain aꞌpamacasoꞌ nohuantërëhuahuëꞌ.

1 Corintios 15:34

Noꞌtëquën yonquiatomaꞌ, noyasáchin nicoꞌ. Ama huachi tëhuëcosohuëꞌ. Aꞌnaquëmaꞌ co Yosë nohuichátëraramahuëꞌ. Ina yonquiatomaꞌ, tapanacamasoꞌ yaꞌhuërin, tënahuë.

1 Corintios 3:18

Ama inquëma tërantaꞌ isoroꞌparáchin yonquiatomaꞌ, ninonpintocosohuëꞌ. “Caora noya noya nitotërahuë,” co taꞌcasoꞌ yaꞌhuërinhuëꞌ. Ama ina pochin yonquicosohuëꞌ. “Caora co noꞌtëquën yonquirahuëꞌ. Catahuaco Sinioro noya yonquiꞌi,” topatamaꞌ, Yosë catahuarinquëmaꞌ noya noya yonquicasoꞌ.

1 Corintios 4:10

Quisocristo natëtoi, nanamën aꞌchinarai. Ina marëꞌ quiyasoꞌ tëhuarinacoi. Canpitaso nipirinhuëꞌ noya nitotonaꞌpiroꞌsa pochin nicatënënquëmaꞌ, co tëhuarinënquëmahuëꞌ. Quiyasoꞌ co chiníquën nanantëraihuëꞌ. Canpitaso nipirinhuëꞌ chiníquën nanantëramaꞌ. Piyapiꞌsaꞌ noya niꞌpirinënquëmahuëꞌ, quiyasoꞌ co noyahuëꞌ niꞌninacoi.

1 Corintios 4:14

Co noꞌhuiranquëmahuëꞌ. Nosororanquëmaꞌ. Co nohuantërahuëꞌ atapanaꞌhuanquëmasoꞌ. Pënënaꞌhuanquëmaso marëꞌ ninshitaranquëmaꞌ. Huiꞌnahuëpita pochin nicatënquëmaꞌ, napotaranquëmaꞌ noya yonquicamaso marëꞌ.

1 Corintios 6:1

Canpita capini nanan yaꞌhuëhuachin, ama ninoꞌhuicosohuëꞌ. Maꞌsha nionpotohuatamara, ¿onpoatomataꞌ coisëquë niquëparamaꞌ? Co inasoꞌ imarinhuëꞌ. Quisocristo imaramaꞌ niꞌton, niyontonpatamaꞌ, noꞌtëquën pënëncoꞌ nanan anoyachinaꞌ.

1 Corintios 6:4

Napoaton nanan yaꞌhuëhuachina, co coisëquë nishaꞌhuirapicamaso yaꞌhuërinhuëꞌ. Co inasoꞌ Yosë imanaꞌpihuëꞌ niꞌton, co canpoa pochin noꞌtëquën yonquirinhuëꞌ.

Santiago 1:5

“¿Maꞌcha ipora niiya?” topatamaꞌ, Yosë nontocoꞌ noya anitochinquëmaꞌ. Onpopiontaꞌ Yosë nontacasoꞌ yaꞌhuërin. Co nosororinpoasoꞌ apiratërinpoahuëꞌ. Inaora nohuanton, catahuarinpoaꞌ. Nontërëhuaso marëꞌ co noꞌhuirinpoahuëꞌ. Catahuarinpoaꞌ noꞌtëquën yonquicaso marëꞌ.