1 Corintios 4:4 - Chayahuita (Shahui)

⁴ Noya mini natërahuë, topirahuëꞌ, co casoꞌ Yosë pochin nitotërahuëꞌ. “Noyaco,” tënahuëso marëꞌ co Yosë noya niꞌsarincohuëꞌ. Inaíchin yaꞌipi nitotaton, noꞌtëquën shaꞌhuitarinpoaꞌ.

1 Corintios 4:4 ပူးပေါင်းရင်းမြစ်များ

Salmos 130:3

Quiyasoꞌ piyapicoi oshahuanpiraihuëꞌ, nontarainquën. Co noyahuëꞌ ninaisoꞌ yonquiráran naporini, co onporonta noya niꞌitoncoihuëꞌ.

Salmos 19:12

Co noyahuëꞌ nipatoira, co quiyaora nitotëraihuëꞌ. Tëhuëtatëinquën oshahuanpiraihuëꞌ, co nitotëraihuëꞌ. Ina marëꞌ anaꞌintancoiso nipirinhuëꞌ, nichaꞌëcoi.

Juan 21:17

Ina quëran naquëranchin itantarin: —Iya Simon, ¿tëhuënchachin nosororanco ti? itantarin. Cararoꞌ natanin niꞌton, Pitro sëtërin. —Yaꞌipi Sinioro nitotëran. Nosororanquën mini, ina nitotëran, itërin. —Imarinacosopitasoꞌ, ohuicaroꞌsa pochin nipi niꞌton, noya aꞌpaiquëꞌ.

Hechos 23:1

Paono yaꞌconahuaton, huaꞌanoꞌsaꞌ notëërahuaton, itapon: —Ipora iyaroꞌsaꞌ piꞌpian nonchinquëmaꞌ natanco. Huaꞌhuatapo quëran huarëꞌ noya ninahuë. Yosë niꞌsárinco, co mantaꞌ onporahuëꞌ, itërin.

Romanos 2:13

Cotioroꞌsasoꞌ Moisësë pënëntërinsoꞌ natanaponaraihuëꞌ, co natëtopihuëꞌ. Napoaton co Yosëri noya niꞌninhuëꞌ. Noꞌtëquën natëpi naporini, Yosëri noya niꞌitonhuëꞌ.

Romanos 4:2

Apraan inaora co nanitërinhuëꞌ noꞌtëquën Yosë natëcasoꞌ. Inaora nanitërin naporini, “Casoꞌ noyaco. Noꞌtëquën natërahuë,” chitonhuëꞌ. Napoaponahuëꞌ, co ina pochin Yosëri niꞌninhuëꞌ.

1 Corintios 4:3

Napoaton shaꞌhuirapihuatamaco, co ina yonquirahuëꞌ. Piyapi yonquirincosoꞌ co yonquirahuëꞌ. Co caora tërantaꞌ nishaꞌhuirapicaꞌhuasoꞌ yonquirahuëꞌ.

1 Corintios 4:5

Napoaton iporasoꞌ ama nishaꞌhuirapiahuasohuëꞌ. Aꞌna tahuëri Sinioro oꞌmantahuachin, yaꞌipi piyapinpoaꞌ tëniarinpoaꞌ. Yaꞌipi ninëhuasopita anitotarinpoaꞌ. Poꞌoana quëran ninëhuasopitantaꞌ aꞌninquëchin shaꞌhuitarinpoaꞌ. Yonquirëhuasopitantaꞌ nitotërin. Maꞌmarësona tërantaꞌ naporëhuasoꞌ anitotarinpoaꞌ. Naporoꞌ yaꞌipinpoaꞌ noꞌtëquën nontarinpoaꞌ. Noya nipatëhuaꞌ, noya niꞌsarinpoaꞌ.

2 Corintios 1:12

Yosë niꞌsárincoi niꞌton, noꞌtëquën shaꞌhuitarainquëmaꞌ. Co piꞌpian tërantaꞌ nonpintërainquëmahuëꞌ. Noyápiachin cancantatoi, yaꞌipi parti aꞌchinai. Co quiyaora yonquinëhuëi quëran aꞌchintërainquëmahuëꞌ. Yosë inaora nohuanton, catahuarincoi niꞌton, noya ninai. Ina marëꞌ noya cancantërai.

2 Corintios 5:10

Aꞌna tahuëri Quisocristo oꞌmantahuachin, yaꞌipinpoaꞌ coisë pochin shaꞌhuitarinpoaꞌ. Yaꞌipi ninëhuasopita yonquiaton, aꞌnaya aꞌnayanpoaꞌ noꞌtëquën nontarinpoaꞌ. Co noya nipatëhuahuëꞌ, co Yosëꞌpaꞌ acanaarinpoahuëꞌ. Noya nipatëhuaꞌ, acanaarinpoa huachi.