1 Corintios 4:3 - Chayahuita (Shahui)

³ Napoaton shaꞌhuirapihuatamaco, co ina yonquirahuëꞌ. Piyapi yonquirincosoꞌ co yonquirahuëꞌ. Co caora tërantaꞌ nishaꞌhuirapicaꞌhuasoꞌ yonquirahuëꞌ.

1 Corintios 4:3 ပူးပေါင်းရင်းမြစ်များ

Juan 7:24

Ama quënanamasoráchin yonquiatomaꞌ, shaꞌhuirapicosohuëꞌ. Yonquinënpoa quëran huarëꞌ Yosë niꞌsarinpoaꞌ. Ina nitotatomaꞌ, noꞌtëquën yonquicoꞌ, itërin Quisosori.

1 Corintios 2:15

Ispirito Santo catahuahuachinpoaꞌ, noꞌtëquën yonquiarihuaꞌ. Aꞌnapitasoꞌ co canpoa pochin yonquipihuëꞌ. Co nitotatonaraihuëꞌ: “¿Onpoatomataꞌ ina pochin yonquiramaꞌ?” itërinënpoaꞌ.

1 Corintios 3:13

Tachiton nininso quëran pëipatëra, noya ninin, co huiquitërinhuëꞌ. Nipirinhuëꞌ, nara, panpë, piquira inapita quëran pëipatëra, aꞌnaroáchin huiquitërin. Inapochachin ayaroꞌ tahuëri Yosë yaꞌipinpoaꞌ ninëhuasopita pën quëran tëniarin. Naporoꞌ yaꞌipi piyapiꞌsaꞌ nitotapi.

1 Corintios 4:2

Inpriatonpoꞌ nipatëra, huaꞌanënpoꞌ noꞌtëquën natëcasoꞌ yaꞌhuërin. Inapochachin Yosë huaꞌanëntërincoi niꞌton, inasáchin natëcasoꞌ yaꞌhuërin.

1 Corintios 4:4

Noya mini natërahuë, topirahuëꞌ, co casoꞌ Yosë pochin nitotërahuëꞌ. “Noyaco,” tënahuëso marëꞌ co Yosë noya niꞌsarincohuëꞌ. Inaíchin yaꞌipi nitotaton, noꞌtëquën shaꞌhuitarinpoaꞌ.

1 Samuel 16:7

Inariso napoaponahuëꞌ, itapon: “Noyapintërinsoꞌ, naporopitërinsoꞌ, ama inasáchin nicaton noya niꞌquësohuëꞌ. Carisoꞌ, co ina nohuantërahuëꞌ. Piyapinquëmasoꞌ, aipi yaꞌnorinsoráchin nicatoma noya niꞌnamaꞌ. Caso nipirinhuëꞌ, acopo cancanën quëran yonquirinso nitotërahuë. Insosona noya yonquihuachina, noya niꞌnahuë,” itërin. Napotërin niꞌton, Samoiroso co Iriapo huayoninsohuëꞌ, nitotërin.