1 Corintios 3:8 - Chayahuita (Shahui)

⁸ Shaꞌtërëso pochin carinquëmaꞌton aꞌchintëranquëmaꞌ. Aꞌnari iꞌshaquë oporapitërinso pochin Aporosëntaꞌ aꞌchintantarinquëmaꞌ. Catocoi chachin Yosë inpriatonën pochin ninai. Inpriatoroꞌsaꞌ sacatohuachinara, huaꞌanëni pahuërërin. Onpopinsona sacatohuachinara, noꞌtëquën pahuërërin. Inapochachin quiyasoꞌ Yosë marëꞌ sacatarai niꞌton, ina acanarincoi.

1 Corintios 3:8 ပူးပေါင်းရင်းမြစ်များ

Mateo 16:27

Yosë quëran quëmapico niꞌto, aꞌna tahuëri oꞌmantararahuë. Tatahuë huënaratërinso pochin cantaꞌ huënaratarahuë. Anquëniroꞌsapitarëꞌco oꞌmantararahuë. Naporoꞌ coisë pochin noꞌtëquën shaꞌhuitarahuë huachi. Noya nipachinaꞌ, noya acoarahuë. Co noyahuëꞌ nipachinaꞌ, anaꞌintarahuë huachi.

Lucas 19:19

‘Natëranco niꞌquëhuarëꞌ, quëmantaꞌ huaꞌan acoꞌinquën. Aꞌnatërápo ninanoroꞌsaꞌ huaꞌanëntaran,’ itërin.

Romanos 2:6

Yaꞌipi ninëhuasopita Yosë nitotërin. Ayaroꞌ tahuëri ina yonquiaton, noꞌtëquën shaꞌhuitarinpoaꞌ. Noya nipatëhuaꞌ, noya acoarinpoaꞌ. Coꞌsoꞌ noya nipatëhuahuëꞌ, anaꞌintarinpoaꞌ.

1 Corintios 15:58

Napoaton iyaroꞌsaꞌ chiníquën cancantocoꞌ. Nosororanquëmaꞌ niꞌton, pënënaranquëmaꞌ: Ama nisha nisha yonquicosohuëꞌ. Naporahuaton, paatomaꞌ aꞌnapita aꞌchintëraꞌpiacoꞌ. Sinioro catahuahuachinquëmaꞌ, co onporontaꞌ topinan quëran aꞌchinaramahuëꞌ. Aꞌchinpatamaꞌ, Yosëri nohuantërinsopita imasapi huachi.

1 Corintios 3:14

Noya nipatëhuaꞌ, tachiton quëran pëirinso pochin nisarëhuaꞌ. Inasoꞌ co huiquitërinhuëꞌ niꞌton, Yosë noya niꞌsarinpoaꞌ. Aꞌnapita catahuarëhuaꞌ noya imacaiso marëꞌ. Napoaton inápaquë acanaarinpoaꞌ.

1 Corintios 3:7

Napoaton co ca imamacosoꞌ yaꞌhuërinhuëꞌ. Aporosëntaꞌ co imacaisoꞌ yaꞌhuërinhuëꞌ. Yosë anoyacancantërinquëmaꞌ niꞌton, inasáchin yonquicamasoꞌ yaꞌhuërin.

1 Corintios 3:9

Quiyasoꞌ Yosë aꞌparincoi ina marëꞌ sacataꞌhuaisoꞌ. Canpitaso nipirinhuëꞌ Yosë shaꞌtërinso pochin ninamaꞌ. Naporahuaton, Quisocristo imaramaꞌ niꞌton, Yosë pëinën pochin ninamaꞌ.

1 Corintios 4:15

Notohuaroꞌ piyapiꞌsaꞌ Quisocristo nanamën aꞌchintopirinënquëmahuëꞌ, carimaꞌton pënënanquëmaꞌ niꞌton, imaramaꞌ. Quisocristo nanamën shaꞌhuitohuatënquëmara, natëramaꞌ. Napoaton tataparima pochin niꞌco.

1 Corintios 9:7

Niꞌcoꞌ, iyaroꞌsaꞌ. Sontaro yaꞌconpachinara, co cosharonën paꞌanacasoꞌ yaꞌhuërinhuëꞌ. Capacasoꞌ, aꞌmocasoꞌ, inapita topinan quëtopi. Inapochachin opa shaꞌpachina, huaꞌanëni inaora macaton, irorin. Co ina marëꞌ pahuërëtacasoꞌ yaꞌhuërinhuëꞌ. Ohuica pëꞌtahuanaꞌpintaꞌ nohuantohuachina, ohuica shoꞌshoiꞌ shiꞌshiaton, oꞌorin.

Gálatas 6:4

Ama aꞌnapita napopisoꞌ nicatomaꞌ, nitantiacosohuëꞌ. Quëmaora naporanso yonquiaton, nitantiaquëꞌ. Noya cancantohuatan, Yosë noya niꞌsarinquën. Ina quëran “Yosë noya niꞌsarinco,” taꞌton, capa cancantaran.

Gálatas 6:5

Aꞌnaya aꞌnayanpoaꞌ Yosë acorinpoaꞌ maꞌsona nicacasoꞌ. Canpoara pëꞌpëtonënpoaꞌ quëparëso pochin niahuaꞌ. Aꞌna tahuëri sacaiꞌ nipirinhuëꞌ ahuantatëhuaꞌ, imamiatahuaꞌ.

Hebreos 6:10

Yosë co topinan anaꞌintarinquëmahuëꞌ. Iráca noya ninamaꞌ. Imapisopita nosoroatomaꞌ, catahuaramaꞌ noya imacaso marëꞌ. Ipora huantaꞌ noya ninosoroaramaꞌ niꞌton, co Yosë naniantarinquëmahuëꞌ.

1 Pedro 5:4

Quisocristo imarëhuaꞌ niꞌton, yaꞌipinpoaꞌ huaꞌanëntërinpoaꞌ. Aꞌna tahuëri oꞌmantararin. Noya ansianoꞌsaꞌ nipatamaꞌ, naporoꞌ noya canaaramaꞌ. Isoroꞌpaquë canatohuachinara, yancotëꞌ huëron quëran nipisoꞌ quëtopirinahuëꞌ, inasoꞌ aꞌnaroáchin ahuirin. Inapaquëso nipirinhuëꞌ canahuatamaꞌ, yaꞌhuëtomiatarinquëmaꞌ. Noya noya yaꞌhuëcontaramaꞌ.

2 Juan 1:8

Niꞌcona nonpintochinënquëmaꞌ. Nani huaꞌqui Yosë imatomaꞌ, ina marëꞌ sacatopiramahuëꞌ. Inapita pochin cancantohuatamaꞌ, topinan quëran imapomaꞌ. Co Yosëꞌpaꞌ acanaarinquëmahuëꞌ. Nipirinhuëꞌ, yaꞌipi cancanëma quëran imapatamaꞌ, inatohuaꞌ Yosë noya noya nohuitatomaꞌ, yaꞌhuëmiataramaꞌ.

Apocalipsis 2:23

Sanapi imarinsopitasoꞌ co natërinacohuëꞌ niꞌton, ataꞌhuantarahuë. Ina nicatonaꞌ, yaꞌipi imarinacosopitantaꞌ yonquiapi. ‘Tëhuënchachin Sinioro nohuitërinpoaꞌ. Yonquirëhuasontaꞌ nitotërin. Co noyahuëꞌ nipatëhuaꞌ, noꞌtëquën anaꞌintarinpoaꞌ,’ tosapi.

Apocalipsis 22:12

Ina quëran Quisoso chachin itërinco: “Tëhuënchachin co huaꞌquiya quëranhuëꞌ oꞌmantararahuë. Oꞌmantahuato, yaꞌipiya noꞌtëquën iꞌhuërëtarahuë. Co noyahuëꞌ nipisopita anaꞌintarahuë. Noya nipisopitasoꞌ acanaarahuë.