1 Corintios 3:6 - Chayahuita (Shahui)

⁶ Niꞌcoꞌ. Iminpatëra, aꞌnasoꞌ shaꞌtërin. Ina quëran aꞌnantaꞌ pacarapiton, iꞌshaquë oporapitërin noya papotacaso marëꞌ. Nipirinhuëꞌ, Yosëriíchin apapotërin. Inapochachin carinquëmaꞌton aꞌchintëranquëmaꞌ. Ina quëran Aporosëntaꞌ aꞌchintantarinquëmaꞌ. Aꞌchintopirainquëmahuëꞌ, Yosësoꞌ anoyacancantërinquëmaꞌ.

1 Corintios 3:6 ပူးပေါင်းရင်းမြစ်များ

Salmos 127:1

Coꞌsoꞌ Sinioro pëicasoꞌ catahuahuachinpoahuëꞌ, topinan quëran pëinaꞌpiroꞌsa sacatopi. Coꞌsoꞌ Sinioro ninano aꞌpaihuachinhuëꞌ, topinan quëran aꞌpaitoroꞌsa aꞌpaitopi.

Isaías 61:11

Sharoꞌsa noꞌpaquë pichopitërin. Yanco namënën iꞌtorohuatëra, papoyantërin. Inapochachin Sinioronta noꞌtëquënáchin nininsoꞌ aꞌnoarin. Ina marëꞌ yaꞌipi nacionoꞌsaquë: “¡Ma noyacha Sinioroso paya!” taꞌtonaꞌ, cantaponaꞌ.

Hechos 11:18

Natanahuatonaꞌ, co huachi noꞌhuipihuëꞌ. —Tëhuënchachin Yosë nohuanton, nisha piyapiꞌsantaꞌ co noyahuëꞌ yonquipisopita naniantatonaꞌ, imasapi. Inari catahuarin niꞌton, nanpimiatapi. Ma noyacha Yosëso paya, itopi.

Hechos 16:14

Aꞌna sanapi inaquë Yosë chinotërin, Niria itopisoꞌ. Tiatira quëran huëꞌnin. Inasoꞌ tintahuan. Maꞌmaroꞌ nëꞌmëtëꞌ paꞌton nininsoꞌ paꞌanin. Inasoꞌ nisha piyapi niponahuëꞌ, Yosë chinotërin niꞌton, Paonori aꞌchintohuachina, nóya natanin. Yosë nohuanton, aꞌnaroáchin cancanën quëran huarëꞌ yaimarin.

Hechos 18:24

Naporoꞌ tahuëriꞌsaꞌ aꞌna cotio quëmapi Ipisoquë paꞌnin, Aporosë itopisoꞌ. Aricantriaquë nasitërin. Noyá nitotërin aꞌchinacasoꞌ. Yosë quiricanën iráca ninshitopisontaꞌ noya nitotërin.

Hechos 19:1

Aporosë Corintoquë yaꞌhuasoꞌ, Paono huancoro ira paꞌtahuaton, Ipisoquë canconin. Inaquë naꞌamiáchin imapisopita quënanconin.

Hechos 21:19

“Huëꞌcama, iyaroꞌsaꞌ,” itahuaton, Paonori itantapon: “Nani huaꞌquiꞌ Quisocristo nanamën aꞌchinahuë. Nisha piyapiꞌsaꞌ aꞌchintëraꞌpiarahuë. Yosë catahuarincoi niꞌton, noya natanatonaꞌ, naꞌa imasapi huachi,” itërin. Yaꞌipi aꞌchininsoꞌ shaꞌhuitërin.

Romanos 15:18

Quisocristo noya catahuahuachincora, nisha nisha piyapiꞌsaꞌ aꞌchintërahuë. Ina nohuanton, noya ninahuë niꞌton, natëpi. Co catahuarincohuëꞌ naporini, co imaitonahuëꞌ. Napoaton inasáchin shaꞌhuitaranquëmaꞌ.

1 Corintios 1:12

Nisha nisha nonamaꞌ: “Paono imarai,” tënamaꞌ aꞌnaquëmaꞌ. “Quiyasoꞌ Aporosë imarai,” tënamaꞌ aꞌnaquëmaꞌ. Aꞌnaquëmantaꞌ: “Pitro imarai,” tënamaꞌ. Aꞌnaquëmaso nipirinhuëꞌ: “Cristo imarai quiyasoꞌ,” tënamaꞌ.

1 Corintios 1:30

Yosë nohuanton, Quisocristo imarëhuaꞌ. Imapatëhuaꞌ, yaꞌcoancantërinpoaꞌ niꞌton, yonquínahuan pochin Yosë niꞌninpoaꞌ. Naporahuaton, catahuarinpoaꞌ noꞌtëquën yonquicasoꞌ. Oshanënpoaꞌ inquitohuachinpoaꞌ, noya huachi niꞌninpoaꞌ. Nasha cancan quëtërinpoaꞌ noya nicacaso marëꞌ. Quisocristo chachin nichaꞌërinpoaꞌ.

1 Corintios 3:22

Ina nohuanton, carinquëmaꞌ aꞌchintëranquëmaꞌ. Aporosë, Pitro, inapitantaꞌ Yosëri aꞌparin aꞌchintinquëmaso marëꞌ. Nani maꞌsha isoroꞌpaquë quëtërinpoaꞌ noya yaꞌhuëcaso marëꞌ. Anoyacancantërinpoaꞌ Yosë nohuitatëhuaꞌ noya noya nanpicaso marëꞌ. Chiminpatëhuaꞌ, yaꞌhuërinꞌpaꞌ noya noya yaꞌhuëcontarihuaꞌ. Ipora tahuëriꞌsaꞌ noya catahuarinpoaꞌ. Oꞌmantacasoꞌ tahuërintaꞌ co naniantarinpoahuëꞌ. Noyasáchin yonquirinpoaꞌ.

1 Corintios 3:7

Napoaton co ca imamacosoꞌ yaꞌhuërinhuëꞌ. Aporosëntaꞌ co imacaisoꞌ yaꞌhuërinhuëꞌ. Yosë anoyacancantërinquëmaꞌ niꞌton, inasáchin yonquicamasoꞌ yaꞌhuërin.

1 Corintios 9:1

Co inso piyapi tërantaꞌ camairincohuëꞌ. Quisocristo chachin acorinco nanamën aꞌchinaꞌhuaso marëꞌ. Inápaquë panantarinsoꞌ piquëran cari niꞌnahuë. Ina catahuarinco aꞌchinaꞌhuasoꞌ. Aꞌchintohuatënquëmara, canpitantaꞌ imaramaꞌ.

Efesios 3:17

Yaꞌipi cancanëna quëran natëtatonaꞌ, Quisocristoíchin yonquiꞌinaꞌ. ‘Cancanëhuëquë yaꞌhuërarin,’ taꞌtonaꞌ, noya noya nohuichinën. Catahuaquëꞌ noya nosoroꞌinën. Yaꞌipi piyapiꞌsantaꞌ nosoroꞌinaꞌ, Nara itëquën acopoꞌ paꞌpachina, co inpaninhuëꞌ. Inapochachin inapitantaꞌ ‘Quisocristo naꞌcon nosororincoiꞌ,’ taꞌtonaꞌ, aꞌnapitantaꞌ nosoroꞌinaꞌ. Noya ninosorohuachinaꞌ, Ispirito Santori catahuararin chiníquën cancantacaisoꞌ.

1 Tesalonicenses 1:5

Quisocristo nanamën aꞌchintohuatëinquëmara, co topinan quëran aꞌchintërainquëmahuëꞌ. Ispirito Santo chachin catahuarincoi aꞌchinaꞌhuaisoꞌ. Canpitantaꞌ catahuarinquëmaꞌ noya natanacamaso marëꞌ. “Noꞌtëquën nontërinpoaꞌ,” taꞌtomaꞌ, yaꞌipi cancanëma quëran natëramaꞌ. Ina nicatoi: “Tëhuënchachin Yosëri huëntonënquë ayaꞌconin,” tënai. Canpitataquë yaꞌhuapoi, noya imarai canpitantaꞌ noya imacamaso marëꞌ.