1 Corintios 3:15 - Chayahuita (Shahui)

¹⁵ Aꞌnaquënso nipirinhuëꞌ Yosë imaponaraihuëꞌ, co yaꞌipi cancanëna quëran imapihuëꞌ. Co aꞌnapita catahuapihuëꞌ noya imacaiso marëꞌ. Napoaton pëiꞌ huiquitërinso pochin nisapi. Yosëꞌpaꞌ paponaraihuëꞌ, co ina marëꞌ sacatopihuëꞌ niꞌton, inápaquë co mantaꞌ canaapihuëꞌ.

1 Corintios 3:15 ပူးပေါင်းရင်းမြစ်များ

Salmos 66:10

Napoaton ina nontato: “Quëmasoꞌ Yosënëhuëinquën. Prata asoquirëso pochin tënirancoi.

Salmos 66:12

Tananpitërancoi niꞌton, apinapicharoꞌsanta toꞌpi toꞌpitatë pochin nitërinacoi. Pancaiꞌ apëntontërëso pochin nitatoncoi, aparisitërancoi. Naporahuaton pënquë poꞌmorëso pochin maꞌsha onpotërancoi. Napoaponahuëꞌ, napoin quëran noya noya acoantarancoi.

Amós 4:11

Naquëranchin Sinioro taantarin: “Sotoma, Comora, inapita ninanoroꞌsaꞌ, huëhuëpiro nitato iráca ataꞌhuantërahuë. Inapochachin canpitantaꞌ, naꞌaquëma ataꞌhuantëranquëmaꞌ. Ina quëran chaꞌëramasopitasoꞌ, pënaya pën quëran ocoipiso pochin ninamaꞌ. Inapoápomarahuëꞌ, co tahuërëtëramacohuëꞌ. Ca Sinioroco noꞌtëquën shaꞌhuitaranquëmaꞌ,” tënin.

Hechos 27:21

Nani huaꞌquiꞌ co coshatëraihuëꞌ. Chiníquën ihuan manincoi niꞌton, co nanitëraihuëꞌ. Co huachi chiniraihuëꞌ. Paonosoꞌ huancánachin huanirahuaton, itapon: —Natanco iyaroꞌsaꞌ noꞌtëquën shaꞌhuichinquëmaꞌ. Niꞌcoꞌ. Critaquë quëparitacaso marëꞌ shaꞌhuitopiranquëmahuëꞌ, co natëramacohuëꞌ niꞌton, huëꞌnëhuaꞌ. Co huëꞌnëhuahuëꞌ naporini, co maꞌsha onpoꞌitërihuahuëꞌ. Co maꞌsha ayaꞌitonhuëꞌ.

Hechos 27:44

Ina quëran aꞌnaquëmantaꞌ nontëꞌ sëꞌquërahuatomaꞌ, yonsaiquë pacoꞌ. Capa nontëꞌ nipachin, nancha maꞌshanënpitaquë tërantaꞌ sëꞌquërahuatomaꞌ, paco huachi,” itërin capitani. Naporahuatoi, chaꞌërai. Yaꞌipicoi yonsaiquë canconai.

1 Pedro 4:18

Yosë quiricanënquë shaꞌhuitërinpoaꞌ: “Noya piyapiꞌsantaꞌ parisi quëran chaꞌësapi. ¡Oshahuanoꞌsaso nipirinhuëꞌ co onporontaꞌ chaꞌësapihuëꞌ! Yaꞌipi co noyahuëꞌ nipisopita chiníquën parisitomiatapi,” tënin.

2 Juan 1:8

Niꞌcona nonpintochinënquëmaꞌ. Nani huaꞌqui Yosë imatomaꞌ, ina marëꞌ sacatopiramahuëꞌ. Inapita pochin cancantohuatamaꞌ, topinan quëran imapomaꞌ. Co Yosëꞌpaꞌ acanaarinquëmahuëꞌ. Nipirinhuëꞌ, yaꞌipi cancanëma quëran imapatamaꞌ, inatohuaꞌ Yosë noya noya nohuitatomaꞌ, yaꞌhuëmiataramaꞌ.

Judas 1:23

Niꞌcoꞌ iyaroꞌsaꞌ. Maꞌsha pënquë anotohuachina, aꞌnaroáchin manëꞌ ama huiquitacaso marëhuëꞌ. Inapochachin piyapiꞌsaꞌ naꞌcon pënëncoꞌ ama parisitopiquë paacaiso marëhuëꞌ. Aꞌnaquënso nipirinhuëꞌ nonpin nanan paꞌyatatonaꞌ, co noyahuëꞌ nipi. Inapitantaꞌ nosoroatomaꞌ, pënëncoꞌ. Nipirinhuëꞌ, ama piꞌpian tërantaꞌ inapita pochin cancantocosohuëꞌ. Napopisoꞌ ama yonquicosohuëꞌ. Niꞌcona sopai minsëchinquëmaꞌ canpitantaꞌ.

Apocalipsis 3:18

Napoaton pënënanquëmaꞌ. Chiníquën nontoco catahuainquëmaꞌ. Niꞌcoꞌ. Oro aꞌpëhuatëra, yaꞌipi nëꞌhuë inquirin. Orosachin quëparitërin, noyasáchin nininsoꞌ. Inapochachin canpitantaꞌ nontoco catahuainquëmaꞌ noya yonquicamaso marëꞌ. Naꞌcon pahuantarinquëmaꞌ Yosë pochin nicacamasoꞌ. Casáchin yonquico Yosë noya niꞌinquëmaꞌ. Yonquihuatamaco, huiríchin aꞌmorëso pochin noya nisaramaꞌ. Somaraya pochin cancantëramaꞌ niꞌton, co tëhuënchachin nohuitëramacohuëꞌ. Nimirioquë acorayatërëso pochin anoyacancanchinquëmaꞌ cancanëma quëran nohuitamacoso marëꞌ.