1 Corintios 3:14 - Chayahuita (Shahui)

¹⁴ Noya nipatëhuaꞌ, tachiton quëran pëirinso pochin nisarëhuaꞌ. Inasoꞌ co huiquitërinhuëꞌ niꞌton, Yosë noya niꞌsarinpoaꞌ. Aꞌnapita catahuarëhuaꞌ noya imacaiso marëꞌ. Napoaton inápaquë acanaarinpoaꞌ.

1 Corintios 3:14 ပူးပေါင်းရင်းမြစ်များ

1 Corintios 3:8

Shaꞌtërëso pochin carinquëmaꞌton aꞌchintëranquëmaꞌ. Aꞌnari iꞌshaquë oporapitërinso pochin Aporosëntaꞌ aꞌchintantarinquëmaꞌ. Catocoi chachin Yosë inpriatonën pochin ninai. Inpriatoroꞌsaꞌ sacatohuachinara, huaꞌanëni pahuërërin. Onpopinsona sacatohuachinara, noꞌtëquën pahuërërin. Inapochachin quiyasoꞌ Yosë marëꞌ sacatarai niꞌton, ina acanarincoi.

1 Corintios 4:5

Napoaton iporasoꞌ ama nishaꞌhuirapiahuasohuëꞌ. Aꞌna tahuëri Sinioro oꞌmantahuachin, yaꞌipi piyapinpoaꞌ tëniarinpoaꞌ. Yaꞌipi ninëhuasopita anitotarinpoaꞌ. Poꞌoana quëran ninëhuasopitantaꞌ aꞌninquëchin shaꞌhuitarinpoaꞌ. Yonquirëhuasopitantaꞌ nitotërin. Maꞌmarësona tërantaꞌ naporëhuasoꞌ anitotarinpoaꞌ. Naporoꞌ yaꞌipinpoaꞌ noꞌtëquën nontarinpoaꞌ. Noya nipatëhuaꞌ, noya niꞌsarinpoaꞌ.

1 Corintios 9:17

Caora nohuanto, aꞌchinahuë naporini, ina marëꞌ canaitohuëꞌ. Nipirinhuëꞌ, ina shaꞌhuitërinco niꞌton, aꞌchinaꞌhuasoꞌ yaꞌhuërin.

Gálatas 6:4

Ama aꞌnapita napopisoꞌ nicatomaꞌ, nitantiacosohuëꞌ. Quëmaora naporanso yonquiaton, nitantiaquëꞌ. Noya cancantohuatan, Yosë noya niꞌsarinquën. Ina quëran “Yosë noya niꞌsarinco,” taꞌton, capa cancantaran.

1 Tesalonicenses 2:19

Naꞌcon yonquiatëinquëmaꞌ, nóya cancantërai. ¿Maꞌmarë chachintaꞌ ina pochin cancantërai? Imaramaꞌ niꞌton, Yosë yaꞌhuërinꞌpaꞌ canpitantaꞌ paꞌsaramaꞌ, tënai. Aꞌna tahuëri Sinioro Quisocristo oꞌmantararin. Naporoꞌ: “Quiyari aꞌchintërai niꞌton, imapi,” taꞌtoi, noya cancantarai.

2 Timoteo 4:7

Iráca Yosë shaꞌhuitërinco aꞌnapita aꞌchintaꞌhuasoꞌ. Nani tiquirahuë. Chiníquën sacatërahuë pochin Quisocristo nóya natërahuë. Co piꞌpian tërantaꞌ aꞌporahuëꞌ.

1 Pedro 5:1

Yaꞌipi ansianoꞌsanquëmantaꞌ pënënanquëmaꞌ. Cantaꞌ ansianoco niꞌto, achinicancainquëmaꞌ, tënahuë. Quisocristo isoroꞌpaquë nipon, nohuitërahuë. Corosëquë parisitohuachina, cari niꞌnahuë niꞌton, shaꞌhuirárahuë. Oꞌmantahuachin, canpoantaꞌ inarëꞌquënpoaꞌ huaꞌanëntarihuaꞌ. Napoaton iporasoꞌ pënënaranquëmaꞌ noya nicacamaso marëꞌ.

1 Pedro 5:4

Quisocristo imarëhuaꞌ niꞌton, yaꞌipinpoaꞌ huaꞌanëntërinpoaꞌ. Aꞌna tahuëri oꞌmantararin. Noya ansianoꞌsaꞌ nipatamaꞌ, naporoꞌ noya canaaramaꞌ. Isoroꞌpaquë canatohuachinara, yancotëꞌ huëron quëran nipisoꞌ quëtopirinahuëꞌ, inasoꞌ aꞌnaroáchin ahuirin. Inapaquëso nipirinhuëꞌ canahuatamaꞌ, yaꞌhuëtomiatarinquëmaꞌ. Noya noya yaꞌhuëcontaramaꞌ.