1 Corintios 3:11 - Chayahuita (Shahui)

¹¹ Quisocristosoꞌ ina siminto pochin ninin. Yosë nohuanton, yaꞌhuërin. Co aꞌna yaꞌhuërinhuëꞌ. Co ina imapatëhuahuëꞌ, co onporontaꞌ Yosë nohuitarihuahuëꞌ.

1 Corintios 3:11 ပူးပေါင်းရင်းမြစ်များ

Isaías 28:16

Napoaton Sinioro naporin: “Niꞌquëꞌ. Sionquë aꞌnara naꞌpi acoarahuë. Noyá huayonpinan nisahuaton, paꞌpi paꞌton. Inari pëi achiniarin. Ina, pëi simintonën pochin nisarin. Insosona natëhuachinco, co tëꞌhuarëꞌna yaꞌhuëaponhuëꞌ.

Mateo 16:18

nasha nininën acochinquën. Pitro itaranquën. Ca nohuanto, naꞌpitëquë noya pëipiso pochin naꞌa piyapiꞌsaꞌ aꞌchintaran imainacoso marëꞌ. Aꞌchintohuatan, huëntonëhuëquë ayaꞌconarahuë. Oshaquëran naꞌasarama huachi. Co chimirin tërantaꞌ minsëarinquëmahuëꞌ.

1 Corintios 3:10

Natëricho quëran yapëihuatëra, acopoꞌ ihuatahuatëꞌ, siminto acorëꞌ. Inaꞌton acorëso pochin carinquëmaꞌton aꞌchintëranquëmaꞌ. Yosë catahuarinco noꞌtëquën aꞌchinaꞌhuasoꞌ. Ina quëran aꞌnapitantaꞌ aꞌchintantarinënquëmaꞌ. Napoaponahuëꞌ, aꞌnaya aꞌnaya noya yonquiaton pëirinso pochin aꞌnapita noya aꞌchintacasoꞌ yaꞌhuërin.

1 Corintios 3:12

Siminto nani acohuachina, nisha nisha quëran pëipi. Aꞌnaquën oro, prata, inapita quëran pëipi. Nisha nisha naꞌpiroꞌsaꞌ paꞌton nininsopita quëran pëipi. Aꞌnaquënso nipirinhuëꞌ nara, panpë, piquira, inapita quëran pëipi.

Efesios 2:20

Yaꞌipi imarëhuasopita ina naponpoa chachin aꞌna pëi pochin ninëhuaꞌ, naꞌpi quëran nipisoꞌ. Naꞌpi quëran yapëihuatëra, acopoꞌ ihuatahuatëꞌ, simintoꞌton acorëꞌ. Inapochachin canpoantaꞌ Yosë pëinën pochin ninëhuaꞌ. Siminto acopiso pochin, caꞌtanoꞌsaꞌton nanamën aꞌchintërinënpoaꞌ. Ina quëran pënëntonaꞌpiroꞌsantaꞌ noꞌtëquën aꞌchinaꞌpiapi. Naꞌpi quëran yapëihuatëra, pëiꞌ taconorinquë naꞌpi noya noya nininsoꞌ acorëꞌ tantiacaso marëꞌ. Ina acohuatëra, aꞌnapita naꞌpiroꞌsaꞌ noꞌtëquën apanshinëꞌ. Naꞌpi noya noya nininso pochachin Quisocristosoꞌ achinirinpoaꞌ.

2 Timoteo 2:19

Yosë nanamënso nipirinhuëꞌ yaꞌhuárin, Yosë chachin acorinsoꞌ. Natëricho pëiꞌ achinirinsoꞌ pochin niꞌton, yaꞌhuëmiatarin. Cato quëran chachin ninshitopi. “Yaꞌipi imapisopita Yosëri nohuitërin,” tënin. “Quisocristo imapisopita nóya cancanchinaꞌ. Yaꞌipi co noyahuëꞌ yonquipisopita nanianchinaꞌ,” tënin antaꞌ.

1 Pedro 2:4

Naꞌpi quëran yapëihuatëra, aꞌna naꞌpisoꞌ naꞌcon naꞌcon nohuantërëꞌ pëiꞌ achinicaso marëꞌ. Quisocristo ina naꞌpi pochin ninin. Piyapiꞌsari co nohuantopirinahuëꞌ, Yosërisoꞌ nóya nicaton, naꞌcon nohuantërin. Apira apira Quisocristo yonquicoꞌ. Inasoꞌ nanpimiatarin.