1 Corintios 2:1 - Chayahuita (Shahui)

¹ Canpitataquë paꞌpatëra, Yosë nanamën aꞌchintëranquëmaꞌ. Co iyaroꞌsaꞌ míso nonaꞌpi pochin nontëranquëmahuëꞌ. Co naꞌcon naꞌcon nitotërinso pochin aꞌchintëranquëmahuëꞌ.

1 Corintios 2:1 ပူးပေါင်းရင်းမြစ်များ

Éxodo 4:10

Yaꞌipi inapita Yosëri shaꞌhuitopirinhuëꞌ, Moisësësoꞌ: —¡Maꞌcha Sinioro napotaranquën paya! Co caso noya nonaꞌpicohuëꞌ. Icotëmiachinco. Napoaton co insonta yanatërincohuëꞌ. Huaꞌhuatapo quëran huarëꞌ inaporahuë, taantarin.

Hechos 20:21

Co cotioroꞌsaráchin pënënahuëꞌ. Cricoroꞌsantaꞌ pënënahuë. ‘Co noyahuëꞌ yonquiramasopita naniantatomaꞌ, Yosë chachin tahuërëtantacoꞌ. Sinioro Quisoso natëco huachi. Inasáchin anoyacancantërinpoasoꞌ,’ itëranquëmaꞌ. Yaꞌipinquëmaꞌ aꞌchintëranquëmaꞌ.

Hechos 22:18

Quisoso nontaantarinco. ‘Manorahuaton, Quirosarin quëran pipiquëꞌ. Ca nanamëhuë shaꞌhuihuatan, co natëarinënquënhuëꞌ,’ itërinco.

Romanos 16:18

Quisocristosoꞌ huaꞌanënpoaꞌ nipirinhuëꞌ, co inapitarisoꞌ natëpihuëꞌ. Inahuara nohuantopisoráchin yonquipi. Noyasha nonaponaraihuëꞌ, co noꞌtëquën nonpihuëꞌ. Co noya nitotopiquëhuëꞌ aꞌchintohuachinara, aꞌnaroáchin nonpintopi.

Romanos 16:25

Nani tahuëriya Yosë chinotahuaꞌ. Yaꞌipi nanitaparin. Ina achinicancaninquëmaꞌ imamiatacamaso marëꞌ. Nanamën tëninso pochachin catahuarinquëmaꞌ. Ina nanan chachin aꞌchintëranquëmaꞌ. Quisocristo nanamën inasoꞌ. Iráca quëran huarëꞌ co nanamën nitotopirinahuëꞌ, iporasoꞌ Yosë anitotërinpoaꞌ.

1 Corintios 1:17

Nanamën aꞌchinaꞌhuaso marëꞌ Quisocristo acorinco. Co aporintaꞌhuaso marëꞌ acorincohuëꞌ. Aꞌchintohuatënquëmara, co naꞌcon nitotoroꞌsa pochin nontëranquëmahuëꞌ. Quisocristo corosëquë chiminin oshanënpoaꞌ inquitinpoaso marëꞌ, tënahuë. Inaíchin nanitaparin nichaꞌëinpoasoꞌ. Napoaton inasáchin aꞌchinahuë. Nisha nisha aꞌchinahuë naporini, Quisocristo nanianchitomahuëꞌ. Inaíchin yonquihuatëhuaꞌ, tëhuënchachin anoyacancantërinpoaꞌ.

1 Corintios 1:6

Quisocristo nanamën aꞌchintohuatënquëmaꞌ, Yosë catahuarinquëmaꞌ natëcamaso marëꞌ. “Noꞌtëquën shaꞌhuitërinpoaꞌ,” taꞌtomaꞌ, natëramaꞌ.

1 Corintios 2:13

Quiyantaꞌ ina nitotatoi, aꞌnapita aꞌchintarai. Co quiyaora yonquinëhuëi quëran aꞌchinaihuëꞌ. Ispirito Santo ayonquirincoi noya aꞌchinaꞌhuaiso marëꞌ. Chinoton pochin cancantopisopita aꞌchintohuatoira, maꞌsona tapon naporinsopita aꞌchintarai.

1 Corintios 2:4

Co naꞌcon nitotonaꞌpi pochin nontëranquëmahuëꞌ. Ispirito Santo chachin catahuarinco nanamën nóya aꞌchinaꞌhuaso marëꞌ. Inasoꞌ yaꞌipi nanitaparin. Natanpatamaꞌ, “Yosë nanamën chachin aꞌchintërinpoaꞌ,” taꞌtomaꞌ, natëramaꞌ.

1 Corintios 2:7

Co inapita pochin aꞌchinaihuëꞌ. Yosë yonquirinso chachin aꞌchinai. Iráca coꞌhuara isoroꞌpaꞌ yaꞌhuëyátërasohuëꞌ, Yosë ninotonpoaꞌ, yonquirinpoaꞌ anoyacancantinpoaso marëꞌ. Anoyacancantohuachinpoaꞌ, inarëꞌquënpoaꞌ yaꞌhuëmiatarihuaꞌ. Iráca co insontaꞌ nitotopirinahuëꞌ, iporaso huachi Yosë anitotërinpoaꞌ niꞌton, aꞌchintërainquëmaꞌ.

2 Corintios 10:10

Aꞌnaquën itërinënquëmaꞌ: “Paono naꞌcon ninshitatonpoaꞌ, chiníquën pënënpirinpoahuëꞌ. Huëꞌpachinasoꞌ, co chiníquën nanantonaꞌpi pochin nontërinpoahuëꞌ. Sanoanayan quëran aꞌchintërinpoaꞌ niꞌton, co chiníquën nanantërinhuëꞌ,” toconpi.

2 Corintios 11:6

Co míso nonaꞌpicohuëꞌ niporahuëꞌ, noya noya nitotërahuë. Yaꞌipi noꞌtëquën aꞌchintëranquëmasoꞌ nani nitotëramaꞌ. Nani maꞌsha ninahuësontaꞌ nani niꞌnamaꞌ.

2 Tesalonicenses 1:10

Oꞌmantahuachin, imarëhuasopitasoꞌ quënanarihuaꞌ. “Ma noyacha Quisocristoso paya. Anoyacancantërinpoaꞌ. Inasáchin yaꞌipiya chinochinaꞌ,” tosarëhuaꞌ. Yaꞌipi imarëhuasopita napoarëhuaꞌ. Aꞌchintohuatëinquëmara, canpitantaꞌ natëramaꞌ niꞌton, noya niꞌsaramaꞌ.

1 Timoteo 1:11

Yosë nanamënsoꞌ noya nóya. Ina quëran nichaꞌërinpoaꞌ. “Ma noyacha Yosëso paya,” itërëhuaꞌ. Ina chachin acorinco nanamën shaꞌhuicaꞌhuaso marëꞌ.

2 Timoteo 1:8

Ama tapanatonhuëꞌ, Sinioro nanamën aꞌchináquëꞌ. Ina aꞌchinahuëso marëꞌ tashinan pëiquë poꞌmorinaco. Ama ina marëntaꞌ tapanquësohuëꞌ. Quëmantaꞌ aꞌchinanso marëꞌ aparisitohuachinënquën, chiníquën cancantëquëꞌ. Napohuatan, Yosë catahuarinquën noya ahuantamasoꞌ.

1 Juan 4:14

Tata Yosëri huiꞌnin isoroꞌpaquë aꞌpaimarin nichaꞌëinpoaso marëꞌ. Quiyarisoꞌ niꞌnai. Nani tahuëri piyapiꞌsaꞌ shaꞌhuitárai.

Apocalipsis 1:2

Aꞌnotohuachincora, niꞌnahuë. Ina nicato, noꞌtëquën ninshitaranquëmaꞌ. Quisocristo chachin Yosë nanamën anitotërinco.

Apocalipsis 1:9

Ca Coanshaco ninshitaranquëmaꞌ. Canpitaroꞌco chachin imarahuë. Ina marëꞌ parisitopirëhuahuëꞌ, huaꞌanëntërinquë ayaꞌconinpoaꞌ. Quisocristo chachin catahuahuachinpoaꞌ, noya ahuantarëhuaꞌ. Yosë nanamën aꞌchinahuëso marëꞌ aparisitërinaco. Quisocristo imarahuë niꞌton, aꞌna soꞌtonꞌpaꞌ aꞌparinaco, Patomosë itopiquë.

Apocalipsis 19:10

Naporoꞌ isonahuato, yachinotopirahuëꞌ. “Ama chinotocosohuëꞌ. Casoꞌ anquënico. Co Yosëcohuëꞌ. Canpita pochachin cantaꞌ Yosë natërahuë. Quisoso nanamën imaramaꞌ niꞌton, Yosëíchin yonquiquëꞌ,” itërinco. Quisoso nanamënáchin aꞌchinpatëhuaꞌ, noꞌtëquën pënëntarëhuaꞌ.