1 Corintios 16:9 - Chayahuita (Shahui)

⁹ Yosë nohuanton, naꞌa piyapiꞌsaꞌ isëquë yaimapi niꞌton, aꞌchintárahuë. Aꞌnaquënsoꞌ noꞌhuipirinacohuëꞌ, pënëntárahuë. Naꞌamiachin imasapi.

1 Corintios 16:9 ပူးပေါင်းရင်းမြစ်များ

1 Corintios 15:32

Ipisoquë aꞌchinahuëso marëꞌ chiníquën noꞌhuirinaco. Niꞌni pochin cancantatonaꞌ, yatëparinaco. Ahuantaporahuëꞌ, ¿maꞌtaꞌ ina marëꞌ canarahuë? Isoroꞌpaquëráchin yaꞌhuërëhuaꞌ naporini, co mantaꞌ canaitërihuahuëꞌ. Co nanpiantacasoꞌ yaꞌhuërinhuëꞌ naporini, co Yosë yonquicasoꞌ yaꞌhuëꞌitonhuëꞌ. “¡Huëcoꞌ coshatahuaꞌ. Huëcoꞌ oꞌoahuaꞌ. Co huaꞌquiya quëranhuëꞌ chiminarihuaꞌ niꞌton, capa cancantahuaꞌ!” topiso pochin nichitërihuahuëꞌ.

2 Corintios 1:6

Canpitantaꞌ Yosë nohuitacamaso marëꞌ aꞌchintërainquëmaꞌ. Ina marëꞌ aparisitërinacoi. Parisitapiraihuëꞌ, Yosë achinicancanincoi ahuantaꞌhuaiso marëꞌ. Yosë catahuarinquëmaꞌ canpitantaꞌ, tënai. Parisitopiramahuëꞌ achinicancanarinquëmaꞌ quiya pochachin ahuantamaso marëꞌ.

2 Corintios 2:12

Iꞌhua Troasëquë paꞌnahuë Quisocristo nanamën aꞌchinaꞌhuaso marëꞌ. Yosë nohuanton, naꞌa piyapiꞌsaꞌ nohuantopi niꞌton, aꞌchintërahuë.

Filipenses 3:18

Aꞌnaquënso nipirinhuëꞌ “Yosë imarahuë,” taponaraihuëꞌ, co noyahuëꞌ cancantopi. Quisocristo oshanënpoaꞌ inquitinpoaso marëꞌ corosëquë chiminin. Nipirinhuëꞌ, co inapitasoꞌ ina yonquipihuëꞌ. Ina nanan aꞌchinpatora, noꞌhuitopi. Iporantaꞌ inapita yonquiato, chiníquën sëtato, naꞌnërahuë. Co inapita nonanacasoꞌ yaꞌhuërinhuëꞌ.

Colosenses 4:3

Quiya marëntaꞌ Yosë nontocoꞌ. Paꞌsápato, Quisocristo nanamën aꞌchinpirahuëꞌ. Ina marëꞌ tashinan pëiquë poꞌmorinaco. Naꞌa piyapiꞌsaꞌ co nanamën nitochátërapihuëꞌ. Inahuantaꞌ nitochinaꞌ. Napoaton Yosë nontohuatamaꞌ, quiya marëntaꞌ nontocoꞌ catahuaincoi aꞌchintohuatoira, Yosë nanamën nohuanchinaꞌ.

Santiago 5:16

Napoaton maꞌsona tërantaꞌ co noyahuëꞌ nipatëhuaꞌ, imarëhuasopita capini nishaꞌhuitahuaꞌ. “Ina marëꞌ casoꞌ oshahuanahuë,” nitahuaꞌ. Itohuaran capini Yosë nontahuaꞌ anoyachinpoaꞌ. Yaꞌipi co noyahuëꞌ yonquirëhuasopita naniantohuatëhuaꞌ, chiníquën ina nontohuatëhuaꞌ, naꞌcon catahuarinpoaꞌ.