1 Corintios 16:7 - Chayahuita (Shahui)

⁷ Co topinan niraponquëmahuëꞌ. Aꞌna tahuëri Yosë nohuantohuachin, huaꞌquiꞌ yacaparanquëmaꞌ.

1 Corintios 16:7 ပူးပေါင်းရင်းမြစ်များ

Mateo 3:15

Napotopirinhuëꞌ, Quisosori itërin: —Yosë nohuantërin niꞌton, yaꞌipi natëcaꞌhuasoꞌ yaꞌhuërin. Napoaton noya quëma aporintoco, itërin. Ina natanahuaton: —Noyahuaꞌ, itahuaton, iꞌquë aporintërin.

Hechos 18:21

“Aꞌna tahuëri Yosë nohuantohuachin, huëantarahuë,” tënin. Ina quëran nanchaquë yaꞌcoantarahuaton, paantarin.

Romanos 1:10

Yosë nontarahuë. “Noya catahuaquëꞌ,” itërahuë. Iráca quëran huarëꞌ nicapënquëmaꞌ yapaꞌpirahuëꞌ, co nanitërahuëꞌ. Ipora huantaꞌ pacaꞌhuasoꞌ yonquiarahuë. “Quëma nohuantohuatan, Sinioro, catahuaco onpopiontaꞌ paꞌi,” tënahuë, Yosë nontato.

1 Corintios 4:19

Tëhuënchachin nicaponquëmaꞌ yapaꞌsarahuë. Yosë nohuanton, co huaꞌquiya quëranhuëꞌ paꞌsarahuë. Naporoꞌ nocaninacosopita niꞌsarahuë. Naꞌcon nonpirinahuëꞌ, co nimara nanitapapihuëꞌ Yosë marëꞌ noya sacatacaisoꞌ.

2 Corintios 1:15

“Noya niꞌsarinaco,” taꞌto, iꞌhua nicaponquëmaꞌ yapaꞌpirahuëꞌ. Masitonia parti paꞌpato, niraꞌinquëmaꞌ. Ina quëran oꞌmantahuato, nirimantaꞌinquëmaꞌ, topirahuëꞌ. Inaporahuë naporini, canpita catahuaitomacohuëꞌ Cotia parti pacaꞌhuasoꞌ. Catoroꞌ niꞌnanquëmaꞌ naporini, noya noya cancanchitomahuëꞌ, tënahuë yonquiato. Napopirahuëꞌ, co paꞌnahuëꞌ.

Santiago 4:15

“Yosë nohuantohuachin nanpihuatoi, maꞌsha nisarai,” taꞌcaso nipirinhuëꞌ.