1 Corintios 16:2 - Chayahuita (Shahui)

² Nani Tomio tahuëri niyontonpatamaꞌ, coriqui acocoꞌ. Nanitëramasoꞌ acocoꞌ. Naꞌcon canahuatamaꞌ, naꞌcon quëtocoꞌ. Piꞌpian canahuatamaꞌ, piꞌpian quëtocoꞌ. Nani simana inapohuatamaꞌ, nicaponquëmaꞌ paꞌpato, coriqui yontonamasoꞌ quënanconarahuë.

1 Corintios 16:2 ပူးပေါင်းရင်းမြစ်များ

Génesis 26:12

Ina piꞌiquë Isaco inaquë iminapatërin. Shaꞌtohuachina, Yosëri catahuarin niꞌton, paꞌpi notohuaroꞌ nitërinsoꞌ manin.

Génesis 30:27

Napotopirinhuëꞌ, Napanorisoꞌ itapon: —Ama napoquësohuë api. Quëma yacaparanco niꞌton, Sinioro catahuarinco. Aniꞌtato, ina nitotërahuë. Napoaton quëparitëquë tënahuë.

Génesis 30:30

Coꞌhuara huëꞌshátërapohuëꞌ, caraíchin yaꞌhuëtërinquën. Iporaso nipirinhuëꞌ, paꞌpi notohuaroꞌ naꞌamiatërin. Huëꞌnahuë quëran huarëꞌ Sinioro catahuarinquën. Iporaso huachi cantaꞌ, caora marëꞌ sacataꞌhuasoꞌ nanirin huachi, itërin.

Génesis 32:10

Tëhuënchachin co noyacohuëꞌ niꞌto, co nosoroancosoꞌ yaꞌhuërinhuëꞌ. Co noꞌtëquënáchin catahuaancoso yaꞌhuëpirinhuëꞌ. Iráca yaꞌhuërahuë quëran pipipo, Cortaniiquë pëntoitërahuë. Naporoꞌ co maꞌsha tëranta quëparahuë. Pitananëhuëroꞌcoáchin paꞌnahuë. Napopirahuëꞌ, iporasoꞌ cato huënton pochin huaꞌanëntërahuë.

Génesis 33:11

Yosë nohuanton maꞌhuanahuë, co manta pahuantërincohuëꞌ. Napoaton, quëshiranquënsopita, onpopionta maquëꞌ, itërin. Napotápaton Isao anohuantërin. Yaꞌipi aꞌpatërinsopita manin huachi.

Marcos 14:8

Iso sanapisoꞌ cancanën quëran noya yonquiaton, inapotërinco. Coꞌhuara chimiyantërasocohuëꞌ, nosoroatonco, nonëhuë huaꞌsaiquë opotërinco paꞌpitinacoso marëꞌ.

Lucas 16:10

Niꞌcoꞌ iyaroꞌsaꞌ. Huaꞌanëmaꞌ shaꞌhuitohuachinquëmaꞌ, natëcamasoꞌ yaꞌhuërin. Piꞌpian tërantaꞌ shaꞌhuitopirinquëmahuëꞌ, natëhuatamaꞌ, noya niꞌsarinquëmaꞌ. Chini chiníquën nanan quëtarinquëmaꞌ. Coꞌsoꞌ natëhuatamahuëꞌ, co chiníquën nanan quëtarinquëmahuëꞌ. ‘Nonpintarinco,’ taꞌton, co huachi natëarinquëmahuëꞌ.

Lucas 24:1

Tomio tahuëri nanihuachina, tashíramiachin sanapiꞌsaꞌ paꞌpi. Pimo huaꞌsaiꞌ, noꞌmorain pimóton nininsoꞌ inapita quëpatonaꞌ, naꞌpi naninquë paꞌpi.

Juan 20:19

Naporoꞌ tahuëri Tomio tahuëri. Tashihuachina, pëiquë yaꞌhuarai. Cotioroꞌsaꞌ tëꞌhuatatoi, yaꞌcoana noyá oncotopiraihuëꞌ, Quisoso aꞌnanaya huancánachin yaꞌnotatoncoi: —Tashita iyaroꞌsaꞌ. Sano cancantocoꞌ, itërincoi.

Juan 20:26

Posa tahuëri quëran niyontoantahuatoira, Tomasëntaꞌ inaquë nisarin. Naquëranchin yaꞌcoana noya oncotaantapiraihuëꞌ. Quisoso aꞌnaroáchin huancánachin yaꞌnoantarahuaton: —Tashita iyaroꞌsaꞌ. Sano cancantocoꞌ, itërincoi.

Hechos 20:7

Tomio tahuëri nanihuachina, niyontonai Quisoso chimininsoꞌ yonquiatoi coshataꞌhuaiso marëꞌ. Naporoꞌ Paonori aꞌchintarin: “Tashiraya paꞌsarai,” taꞌton, yono tashiquë huarëꞌ aꞌchinin.

2 Corintios 8:10

Iꞌhua piꞌiquë yonquiramaꞌ aꞌnapita catahuacamasoꞌ. Naporoꞌ caniaritëramaꞌ coriqui yontonacasoꞌ. Iporasoꞌ naquëranchin yontoantacoꞌ, tënahuë. Inapohuatamaꞌ, noya nisaramaꞌ.

Deuteronomio 8:18

Sinioro achinirinquëma niꞌton, sacatatoma nani maꞌsha maꞌpatëramaꞌ. Shimashonënpoapitarëꞌ anoyataton, shaꞌhuitërinsoꞌ nanicaso marëꞌ catahuarinquëmaꞌ. Ama ina naniantocosohuëꞌ.

Apocalipsis 1:10

Iꞌhua Tomio tahuëri Yosë chinotasoco, Ispirito Santo nohuanton, huaꞌnarëso pochin quënanahuë. Co huëꞌëpirahuëꞌ, pinëhuë quëran chiníquën nontërinco, natanahuë. Tronpita pihuirinso pochin natanahuë.