1 Corintios 16:18 - Chayahuita (Shahui)

¹⁸ Noya nontatonaco, achinicancaninaco. Canpitantaꞌ achinicancaninënquëmaꞌ, tënahuë. Cancoantahuachinaꞌ, noya nicatomaꞌ, natancoꞌ.

1 Corintios 16:18 ပူးပေါင်းရင်းမြစ်များ

Romanos 15:32

Ina quëran Yosë nohuanton, canpitataquë paꞌsarahuë. Noya cancantato, nontaranquëmaꞌ. Noya ninontohuatëhuaꞌ, chiníquën cancantarahuë.

2 Corintios 7:13

Naporamaꞌ niꞌton, co huachi sëtëraihuëꞌ. Tito cantonpachinquëmara, co piꞌpian tërantaꞌ noꞌhuiramahuëꞌ. Noya nontëramaꞌ niꞌton, noya cancantërin. Quiyantaꞌ ina natanatoi, nóya cancantërai.

Colosenses 4:8

Canpitantaꞌ onporaisona nitotacamaso marëꞌ aꞌpataranquëmaꞌ. Achinicancainquëmaso marëntaꞌ aꞌpataranquëmaꞌ.

1 Tesalonicenses 5:12

Ansianoꞌsaꞌ iyaroꞌsaꞌ noya niꞌcoꞌ, tënahuë. Sinioro nohuanton, ansiano yaꞌconpi pënënainquëmaso marëꞌ. Co chirotonahuëꞌ, aꞌchintarinënquëmaꞌ. Pëshonpatamaꞌ, otërarinënquëmaꞌ niꞌton, noya niꞌcoꞌ.

Filemón 1:20

Napoaton iyasha ninshitaranquën. Quisocristo imaran niꞌton, Onisimo nosoroquëꞌ. Noya nontohuatan, cantaꞌ nóya cancantarahuë. Inapoaton, achinicancanco topirahuëꞌ.

Filemón 1:7

Yaꞌipi imapisopita nosoroaton, quëmari achinicancanan. Noya noya cancantapi. Ina natantahuato iyasha, cantaꞌ nóya cancantërahuë. Achinicancananco cantaꞌ.

Hebreos 13:7

Yaꞌnan aꞌchintërinënquëmasopita yonquicoꞌ. Yosë quiricanën noya aꞌchintërinënquëmaꞌ. Chiminaquë huarëꞌ noya nicatonaꞌ, aꞌnapita catahuapi. Napoaton inapita nonanatomaꞌ, noya natëcoꞌ.

3 Juan 1:4

Nani Quisocristo nanamën aꞌchintëranquëmaꞌ. Ina natëtomaꞌ, imaramaꞌ niꞌton, huiꞌnahuëpita pochin niꞌnanquëmaꞌ. Naꞌcon nosororanquëmaꞌ. Noꞌtën nanan imapatamaꞌ, nóya cancantarahuë. Ina naꞌcon naꞌcon nohuantërahuë.