1 Corintios 15:6 - Chayahuita (Shahui)

⁶ Ina quëran naꞌa imapisopita niyontonasoiꞌ, yaꞌnotaantarin. Aꞌnatërápo pasa naꞌcon niꞌpi. Ipora huantaꞌ nanpirapi. Caraíchin nani chiminpi.

1 Corintios 15:6 ပူးပေါင်းရင်းမြစ်များ

Mateo 28:10

—Ama huachi paꞌyancosohuëꞌ. Paatomaꞌ, iyahuëpita shaꞌhuitoncoꞌ Caririaꞌpaꞌ paꞌinaꞌ. Inatohuaꞌ quënancoantarinaco, itahuaton, paꞌnin huachi.

Marcos 16:7

Napoaton paatomaꞌ, caꞌtanoꞌsanënpita shaꞌhuitoncoꞌ. Pitrontaꞌ shaꞌhuitoncoꞌ nitochin. “Quisosoꞌton nani paꞌsarin Caririaꞌpaꞌ. Iꞌhua shaꞌhuitërinquëmaso chachin paꞌsarin. Inatohuaꞌ quënancoantaramaꞌ,” itoncoꞌ, itërin.

Hechos 13:36

Napoaponahuëꞌ, Tapisoꞌ Yosë natëton, piyapiꞌsaꞌ catahuarin. Ina quëran chiminin. Shimashonënpita pirayan paꞌpitopi. Nonën chanatërin.

Hechos 7:60

Ina quëran isonahuaton, chiníquën itantarin: “Tëparinacoso marëꞌ, ama Sinioro isopita anaꞌintëquësohuëꞌ,” itërin. Ina tosahuaton, chiminin.

1 Corintios 15:18

Co nanpiantarinhuë naporini, aꞌnaquën imapisopita nani chiminpi niꞌton, parisitopiquë paꞌitonahuëꞌ.

1 Corintios 15:20

Nipirinhuëꞌ, Quisocristo tëhuënchachin nani nanpiantarin. Yaꞌnan cayarinsoꞌ sënarëso pochin inaꞌton nanpiantaton, nanpimiatarin. Ina quëran canpoantaꞌ chiminarihuarahuëꞌ, nanpiantarihuaꞌ.

1 Tesalonicenses 4:13

Chiminpisopita maꞌsona onpocaisoꞌ aꞌchinchinquëmaꞌ, nitotocoꞌ. Quisoso imarëhuasopita chiminpatëhuaꞌ, nanpiantarihuaꞌ. Co imapisopitasohuëꞌ nipirinhuëꞌ, quëmopinënpita chiminpachinara, sëtopi. “Co onporontaꞌ quënantarihuahuëꞌ,” taꞌtonaꞌ sëtápi. Ama inapita pochin sëtacaso marëhuëꞌ canpitasoꞌ aꞌchinchinquëmaꞌ.

1 Tesalonicenses 4:15

Oꞌmantahuachin, co nanpirëhuasopitaráchin pantarihuahuëꞌ. Chiminpisopitaꞌton nanpiantarapi. Sinioro Quisoso shaꞌhuitërinpoaso chachin shaꞌhuichinquëmaꞌ.

2 Pedro 3:4

“¡Maꞌpítacha nonama paya! ‘Oꞌmantararahuë,’ ¿itërinquëmaꞌ ti? Intohuasoꞌ Quisocristosoꞌ nimara, capa. Co oꞌmaarinhuëꞌ, tënai. Tatanënpoarinta ninarápirinahuëꞌ, nani chiminpi. Isoroꞌpaꞌ ninin quëra huarëꞌ inachachin inachachin nisárin. Co onporontaꞌ nisha tahuëri nisarinhuëꞌ,” tosapi.