1 Corintios 15:43 - Chayahuita (Shahui)

⁴³ Iporasoꞌ nonënpoaꞌ co onpopinchin noyahuëꞌ. Chiminpatëhuaꞌ, paꞌpitarinënpoaꞌ. Aꞌna tahuërisoꞌ nipirinhuëꞌ, noyápiachin nonënpoaꞌ yaꞌhuëtarinpoaꞌ. Iporasoꞌ co chinipirëhuahuëꞌ. Nanpiantahuatëhuaꞌ, chiniarihuaꞌ.

1 Corintios 15:43 ပူးပေါင်းရင်းမြစ်များ

Copo naporinso' 14:10

Piyapiso napoaponahuëꞌ chiminpachina, co aso inapoyátërarinhuëꞌ. ¡Inapohuachina copi tochaanin!

Mateo 13:43

Yosë natëpisopitaso nipirinhuëꞌ, nóya niꞌsarin. Piꞌi aꞌpininso pochin Yosë huaꞌanëntërinquë yaꞌnoapi. Huëratëhuanpatamaꞌ, noya natanatomaco, yonquicoꞌ,” itërin Quisosori.

Juan 8:49

—Co sopai yaꞌcoancantërincohuëꞌ. Tatahuë noya nicato natërahuë. Canpitaso nipirinhuëꞌ nocanatomaco, pinoramaco.

1 Corintios 6:14

Yosë nohuanton, Sinioro Quisoso nanpiantarin. Inari chachin chiníquën nanantaton, nonënpoaꞌ ananpitaantarinpoaꞌ.

2 Corintios 13:14

Inaora nohuanton, Sinioro Quisocristo catahuainquëmaꞌ. Tata Yosë nosoroꞌinquëmaꞌ. Ispirito Santo chachin nani tahuëri noya ayonquiinquëmaꞌ. Nani huachi. Paono

2 Corintios 13:4

Isoroꞌpaquë nipon, co aquëtëꞌ chinirinhuëꞌ. Corosëquë patanantopi. Chiminaponahuëꞌ, Tata Yosëri chiníquën nanantaton, ananpitaantarin. Quiyantaꞌ Quisocristo pochin cancantatoi, co quiyaora chiniraihuëꞌ. Ina acorincoi niꞌton, Yosë achinicancanincoi noꞌtëquën pënënaꞌhuainquëmaso marëꞌ.

Filipenses 3:10

Aquë aquëtëꞌ Quisocristo yanohuitërahuë. Iráca nanpiantarahuaton, chini chiníquën nanantërin. Yaꞌipi nanitaparin niꞌton, catahuaincosoꞌ nohuantërahuë. Noya noya nicaꞌhuaso marëꞌ catahuainco, tënahuë. Iráca Yosë natëton, parisitërin. Canpoa marëꞌ chiminin. Iporasoꞌ cantaꞌ aparisitopirinacohuëꞌ, Quisocristo pochin Yosë natëi. Chimininso pochin yaꞌipi co noyahuëꞌ yonquirahuësoꞌ naniantato, noyápiachin cancanchi, tënahuë.

Colosenses 3:4

Quisocristo chachin yaꞌcoancantërinpoaꞌ Yosë yonquicaso marëꞌ. Aꞌna tahuëri oꞌmantahuachin, noya noya yaꞌnoarin. Naporoꞌ inarëꞌquënpoaꞌ yaꞌhuërarihuaꞌ niꞌton, canpoantaꞌ noya noya acoarinpoaꞌ.