1 Corintios 15:30 - Chayahuita (Shahui)

³⁰ ¿Maꞌmarëtaꞌ quiyantaꞌ parisitaporaihuëꞌ, aꞌchinárai? Nani tahuëri yaahuërinacoi. Co nanpiantahuatëhuahuëꞌ, topinan quëran parisitërai.

1 Corintios 15:30 ပူးပေါင်းရင်းမြစ်များ

Lucas 8:23

Quisososoꞌ nipirinhuëꞌ, huanconënquë huëꞌë́rarin. Paaquëyaꞌ, panca ihuani manin. Coꞌsacairi potinën opoto opototahuaton nani yamëntaitapirinhuëꞌ, caꞌtanoꞌsanënpitari paꞌyanatonaꞌ, ochinanpi. —¡Maistro, Maistro, chimiitarihuaꞌ! Catahuacoi, itopi. Quisososoꞌ huënsërahuaton, ihuan aꞌparin. Sonontaꞌ panca coꞌsacaitapirinhuëꞌ, asanoirin. Aꞌnaroáchin copitënin.

1 Corintios 15:29

¿Onpoatomataꞌ ipora huantaꞌ aꞌnaquëmaꞌ co natëyátëraramahuëꞌ? “Co Yosë ananpitaantarinpoahuëꞌ,” toconamaꞌ. Co noꞌtëquën yonquiramahuëꞌ. Aꞌnaquën chiminpisopita yonquiatonaꞌ, inapita yaꞌhuërënamën aporihuanpi. Co nanpiantacasoꞌ yaꞌhuërinhuëꞌ naporini, ¿maꞌmarëtaꞌ inapitantaꞌ napoꞌitonahuëꞌ?

1 Corintios 15:31

Aꞌnaquën yatëparinaco. Nani tahuëri “Chiminapo nimara,” tënahuë. Tëhuënchachin noꞌtëquën nontëranquëmaꞌ. Quisocristo catahuarinco niꞌton, aꞌchintohuatënquëmara, noya imaramaꞌ. Ina marëꞌ nóya cancantërahuë.

2 Corintios 6:9

Naꞌa piyapiꞌsaꞌ nohuitopirinacoihuëꞌ, aꞌnaquënsoꞌ nisha pochin nicatonacoi, co yanataninacoihuëꞌ. Piꞌpianchin shichiminpiraihuëꞌ, nanpiárai. Chiníquën aparisitopirinacoihuëꞌ, co tëparinacoihuëꞌ.

Gálatas 5:11

Aꞌnaquën nonpinapirinaco. —Paonontaꞌ quiya pochin aꞌchinin. “Marca niacotocoꞌ. Co iráca pënëntërinsoꞌ natëhuatamahuëꞌ, co Yosë noya niꞌsarinquëmahuëꞌ,” tënin Paonontaꞌ, toconpi. Co napopirahuëꞌ, nonpinapirinaco. Ina pochin aꞌchinahuë naporini, co cotioroꞌsaꞌ noꞌhuiitonacohuëꞌ. “Quisocristo corosëquë chiminin. Inasáchin imapatëhuaꞌ, anoyacancantarinpoaꞌ,” itërahuëso marëꞌ ipora huantaꞌ aparisitarinaco.