1 Corintios 15:28 - Chayahuita (Shahui)

²⁸ Ina nohuanton, Quisocristo yaꞌipiya minsëarin. Nani minsëhuachina, inantaꞌ Yosë huiꞌnin niꞌton, paꞌpin natëmiatarin. Naporo quëran huarëꞌ Yosëáchin yaꞌipiya huaꞌanëntomiatarin.

1 Corintios 15:28 ပူးပေါင်းရင်းမြစ်များ

Juan 14:28

Nani shaꞌhuitëranquëmaꞌ. Inápaquë pantaporahuëꞌ, yaꞌcoancantimaranquëmaꞌ. Tëhuënchachin nosororamaco naporini, Tatahuëtaquë panantarahuëso marëꞌ noya cancanchitomahuëꞌ. Inasoꞌ chini chiníquën nanantërin.

1 Corintios 11:3

Isontaꞌ iyaroꞌsaꞌ aꞌchinchinquëmaꞌ nitotocoꞌ. Co insontaꞌ inaora nohuanton yaꞌhuërinhuëꞌ. Tëhuënchachin natëcasoꞌ yaꞌhuërin, tënahuë. Sanapiꞌsasoꞌ soꞌinaꞌ natëinaꞌ. Quëmapiꞌsantaꞌ Quisocristo natëinaꞌ. Quisocristosoꞌ Tata Yosë natërin.

1 Corintios 12:6

Aꞌnaya aꞌnayanpoaꞌ ananitërinpoaꞌ nisha nisha nicacaso marëꞌ. Yaꞌipinpoaꞌ Yosë chachin catahuarinpoaꞌ.

1 Corintios 15:29

¿Onpoatomataꞌ ipora huantaꞌ aꞌnaquëmaꞌ co natëyátëraramahuëꞌ? “Co Yosë ananpitaantarinpoahuëꞌ,” toconamaꞌ. Co noꞌtëquën yonquiramahuëꞌ. Aꞌnaquën chiminpisopita yonquiatonaꞌ, inapita yaꞌhuërënamën aporihuanpi. Co nanpiantacasoꞌ yaꞌhuërinhuëꞌ naporini, ¿maꞌmarëtaꞌ inapitantaꞌ napoꞌitonahuëꞌ?

1 Corintios 3:23

Quisocristo anoyacancantërinpoaꞌ niꞌton, inasáchin imacasoꞌ yaꞌhuërin. Inasoꞌ huaꞌanëntërinpoaꞌ. Tata Yosëri chachin aꞌpaimarin.

Efesios 1:23

Inaora nonën pochin niꞌninpoaꞌ. Napoaton naꞌcon yonquirinpoaꞌ. Nani yaꞌcoancantërinpoaꞌ noya noya imacaso marëꞌ. Noyá yaꞌcoancantohuachinpoaꞌ, yaꞌipi cancanënpoa quëran ina yonquiarihuaꞌ. Ina marëꞌ nininpoaꞌ. Inasoꞌ yaꞌipiya huaꞌanëntarin.

Filipenses 3:21

Iporasoꞌ nonënpoaꞌ co chinirinhuëꞌ. Yacaniorëhuaꞌ. Chiminacasoꞌ yaꞌhuërin. Nipirinhuëꞌ, Quisocristo oꞌmantahuachin, nonënpoaꞌ anishatarin. Ina pochachin yaꞌnoarihuaꞌ. Nanitaparin niꞌton, yaꞌipi minsërahuaton, ananpitomiatarinpoaꞌ, noya noya acoarinpoaꞌ.

Colosenses 3:11

Quisocristo imapatëhuaꞌ, napopináchin Yosë niꞌninpoaꞌ. Aꞌnaquën cotioroꞌsaꞌ, aꞌnaquënso nipirinhuëꞌ cricoroꞌsaꞌ. Aꞌnaquën marca niacotopisoꞌ, aꞌnaquënso nipirinhuëꞌ co niacotopihuëꞌ. Aꞌnaquën nisha piyapiꞌsaꞌ, aꞌnaquëntaꞌ quëmaroꞌsaꞌ. Aꞌnaquën patron piyapinënpita, aꞌnaquënso nipirinhuëꞌ inahuara marëꞌ sacatopi. Nisha nisha nicarihuarahuëꞌ, napopináchin Yosë niꞌninpoaꞌ. Quisocristoíchin yonquicasoꞌ yaꞌhuërin. Ina imapatëhuaꞌ, yaꞌipinpoaꞌ yaꞌcoancantërinpoaꞌ. Co mantaꞌ pahuantarinpoahuëꞌ noya cancantacaso marëꞌ.