1 Corintios 14:8 - Chayahuita (Shahui)

⁸ Tronpitantaꞌ nisha nisha pihuipi sontaroꞌsaꞌ nitotacaiso marëꞌ. Aꞌna tahuëri inimicoroꞌsaꞌ huëꞌpachinara, tronpita pihuipi sontaroꞌsaꞌ përacaiso marëꞌ. Co noꞌtëquën pihuihuachinahuëꞌ, co sontaroꞌsaꞌ niyontoanpihuëꞌ inimicoroꞌsaꞌ ahuëcaiso marëꞌ.

1 Corintios 14:8 ပူးပေါင်းရင်းမြစ်များ

Joel 2:1

Quirosarin ninanosoꞌ, Siniorori huayonin. Inaquë pëinën yaꞌhuëcaso marëꞌ huayonin. Inaquë niyátainpichin yaꞌhuëcaiso marëꞌ aꞌpaito sontaroꞌsari, tronpita pihuitona huëhuëpiro huëꞌsarinso shaꞌhuiinaꞌ. Ina natanpisopitantaꞌ, chiníquën “yai,” taꞌtona naporinso aꞌnapita israiroꞌsa shaꞌhuichinaꞌ. Co huaꞌquiya quëranhuë Sinioro anaꞌintiinpoaso tahuëri naniarin. Napoaton yaꞌipi Cota huëntonquë yaꞌhuëpisopita paꞌyanatona ropachinaꞌ.

Amós 3:6

Ninanoquë pomon irinpachina, piyapiꞌsa paꞌyanpi. Ninanoquë maꞌsha onpohuachinara, ca camaitërahuë niꞌton, napoarin.

1 Corintios 14:7

Niꞌcoꞌ. Quina co noya pihuihuachinahuëꞌ, napoonin natanpi. Quitarantaꞌ co noya piꞌnihuachinahuëꞌ, napoonin natanpi.