1 Corintios 14:7 - Chayahuita (Shahui)

⁷ Niꞌcoꞌ. Quina co noya pihuihuachinahuëꞌ, napoonin natanpi. Quitarantaꞌ co noya piꞌnihuachinahuëꞌ, napoonin natanpi.

1 Corintios 14:7 ပူးပေါင်းရင်းမြစ်များ

Mateo 11:17

quinatapirinahuëꞌ, co aꞌnapita nohuantopihuëꞌ nansacaisoꞌ. Ina quëran co nohuantohuachinarahuëꞌ, tantaponaꞌ: ‘Inta nipachin, huëcoꞌ chimipi paꞌpitopiso pochin niꞌtëhuaꞌ, yaꞌnipiahuaꞌ,’ nitantapi. Naꞌnëpirinahuëꞌ, co aꞌnapita nohuantopihuëꞌ naꞌnëcaisoꞌ. Inapochachin canpitantaꞌ ipora nisha nisha yonquiramaꞌ.

Lucas 7:32

Huaꞌhuaroꞌsa pochin cancantopi, tënahuë. Huaꞌhuaroꞌsaꞌ cachiquë yaꞌnipihuachinaraꞌ, aꞌnaquën taponaꞌ: ‘Huëcoꞌ pita pochin nicatëhuaꞌ yaꞌnipiahuaꞌ,’ taꞌtonaꞌ, quinatopirinahuëꞌ, co aꞌnapitasoꞌ nohuantopihuëꞌ nansacaisoꞌ. Ina quëran tantaponaꞌ: ‘Inta nipachin, huëcoꞌ, chimipi paꞌpitopiso pochin nicatëhuaꞌ yaꞌnipiahuaꞌ,’ nitantapi. Aꞌnaquën sëtatonaꞌ naꞌnërápirinahuëꞌ, co aꞌnapitasoꞌ nohuantopihuëꞌ naꞌnëcaisoꞌ.

1 Corintios 13:1

Nisha nananquë nonpiso pochin nitononarihuarahuëꞌ, co piyapiꞌsaꞌ nosorohuatëhuahuëꞌ, topinan quëran nonarihuaꞌ. Anquëni pochachin nonarihuarahuëntaꞌ, co nosorohuatëhuahuëꞌ, huaꞌna, canpana inapita irininso pochin Yosë nataninpoaꞌ.

1 Corintios 14:6

Yosë aꞌchintohuachincora, inachachin iyaroꞌsaꞌ shaꞌhuitëranquëmaꞌ. Ina anitotohuachincora, nanamën chachin aꞌchintëranquëmaꞌ. Inapotato, catahuaranquëmaꞌ noya noya imacamaso marëꞌ. Nisha nananquë nonpiso pochin nontëranquëmaꞌ naporini, co nataintomacohuëꞌ. Co ina quëran noya noya imaitomahuëꞌ. Canpita nananquë chachin noꞌtën nanan pënënpatënquëmaꞌ, tëhuënchachin catahuaranquëmaꞌ.

1 Corintios 14:8

Tronpitantaꞌ nisha nisha pihuipi sontaroꞌsaꞌ nitotacaiso marëꞌ. Aꞌna tahuëri inimicoroꞌsaꞌ huëꞌpachinara, tronpita pihuipi sontaroꞌsaꞌ përacaiso marëꞌ. Co noꞌtëquën pihuihuachinahuëꞌ, co sontaroꞌsaꞌ niyontoanpihuëꞌ inimicoroꞌsaꞌ ahuëcaiso marëꞌ.

1 Samuel 10:5

Ina quëran paꞌsahuaton Yosë Quipianën itopisoꞌ ninanoquë cansaran. Inaquë panca huënton huiristino sontaroꞌsa yaꞌhuërin. Ina ninanoquë yaꞌconpatamaꞌ, aꞌna huëntonaca pënëntonaꞌpiroꞌsa nacapiaramaꞌ. Yosë yonquirinso shaꞌhuirëꞌnachin huëꞌsapi, nacapiaran. Inahuasoꞌ, inahuara nohuanton artaro acopi quëran nohuaramarapi. Aꞌnaquën quëchitatona nisha nisha piꞌníriapi. Nisha quitara, pantirita, arpa, inapita piꞌníriapi. Pirinanoꞌsanta pihuiriapi nacapiaran.