1 Corintios 14:40 - Chayahuita (Shahui)

⁴⁰ Nipirinhuëꞌ, ama noncarocosohuëꞌ. Aꞌnaya aꞌnayanquëmaꞌ noncoꞌ. Noyápiachin cancantatomaꞌ, Yosë yonquicoꞌ.

1 Corintios 14:40 ပူးပေါင်းရင်းမြစ်များ

Romanos 13:13

Tahuëri nipachina, aꞌninquëchin niꞌton, noyasáchin ninëꞌ. Aꞌnaquënso nipirinhuëꞌ pitasachin paꞌyatopi. Naꞌa tahuëri nansarápi, oꞌosápi, coshatápi, noꞌpiápi. Ama pitasoꞌ paꞌyatocosohuëꞌ. Ama noꞌpicosohuëꞌ. Ama piꞌpisha tërantaꞌ nimonshitacamasoꞌ yonquicosohuëꞌ. Ama ninoꞌhuicosohuëꞌ. Ama aꞌna piyapi noyapatomaꞌ, noꞌhuicosohuëꞌ.

1 Corintios 11:34

Aꞌnaquën tanahuachinaꞌ, inahuara pëinënaquë coshachinaꞌ. Ina quëran noya niyontonpatamaꞌ, co Yosë anaꞌintarinquëmahuëꞌ. Aꞌna tahuëri paꞌsarahuë nicaponquëmaꞌ. Naporoꞌ naꞌcon naꞌcon aꞌchinchinquëmaꞌ.

Colosenses 2:5

Co canpitataquë yaꞌhuaporahuëꞌ, nosoroatënquëmaꞌ, nani tahuëri yonquiranquëmaꞌ. Noya niniꞌtomaꞌ, yaꞌhuaramaꞌ. Co nisha nisha yonquiramahuëꞌ. Yaꞌipi cancanëma quëran Quisocristo natëramaꞌ. Ina marëꞌ nóya cancantërahuë.

Tito 1:5

Crita parti yaꞌhuarihuaꞌ, aꞌnaya aꞌnaya ninanoquë aꞌchintopirëhuahuëꞌ, pahuanarin yaꞌipi aꞌchinacasoꞌ niꞌton, inaquë huëshiranquën: “Imapisopita yaꞌipi aꞌchintacaso yaꞌhuërinso aꞌchintëquëꞌ. Naporahuaton, yaꞌipi ninanoroꞌsaquë ansianoꞌsaꞌ acoraꞌpiaquëꞌ,” itëranquën.