1 Corintios 14:32 - Chayahuita (Shahui)

³² Nipënënpatëhuaꞌ, aꞌnaya aꞌnayanpoaꞌ pënëntacasoꞌ yaꞌhuërin. Aꞌnaꞌton tonihuachin, aꞌnantaꞌ pënëntantaꞌin. Ina toniantahuachin, aꞌnantaꞌ pënëntantaꞌin.

1 Corintios 14:32 ပူးပေါင်းရင်းမြစ်များ

2 Reyes 2:3

Canconpachinara, pënëntonaꞌpiroꞌsa inaquë yaꞌhuëpisopitari nacapipi. Nacapirahuatonaꞌ, Irisio itaponaꞌ: —Siniorori maistronën ipora tahuëri quëpararin. ¿Nani ina nitotëran to? itopi. —Nani mini nitotërahuë. Ama napoaponahuë canpitasoꞌ, ina shaꞌhuicosohuëꞌ, itërin Irisiori.

2 Reyes 2:5

Canconpachinara, pënëntonaꞌpiroꞌsa inaquë yaꞌhuëpisopitari yaꞌhuërëꞌ, nacapipi. Nacapirahuatonaꞌ, Irisio itaponaꞌ: —Siniorori maistronën ipora tahuëri quëpararin. ¿Nani ina nitotëran to? itopi. —Nani mini nitotërahuë. Ama napoaponahuë canpitasoꞌ, ina shaꞌhuicosohuëꞌ, itërin Irisiori.

Jeremías 20:9

Amiato: “Ama huachi Sinioro yonquiꞌisohuëꞌ. Nanan quëtopirincohuë tërantaꞌ, ama huachi noinsohuëꞌ,” tënahuë. Taporahuëꞌ, quëma nanamën yaꞌcoancantërinco niꞌton, pën maꞌsha ahuiquitërinso pochin nitárinco. Nansëanaquë huarëꞌ piꞌcarincoso pochin natanahuë. “Chinitato nipachin ama noinsohuëꞌ,” taporahuëꞌ, ¡coꞌchi nanitërahuëꞌ cacotaꞌhuaso paya!

Hechos 13:1

Antioquiaquë naꞌa Quisoso imapisopita yaꞌhuëpi. Naꞌa niyontonahuatonaꞌ, Yosë chinotopi. Aꞌnatërápo quëmapiꞌsaꞌ ansiano yaꞌconpi. Aꞌnaquënsoꞌ Quisoso nanamën shaꞌhuitonaꞌ, pënëntopi. Aꞌnaquëontaꞌ imapisopita aꞌchintopi noya imacaiso marëꞌ. Inapitasoꞌ: Pirnapi, Simon, Nosio, Manain, Saono, inanapo yaꞌhuëpi. Simonsoꞌ yara piyapi. Nosiosoꞌ Sirini quëran huëꞌnin. Manainsoꞌ, Cariria huaꞌan Irotisë pëinënquë soꞌsorinsoꞌ.

1 Corintios 14:31

Inapoatomaꞌ, aꞌnaya aꞌnayanquëmaꞌ pënëntocoꞌ. Yaꞌipinquëmaꞌ noya noya yonquicamaso marëꞌ nipënëncoꞌ. Napohuatamaꞌ, canpita capini niachinicancanaramaꞌ.

1 Corintios 14:33

Yosësoꞌ co nisha nisha ayonquirinpoahuëꞌ. Catahuarinpoaꞌ sano cancantacasoꞌ. Niyontonëhuaquëntaꞌ catahuarinpoaꞌ aꞌnaya aꞌnayanpoaꞌ pënëntatëhuaꞌ noya Yosë chinotacaso marëꞌ. Yaꞌipi Yosë imarëhuasopita nisha nisha niyontonëhuaquë,

2 Tesalonicenses 2:2

Aꞌnaquënso nipirinhuëꞌ co noꞌtëquën nitotopihuëꞌ. “Oꞌmantacasoꞌ tahuëri nani nanirin,” itohuachinquëmaꞌ, ama paꞌyancosohuëꞌ. Ama nisha nisha yonquicosohuëꞌ. Aꞌnaquën tapon: “Cari ninorahuë. Oꞌmantacasoꞌ tahuëri nani nanirin,” itohuachinquëmaꞌ, ama natëcosohuëꞌ. Aꞌnantaꞌ tapon: “Nanirin mini. Paono chachin naponinshitërincoi,” itopirinënquëmahuëꞌ, ama ina natëcosohuëꞌ.

1 Juan 4:1

Naꞌcon iyaroꞌsaꞌ nosororanquëmaꞌ niꞌton, pënënaranquëmaꞌ. Naꞌa nonpin nanan pënëntonaꞌpiroꞌsaꞌ nonpin nanan aꞌchinapi. “Yosë nanamën aꞌchinahuë,” topirinahuëꞌ, co noꞌtëquën aꞌchinpihuëꞌ. Napoaton aꞌchintohuachinënquëmaꞌ, ama aꞌnaroáchin natëtocosohuëꞌ. “Nonpin nanan nimara,” taꞌtomaꞌ, yonquicoꞌ. Yaꞌipi Yosë quiricanën quëran aꞌchintërinpoasoꞌ yonquiatomaꞌ, tantiacoꞌ. Co ina pochin aꞌchintohuachinënquëmahuëꞌ, ama natëcosohuëꞌ.

Apocalipsis 22:6

Ina quëran anquëni shaꞌhuitërinco: “Iráca quëra huarëꞌ Yosë nohuanton, aꞌnaquën ninopi. Iporasoꞌ anquëninënco aꞌpaimarinco ninocaꞌhuaso marëꞌ. Aꞌnotëranquën niꞌton, ninshitëran Yosë piyapinënpita nitotacaiso marëꞌ. Noꞌtën nanan nani shaꞌhuitëranquën. Yaꞌipiya natëtacaisoꞌ yaꞌhuërin. Co huaꞌqui quëranhuëꞌ maꞌsha onpoarin,” itërinco.