1 Corintios 14:27 - Chayahuita (Shahui)

²⁷ Nisha nananquë pochin yanonpachinaꞌ, aꞌnaya aꞌnaya noinaꞌ. Catoyaꞌpihuë nipon, carayaꞌpihuë nipon, inaíchin noinaꞌ. Naporahuaton, aꞌnantaꞌ maꞌsona tapon noninsoꞌ shaꞌhuiin.

1 Corintios 14:27 ပူးပေါင်းရင်းမြစ်များ

1 Corintios 12:10

Ispirito Santo nohuanton, aꞌnaquëontaꞌ nanitërin sacai nininsoꞌ nicacasoꞌ. Aꞌnaquën Yosë yonquirinso chachin cancanën quëran anitotërin aꞌnapita shaꞌhuitacaso marëꞌ. Aꞌnaquëontaꞌ Ispirito Santo nohuanton, macarisona catahuarinsoꞌ nitoninorin. Co Ispirito Santoachin yacatahuarinpoahuëꞌ. Sopairintaꞌ piyapiꞌsaꞌ catahuarin nonpintinpoaso marëꞌ. Napoaton aꞌnapita pënënpachinpoaꞌ, ninocasoꞌ yaꞌhuërin. Nonpin nanan nipachina, shaꞌhuitërinpoaꞌ ama natëcaso marëhuëꞌ. Aꞌnaquëontaꞌ Ispirito Santo nohuanton, nisha nananquë nonpiso pochin nonpi. Aꞌnapitantaꞌ catahuarin maꞌsona nisha nananquë topisoꞌ shaꞌhuicaisoꞌ.

1 Corintios 14:13

Napoaton nisha nananquë nonpiso pochin yanonpatamaꞌ, Yosë nontocoꞌ maꞌsona tapon nonamasoꞌ nitotamaquë. Ina quëran nitotatomaꞌ, canpita nananquë chachin piyapiꞌsaꞌ shaꞌhuitocoꞌ.

1 Corintios 14:2

Aꞌnaquën Ispirito Santo nohuanton, nisha nananquë nonpiso pochin nonpi. Co natanchináchinhuëꞌ nonpi niꞌton, co piyapiꞌsaꞌ natanpihuëꞌ. Yosëíchin natanin. Yosëri ayonquirinsoꞌ nonsapirinahuëꞌ, co aꞌnapitari natanpihuëꞌ.

1 Corintios 14:26

Napoaton iyaroꞌsaꞌ niyontonpatamaꞌ, noyasáchin yonquicoꞌ. Aꞌnaquëmaꞌ cantaramaꞌ. Aꞌnaquëmaꞌ Yosë nanamën aꞌchinaramaꞌ. Aꞌnaquëmaꞌ Yosë anitotërinquëmasoꞌ shaꞌhuitaramaꞌ. Aꞌnaquëmantaꞌ nisha nananquë nonpiso pochin nonsaramaꞌ. Ina piquëran aꞌnaquëmasoꞌ maꞌsona tapon nonamasoꞌ canpita nananquë shaꞌhuitaramaꞌ. Maꞌsona tërantaꞌ nipatamaꞌ, nicatahuacoꞌ yaꞌipinquëmaꞌ noya noya imacamaso marëꞌ.

1 Corintios 14:28

Co insoari tërantaꞌ shaꞌhuitacasoꞌ nanitohuachinhuëꞌ, niyontonpiquë ama ina pochin noinasohuëꞌ. Ina pochin yanonpachin, inaora paaton, noin Yosëíchin natanacaso marëꞌ.

1 Corintios 14:5

Nisha nananquë pochin nonacasoꞌ noya nipirinhuëꞌ, Yosë nanamën shaꞌhuicasoꞌ noya noya, tënahuë. Ina naꞌcon naꞌcon Yosë nohuantërin. Nisha nananquë nonpachina, ina piquëran maꞌsona tapon naporinsoꞌ shaꞌhuichinënquëmaꞌ. Imaramasopita natanatomaꞌ, noya yonquicamaso marëꞌ shaꞌhuichinënquëmaꞌ.