1 Corintios 14:18 - Chayahuita (Shahui)

¹⁸ Cantaꞌ nisha nananquë nonpiso pochin nitononahuë. Canpita quëran naꞌcon naꞌcon nitotërahuë. Ina marëꞌ “Yosparinquën” itërahuë Yosë.

1 Corintios 14:18 ပူးပေါင်းရင်းမြစ်များ

1 Corintios 14:17

Noya Yosë nontopiramahuëꞌ, aꞌnapitasoꞌ topinan quëran natanpi niꞌton, co catahuaramahuëꞌ.

1 Corintios 14:19

Napoaponahuëꞌ, Yosë chinotacaso marëꞌ niyontonpatëhuaꞌ, aꞌchinacasoꞌ noya noya tënahuë. Nisha nananquë pochin nonato, shonca huaranca nanan nonahuë naporini, topinan quëran nointohuëꞌ. Canpoaꞌ nananquë cara nanaínchin tërantaꞌ nonpato, natanamaꞌ niꞌton, noya noya ninin, tënahuë.

1 Corintios 14:2

Aꞌnaquën Ispirito Santo nohuanton, nisha nananquë nonpiso pochin nonpi. Co natanchináchinhuëꞌ nonpi niꞌton, co piyapiꞌsaꞌ natanpihuëꞌ. Yosëíchin natanin. Yosëri ayonquirinsoꞌ nonsapirinahuëꞌ, co aꞌnapitari natanpihuëꞌ.

1 Corintios 14:4

Nisha nananquë nonpiso pochin nonpachinaꞌ, inahuara Yosë yonquiatonaꞌ, chiníquën cancantapi. Nipirinhuëꞌ, Yosë nanamën shaꞌhuitohuachinënpoaꞌ, yaꞌipi imarëhuasopita natanpatëhuaꞌ, chini chiníquën cancantarihuaꞌ.

1 Corintios 14:5

Nisha nananquë pochin nonacasoꞌ noya nipirinhuëꞌ, Yosë nanamën shaꞌhuicasoꞌ noya noya, tënahuë. Ina naꞌcon naꞌcon Yosë nohuantërin. Nisha nananquë nonpachina, ina piquëran maꞌsona tapon naporinsoꞌ shaꞌhuichinënquëmaꞌ. Imaramasopita natanatomaꞌ, noya yonquicamaso marëꞌ shaꞌhuichinënquëmaꞌ.

1 Corintios 4:7

Yosë nohuanton, nisha nisha nitotërëhuaꞌ. Co canpoara nohuanton, nitotërëhuahuëꞌ. Yosëíchin catahuarinpoaꞌ noya noya nicacasoꞌ. Co catahuarinpoahuëꞌ naporini, co mantaꞌ nitochitërihuahuëꞌ. Napoaton co nocantacasoꞌ yaꞌhuërinhuëꞌ.