1 Corintios 14:16 - Chayahuita (Shahui)

¹⁶ Niyontonpatamaꞌ, aꞌnaquëmaꞌ Yosë chinotatomaꞌ, “Yosparinquën,” itohuachina, napopináchin yonquiatomaꞌ, “Amen,” tënamaꞌ. Napoaponahuëꞌ, nisha nananquë nonpiso pochin nontëramaꞌ naporini, aꞌnapitasoꞌ co nitotatonahuëꞌ, co “Amen” taꞌcaisoꞌ nanichitonahuëꞌ.

1 Corintios 14:16 ပူးပေါင်းရင်းမြစ်များ

1 Reyes 1:36

Naporoꞌ Pinaiari copirno itapon: —¡Noyapaꞌ! Camaitëranso chachin mini nisarai. Ipora camaitëransoꞌ, Yosë nohuantërinso chachin niin.

Nehemías 8:6

Ina nontacaso marëꞌ Istrasësoꞌ, anquirahuaton Yosë chinotërin: “¡Ma noyanquëncha quëmasoꞌ Sinioro ninan paya! ¡Yaꞌipi nanitapaton chini chiníquën nanantëran!” tënin. Napohuachina, yaꞌipi niyontonpisopitanta anquirahuatonaꞌ: “¡Naporin mini!” topi. Napoatona isonpi quëran noꞌpaquë huarëꞌ monshomapi.

Salmos 72:19

Inasoꞌ, noyápiachin. Inasáchin chinotomiachinaꞌ. ¡Yosë huënaratërinsoari yaꞌipi isoroꞌpaꞌ noyá aꞌpinchin! ¡Inapoꞌin mini!

Salmos 89:52

¡Ma noyacha Sinioroso niꞌton, yaꞌhuëmiatarin paya! ¡Amen!

Mateo 15:36

Nani huënsëhuachinara, canchisë pan, sami, inapita masahuaton, Yosë nontërin. “Yosparinquën Tata,” itërin. Ina quëran sëꞌpanahuaton, caꞌtanoꞌsanënpita quëtërin piyapiꞌsaꞌ quëtacaiso marëꞌ. Yaꞌipi quëtëraꞌpiapi.

Mateo 28:20

Ina quëran yaꞌipi shaꞌhuitëranquëmasoꞌ aꞌchintocoꞌ natëinaco. Insëquësona paꞌpatamaꞌ, carinquëmaꞌ caꞌtanaranquëmaꞌ. Nani tahuëri catahuaranquëmaꞌ. Ayaroꞌ tahuëri naniquë huarëꞌ caꞌtanaranquëmaꞌ. Co onporontaꞌ pataranquëmahuëꞌ, itërin Quisosori. Nani huachi.

Mateo 6:13

Co noyahuëꞌ yonquihuatoi, catahuacoi aꞌnaroáchin nanianchii. Catahuacoi ama sopai minsëincoisohuëꞌ. [Quëmasáchin huaꞌanëntarancoi. Yaꞌipi nanitaparan. Ipora quëran huarëꞌ yaꞌipiya natëinënquën. Amen,]’ itocoꞌ Yosë nontohuatamaꞌ.

Marcos 16:20

Ina quëran caꞌtanoꞌsanënpita paꞌsahuatonaꞌ, Quisoso nanamën shaꞌhuirapi. Siniorori chachin catahuarin niꞌton, yaꞌipi parti shaꞌhuiraꞌpiapi. Yosë nohuanton, piyapi aꞌnaroáchin anoyatopi. Nani maꞌsha nanitapapi ayonquicaiso marëꞌ. Ina niꞌsahuatonaꞌ, “Noꞌtëquën nontërinpoaꞌ,” topi yaꞌipi piyapiꞌsaꞌ. Nani huachi.]

Juan 21:25

Naꞌcon Quisoso aꞌchinin. Nani maꞌsha ninin. Co insontaꞌ nanitaparinhuëꞌ yaꞌipiya ninshitacasoꞌ. Ina nápoꞌ quirica ninshitërai naporini, co isoroꞌpaquë tërantaꞌ naniitonhuëꞌ, topirahuëꞌ. Nani huachi.

Juan 7:15

Cotioroꞌsaꞌ natanahuatonaꞌ, paꞌyanpi. —¿Onporahuatontaꞌ iso quëmapi co naꞌcon quirica nitotaponahuëꞌ, noyá nitotërin? topi.

Hechos 4:13

Ina natanahuatonaꞌ, cotio huaꞌanoꞌsaꞌ ninontopi. “Isopitasoꞌ topinan piyapiꞌsaꞌ. Co maistroꞌsahuëꞌ. Co naꞌcon quirica nitotaponaraihuëꞌ, co tëꞌhuatërinënpoahuëꞌ. Maꞌpitacha nitotopi paya. Quisoso caꞌtanpi niꞌton, ina pochin cancantopi,” nitopi.

1 Corintios 11:24

“Yosparinquën Tata Yosë,” itahuaton, sëꞌpanin. Sëꞌpanahuaton, aꞌnaya aꞌnaya quëtërin. “Ca nonëhuë pochin isoꞌ. Caꞌcoꞌ. Canpita marëꞌ chiminarahuë. Niyontonpatamaꞌ, chiminahuësoꞌ yonquiatomaco, piꞌpian cosharoꞌ caꞌcoꞌ,” itërin.

1 Corintios 14:14

Nisha nananquë Yosë nontohuato, ispiritonëhuë quëran nontopirahuëꞌ, maꞌsona tapo naporahuësoꞌ co nitotërahuëꞌ.

1 Corintios 14:2

Aꞌnaquën Ispirito Santo nohuanton, nisha nananquë nonpiso pochin nonpi. Co natanchináchinhuëꞌ nonpi niꞌton, co piyapiꞌsaꞌ natanpihuëꞌ. Yosëíchin natanin. Yosëri ayonquirinsoꞌ nonsapirinahuëꞌ, co aꞌnapitari natanpihuëꞌ.

1 Corintios 16:24

Yaꞌipinquëmaꞌ Quisocristo imaramaꞌ niꞌton, nosororanquëmaꞌ. Nani ninshitëranquëma huachi. Paono

2 Corintios 1:20

Yaꞌipi Yosë shaꞌhuitërinpoasoꞌ Quisocristo acotarinpoaꞌ. Napoaton “Quisocristosoꞌ noꞌtëquën nonaton, catahuarinpoaꞌ. Ma noyacha Yosëso paya,” tënëhuaꞌ.

Apocalipsis 22:20

Quisoso chachin anitotërincosoꞌ yaꞌipi ninshitëranquëmaꞌ. “Tëhuënchachin co huaꞌquiya quëranhuëꞌ oꞌmantararahuë,” tënin. ¡Inapoquëꞌ Sinioro! Aꞌnaroáchin oꞌmantaquëꞌ, itërahuë.

Apocalipsis 5:14

—Naporinchi paya. Tëhuënchachin inasáchin natëahuaꞌ, topi catapini maꞌsharoꞌsa pochin nininsopitantaꞌ. Ansianoꞌsantaꞌ isonahuatonaꞌ, chinotapi.

Apocalipsis 7:12

“Tëhuënchachin Sinioro, piyapiꞌsaꞌ nichaꞌëran. ¡Ma noyanquëncha quëmaso paya! Yaꞌipiya chinochinënquën. Yaꞌipi nitotëran. Chini chiníquën nanantaton, yaꞌipiya nanitaparan niꞌton, yaꞌipi natëinënquën. ‘Yosparinquën,’ ichinënquën. Naꞌcon natëmiatarainquën. Co onporontaꞌ aꞌpoarainquënhuëꞌ. Amen,” itapi.