1 Corintios 14:15 - Chayahuita (Shahui)

¹⁵ Napoahuarëꞌ, ¿onpocasota yaꞌhuërin? Ispiritonëhuë quëran Yosë nontarahuëꞌ, cantarahuë, napoarahuë. Napoaporahuëꞌ, maꞌsona tapo naporahuësontaꞌ yonquiato, Yosë nontarahuë, cantarahuë napoarahuë, tënahuë.

1 Corintios 14:15 ပူးပေါင်းရင်းမြစ်များ

Salmos 47:7

Inasoꞌ yaꞌipi roꞌpaꞌ huaꞌanëntërin niꞌton, noya yonquiatomaꞌ, cantanën cantacoꞌ.

Hechos 21:22

¿Maꞌtaꞌ iporasoꞌ onpoaꞌahuaꞌ nonpintopisoꞌ ama natëcaiso marëhuëꞌ? Huëꞌnansoꞌ onpopiontaꞌ piyapiꞌsaꞌ nitotaponaꞌ.

Romanos 1:9

Yosë niꞌsárinco, noꞌtëquën nontaranquëmaꞌ. Yaꞌipi cancanëhuë quëran huarëꞌ Yosë imarahuë. Huiꞌnin nanamën aꞌchinárahuë. Nani tahuëriya canpita yonquiatënquëmaꞌ,

Romanos 3:5

Aꞌnaquën poꞌpin yonquipi: “Canpoa co noyahuë ninëhua niꞌton, Yosë noyasáchin nininsoꞌ aꞌninquëchin anitotërinpoaꞌ. Napoaton anaꞌintohuachinpoaꞌ, co noꞌtëquën anaꞌintërinpoahuëꞌ,” toconpi.

Romanos 8:31

Ina pochin Yosë yonquirinpoaꞌ niꞌquëhuarëꞌ, co insonta nanitërinhuë minsëinpoasoꞌ.

1 Corintios 10:19

Mamanshisoꞌ co nanpirinhuëꞌ. Co chinotacasohuëꞌ nipirinhuëꞌ, aꞌnaquëni moshapi. Maꞌsha inapita chinotacaso marëꞌ tëpahuachinara, topinan quëran napopirinahuëꞌ, co mamanshiri niꞌninhuëꞌ, co nataninhuëꞌ.

1 Corintios 14:14

Nisha nananquë Yosë nontohuato, ispiritonëhuë quëran nontopirahuëꞌ, maꞌsona tapo naporahuësoꞌ co nitotërahuëꞌ.

1 Corintios 14:19

Napoaponahuëꞌ, Yosë chinotacaso marëꞌ niyontonpatëhuaꞌ, aꞌchinacasoꞌ noya noya tënahuë. Nisha nananquë pochin nonato, shonca huaranca nanan nonahuë naporini, topinan quëran nointohuëꞌ. Canpoaꞌ nananquë cara nanaínchin tërantaꞌ nonpato, natanamaꞌ niꞌton, noya noya ninin, tënahuë.

1 Corintios 14:26

Napoaton iyaroꞌsaꞌ niyontonpatamaꞌ, noyasáchin yonquicoꞌ. Aꞌnaquëmaꞌ cantaramaꞌ. Aꞌnaquëmaꞌ Yosë nanamën aꞌchinaramaꞌ. Aꞌnaquëmaꞌ Yosë anitotërinquëmasoꞌ shaꞌhuitaramaꞌ. Aꞌnaquëmantaꞌ nisha nananquë nonpiso pochin nonsaramaꞌ. Ina piquëran aꞌnaquëmasoꞌ maꞌsona tapon nonamasoꞌ canpita nananquë shaꞌhuitaramaꞌ. Maꞌsona tërantaꞌ nipatamaꞌ, nicatahuacoꞌ yaꞌipinquëmaꞌ noya noya imacamaso marëꞌ.

Efesios 6:18

Apira apira Yosë nontocoꞌ. Maꞌsha onpohuatamantaꞌ, ina nontocoꞌ catahuainquëmaꞌ. Noya yonquiatomaꞌ, chiníquën nontocoꞌ. Ispirito Santo catahuarinpoaꞌ cancanënpoa quëran huarëꞌ noya nontacasoꞌ. Ama amiatomahuëꞌ, niꞌsácoꞌ ama aꞌnanaya sopai minsëinquëmaso marëhuëꞌ. Yaꞌipi imarëhuasopita marëꞌ Yosë nontocoꞌ.

Filipenses 1:18

Ina niponahuëꞌ, co noꞌhuirahuëꞌ. Co apiratatë pochin ninahuëꞌ. Aꞌnaquën noya cancantatonaꞌ, Quisocristo nanamën aꞌchinapi. Aꞌnaquënsoꞌ co noya cancantaponaraihuëꞌ, aꞌchinapi antaꞌ. Naꞌcon naꞌcon piyapiꞌsari natanapi niꞌton, noya cancantërahuë.

Colosenses 3:16

Yaꞌipi Quisocristo nanamën yonquirácoꞌ. Naꞌcon ina yonquicoꞌ. Noya nitotatomaꞌ, niaꞌchintocoꞌ, nipënëncoꞌ. Yosë cantanën nisha nisha nininsopita cantacoꞌ. Sarmo quirica nontatomaꞌ, inantaꞌ cantacoꞌ. Canpitaora yonquinëma quëraontaꞌ ocoirahuatomaꞌ, cantacoꞌ: “Ma noyanquëncha Tata niꞌton, catahuarancoi paya,” itatomaꞌ, cancanëma quëran huarëꞌ cantacoꞌ.

Santiago 5:13

Aꞌnaquëmaꞌ maꞌsha onpohuatamaꞌ, Yosë nontocoꞌ catahuainquëmaꞌ. Noya cancantohuatamaꞌ, Yosë cantanën cantatomaꞌ: “Yosparinquën Sinioro,” itocoꞌ.

Judas 1:20

Canpitaso nipirinhuëꞌ iyaroꞌsaꞌ, Yosë nanamën naꞌcon yonquicoꞌ noya noya imacamaso marëꞌ. Inasáchin noꞌtëquën anitotërinpoaꞌ Yosë pochin cancantacasoꞌ. Naporahuaton, Yosë nontácoꞌ. Ispirito Santo catahuarinquëmaꞌ cancanëma quëran huarëꞌ noya nontacasoꞌ.